San Juan 15:15 - Xochapa Mixteco

¹⁵ Ta käꞌan ka i xiꞌin ndo ya kúu ndo: “moso i” chi iin moso ta köo xíni ra unkua ikan ra xáa chiñu ra nuu. Sundi yeꞌe káꞌan i xiꞌin ndo ndóꞌo̱ ku ndo ítaꞌan vaꞌa ni xiꞌin i, chi ndi̱tuꞌun ndiꞌi i xiꞌin ndo xaꞌa ya xi̱ni soꞌo i ndi̱kaꞌan Iva i, ta saa íyo ndiꞌi ya ndi̱kaꞌan i xiꞌin ndo.

San Juan 15:15 Mawu Ofanana

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Lucas 10:23

Saa ndi̱ko koo ra ndi̱kaꞌan ra xiꞌin ndisaa mií nda ítaꞌan xiꞌin ra káchi ra saa: ―Vaꞌa ni kée na xíto ndiꞌi ñaꞌa íkan i taꞌan ya xíto ndóꞌo̱ íkan i.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 13:16

Ya ndixa ni kua káꞌan i xiꞌin ndo: Ra xáa chiñu nuu xitoꞌo ra, ta köo chee ka ra ikán nuu xitoꞌo ra. Ni iin ra xíka chiñu, ta köo chee ka ra ikán nuu ra ti̱ꞌvi ñaꞌa.

San Juan 15:20

Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

San Juan 16:12

’Ta íyo kuaꞌa ni ka ya kaꞌan i xiꞌin ndo, sundi vitin ta kündee ini ndo xiꞌin ya tá ná kaꞌan i xiꞌin ndo.

San Juan 17:26

Ta xa si̱naꞌa i na yóꞌó xaꞌa ndee kúu mií kivi un saa sinaꞌa ka i na. Íkan i saa ya ná koo ni ya kúꞌvi ini un xiꞌin na, tá kuꞌva kúꞌvi ni ini un xíni un yeꞌe, saa íkan tu yeꞌe va xiꞌin na, koo i xiꞌin na ―káchi Jesús ndi̱kaꞌan ra xiꞌin Ndioxi.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

San Juan 4:19

Ñaa tá xi̱ni soꞌo yá ya ndi̱kaꞌan ra xiꞌin yá, saa ndi̱kaꞌan yá xiꞌin ra, káchi yá saa: ―Tata, va iin ra káꞌan ndoso tuꞌun yuꞌu Ndioxi va ku un túvi i.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

Los Hechos 20:27

Saa chi xa ndi̱kani ndiꞌi va i ya kúni Ndioxi nuu ndo ta nda iin ya köo ndi̱tiseꞌe i nuu ndo.

ROMANOS 7:15

Köo xíni i unkua ndóꞌo i: chi köo íkan i ya vaꞌa ya kúni i ikan i, ya kúndasi nuu i ku ya íkan i.

1 Corintios 2:16

Xaꞌa ya ikán kua káꞌan tuꞌun Ndioxi ya ta̱a na xinaꞌa, káchi ya saa: “Nda iin naꞌa köo kúchiñu kundaa ini xaꞌa ya ndíkani ini Iva yo Ndioxi. Ni köo tu nda iin naꞌa, na ndíchi ni ya kuchiñu na sinaꞌa na ra”, káchi tuꞌun ra. Sundi ndeꞌe, ta kúndaa va ini nde xiꞌin ya yóꞌó, saa chi ndeꞌe, ta ta̱xi Ndioxi ya xínituni nde ndaꞌa nde tá kuꞌva íyo ya xínituni mií Tata yo Jesucristo, saa íyo ya xiꞌin nde.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

Efesios 1:9

Ta si̱naꞌa ra ñaꞌa nuu yo ya chi̱tuni mií ra ndi̱xiyo sěꞌe nuu ra. Ta ndee ni kúsini ra si̱naꞌa ra ya yóꞌó nuu yo tixin seꞌe ra Jesucristo, chi saa chi̱kaa ini ra ikan ra xiꞌin yo.

Efesios 3:5

Ta ya íyo sěꞌe taꞌan ya káꞌan i xaꞌa xiꞌin ndo yóꞌó yachi, ta nda iin naꞌa köo ndi̱kundaa ini xaꞌa ya, sundi vitin ta Ndioxi si̱naꞌa ra ya nuu nda i̱í, nda kúu apóstol xiꞌin nda profeta. Saa i̱kan ra si̱naꞌa ra ya nuu nda tixin Tachi I̱í ra.

Colosenses 1:26

Ta tuꞌun ra ya ti̱ꞌvi ra yeꞌe kaꞌan ndoso i xaꞌa ra ku tuꞌun ra ya ndi̱xiyo sěꞌe xinaꞌa tá sikan xi̱koo xaꞌa ñuu ivi yóꞌó. Sundi vitin ta xa si̱naꞌa va ra ya nuu na i̱í, na ndíkun ñaꞌa.

FILEMÓN 1:16

Chi ra xáa chiñu xiꞌin ya nduxa nuu un ku ra, sundi vitin ta yáꞌa ni ka va vaꞌa ndee xaa chiñu ra nuu un, süvi tá xa̱a chiñu ra yachi saa ikan ra, chi ra ñaa, ta ñani yo ndu̱u ra vitin, ta kúꞌvi ni ini yeꞌe xíni i ra, ta ndisaa ka vi mií un, tá káa ra veꞌe mií un saa ndu̱u ra ndee ni ka ndaa yaꞌvi ra nuu un tixin Tata yo Jesucristo.

Santiago 1:1

Yeꞌe Santiago, ra xáa chiñu nuu Ndioxi xiꞌin nuu Tata yo Jesucristo ku i táa tutu yóꞌó xaa ya ndaꞌa ndiꞌi uxi uvi saa iin iin tiꞌvi ndóꞌo̱ ñani yo, na Israel, na kúu ñuu Iva yo Ndioxi, na ndi̱xita niꞌnu ndóo ndiꞌi ni kúu xaꞌa ñuu ivi. Ta káꞌan ndioxi i xiꞌin ndo.

Santiago 2:23

Ta ya i̱kan ra Abraham saa kua si̱xinu ra tuꞌun Ndioxi ya káchi saa: “Ka̱ndixa ni ra Abraham Ndioxi yakan kua ndu̱u ra, ra vaꞌa nuu Ndioxi”. Saa ndu̱u ra iin taa ra xi̱taꞌan vaꞌa ni xiꞌin Ndioxi.

1 Pedro 1:11

Ta Tachi ya kúu mií Cristo, ra ndi̱kaxin Ndioxi kixi ndoꞌo ni xaꞌa yo kua ta̱xi xiní ndaꞌa nda ndi̱kaꞌan tuꞌun yuꞌu Ndioxi, ya kundaa ini nda xaꞌa ñaꞌa ya chee ni kuu mií ra kixi kivi vaxi, ta ndu̱ku ni tu nda kuꞌva kundaa ini nda xaꞌa ra ndá taa kuu ra, ta saa ndu̱ku tu nda kundaa ini nda ndá kivi kua kixi ra.

2 Pedro 1:1

Yeꞌe, Simón Pedro ra xáa chiñu nuu Tata yo Jesucristo ku i táa tutu ya tíꞌvi i xaa ndaꞌa ndóꞌo̱ ñani yo, na xa iin káchi luvi ni kándixa ra tá kuꞌva kándixa mií nde ra. Saa chi mií Tata yo Jesucristo ra síkaku yoo, ra kúu Iva yo Ndioxi ku iin taa ra ndee ni ndaa ini.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.

El Apocalipsis 1:1

Ya yóꞌó kua si̱naꞌa Ndioxi nuu Jesucristo ya ná sinaꞌa ra ya nuu nda xi̱taꞌan xiꞌin ra xaꞌa ñaꞌa ya kama ni kuu, ya kundaa ini naꞌa xaꞌa ndiꞌi ñaꞌa ya ikan Ndioxi, chi kama ni ikan ra ya, sixinu ndiꞌi ra ya yóꞌó. Yakan ti̱ꞌvi Tata yo Jesucristo iin ra tatun Ndioxi ki̱xi ra si̱naꞌa ndiꞌi ra ya nuu yeꞌe Juan, ra xi̱taꞌan xiꞌin ra.