San Juan 14:28 - Xochapa Mixteco

²⁸ Xa xi̱ni soꞌo ndo ya ndi̱kaꞌan i xiꞌin ndo: Kuꞌun i, ta sindiꞌi saa ndiko koo tuku i koo i xiꞌin ndo. Tá tu kúꞌvi ni ini ndo xíni ndo yeꞌe, ta kusini ni ndo chi ndi̱kaꞌan i xiꞌin ndo kuꞌun i nuu Iva i, chi Iva i ta chee ni ka ra ikán nuu yeꞌe.

San Juan 14:28 Mawu Ofanana

San Mateo 12:18

Ra yóꞌó ku taa ra ndi̱kaxin i xaa chiñu nuu i. Kúꞌvi ni ini i xíni i ra, ta kúsini ni i xiꞌin ra. Taxi i Tachi i koo ya xiꞌin ra. Saa kaꞌan ndoso ra ya ndaa xiꞌin ndiꞌi na köo kúu Judío.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 13:16

Ya ndixa ni kua káꞌan i xiꞌin ndo: Ra xáa chiñu nuu xitoꞌo ra, ta köo chee ka ra ikán nuu xitoꞌo ra. Ni iin ra xíka chiñu, ta köo chee ka ra ikán nuu ra ti̱ꞌvi ñaꞌa.

San Juan 14:12

Ya ndaa káꞌan i xiꞌin ndo, na kándixa ya káꞌan i, ta kuchiñu tu na ikán va xaa súvi na taꞌan ya íkan i. Ta nda ndee ka koo chiñu ikan na, saa chi yeꞌe ta ndiko koo i kuꞌun i nuu Iva i.

San Juan 14:18

Sïndoo ndaꞌi i ndóꞌo̱ chi ndiko koo tuku i koo i xiꞌin ndo.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 20:17

Saa ndi̱kaꞌan Jesús xiꞌin yá, káchi ra saa: ―Tïin un yeꞌe saa chi täꞌan ndiko koo i kuꞌun i nuu Iva i. Sundi vaꞌa kuꞌun un ndituꞌun un xiꞌin nda xi̱taꞌan xiꞌin i, ya ndiko koo i kuꞌun i nuu Iva i xiꞌin Iva ndóꞌo̱, Ndioxi mií i ku ra ta saa kúu tu ra Ndioxi ndóꞌo̱ va ―káchi Jesús xiꞌin yá.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

San Juan 5:18

Xaꞌa ya ikán kua kúni ni nda naꞌnu nuu na judío kaꞌni ñaꞌa nda, chi xáa soꞌo ra yáꞌa ra ley na xaꞌa ya síndaꞌa ra naꞌa kivi ndíkundee na, ta saa káꞌan ra Iva ra kúu Ndioxi, ta iin ndása ra mií ra xiꞌin Ndioxi.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

1 Corintios 11:3

Saa kúni i ná kundaa ini ndo, chi Cristo ku xi̱ní xiꞌin nda taa, ta nda taa ku xi̱ní xiꞌin ná síꞌi nda, ta Ndioxi ku xi̱ní xiꞌin Cristo.

1 Pedro 1:8

Vani täꞌan kuni xiꞌin nuu ndo Tata yo Jesucristo, ta kúꞌvi ni ini ndo xíni ndo ra. Saa kándixa ni ndo ra ta täꞌan kuni ndo ra. Ta ndee ni kúsini ndo, ni köo níꞌi ndo kuꞌva ndikani ndo ya ndóꞌo ndo kúsini ni ndo xiꞌin ra.

El Apocalipsis 1:11

―Yeꞌe ku i náni “Alfa tin Omega”, chi tuꞌun yóꞌó kúni kachi ya, yeꞌe ku ra táku nda kivi núnu̱ú, ta táku i vitin ta saa kutaku i iin saa nda kivi sindiꞌi. Ta vitin xíniñuꞌu un taa un nuu tutu ya sinaꞌa i nuu un kuni un. Ta ya taa un ñaa, ta tiꞌvi un ya ná kuꞌun ya ndaꞌa uxa ñuu nuu ndóo na kándixa yeꞌe. Uxa ñuu yóꞌó kua ñúꞌu estado Asia, ya náni Éfeso xiꞌin Esmirna tin Pérgamo xiꞌin Tiatira tin Sardis xiꞌin Filadelfia tin Laodicea ―káchi tachi ra ya xi̱ni soꞌo i.