San Juan 14:26 - Xochapa Mixteco

²⁶ Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

San Juan 14:26 Mawu Ofanana

San Mateo 1:18

Soꞌva ku̱u nuu ka̱ku Jesús ra kúu Cristo: Yá María, siꞌí Jesús, ta xa íyo yuꞌu yá tindaꞌa yá xiꞌin ra José, ta täꞌan ka vi tindaꞌa na xiꞌin taꞌan na, ta xa ndi̱kee va seꞌe yá i̱kan Tachi I̱í Ndioxi.

San Mateo 1:20

Saa ndíkani ini ra ndá kuꞌva sindoo sěꞌe ra yá, ta ndi̱tuvi iin tatun Ndioxi nuu ra tixin xani ndi̱kaꞌan ya xiꞌin ra, káchi ya saa: ―José, seꞌe sikua ra David, ku ïꞌvi un ndikiꞌin un yá María koo yá xiꞌin un, saa chi ya loꞌo ndíkaa tixin yá ta Tachi I̱í Ndioxi i̱kan saa xiꞌin yá ndi̱kee seꞌe yá.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Marcos 12:36

Ta suvi Tachi I̱í Ndioxi si̱kaꞌán ini xii sikua yo ra David ta̱a ra tuꞌun, káchi saa: Soꞌva káchi Iva i Ndioxi xiꞌin Tata i ra chee, káchi ra saa: “Naꞌa koo un ñaꞌñu kuáꞌá i nuu tai toꞌo yóꞌó. Yóꞌó koo un xiꞌin i ndakua ná sindiꞌi xaꞌa ndiꞌi i na sáa ini xíni yóꞌo̱, káchi Ndioxi, káchi ya ta̱a ra David xinaꞌa.

San Marcos 13:11

Tá ti̱in na ndóꞌo̱ ndi̱xaa ndo nuu na chiñu ta kündiꞌi ini ndo xaꞌa tuꞌun ya kaꞌan ndo xiꞌin na, ni ndïkani ini ndo xaꞌa ya. Tá ndi̱xaa ndo nuu na, ta unku mií tuꞌun chi̱nuu Ndioxi yuꞌu ndo, ta ya ikán kaꞌan ndo xiꞌin na, saa chi süvi mií ndo ku ndo kaꞌan, Tachi I̱í mií Ndioxi ya íyo xiꞌin ndo kua kaꞌan xiꞌin na.

San Lucas 1:15

Saa chi chee ni koo ra loꞌo ikán nuu Ndioxi. Ni köꞌo ra ndixi ni vinu köꞌo ra, nditaxi ndiꞌi ra mií ra ndaꞌa Ndioxi. Nda tá kivi ñúꞌu ra tixin siꞌí ra ta koo ndee Tachi I̱í Ndioxi xiꞌin ra.

San Lucas 1:35

Saa ndi̱kuiin tatun Ndioxi, káchi ya saa: ―Käka ini un chi mií Tachi I̱í Ndioxi ku ya kixi sata un, tá káa vikó saa koo ndee Ndioxi ra Chee ni kixi ya ndikasi ya yóꞌo̱, ñaa kee mií seꞌe un. Yakan kua koo ra, ra i̱í, saa kunani ra Seꞌe Ndioxi.

San Lucas 1:41

Tá xi̱ni soꞌo yá Elisabet chi̱ndee yá María ta ndikun ndi̱kanda ya loꞌo seꞌe yá tixin yá, ta saa si̱kutu Tachi I̱í Ndioxi ya vaꞌa yá xiꞌin ndee Ndioxi.

San Lucas 1:67

Ta saa ndu̱ndee ni ra Zacarías iva ra loꞌo Juan xiꞌin ndee Tachi I̱í Ndioxi, saa xa̱á ra káꞌan ra xaꞌa Ndioxi, káchi ra saa:

San Lucas 11:13

Ndóꞌo̱ vani väꞌa ivi ku ndo, ta köo táxi ndo ñaꞌa väꞌa ndaꞌa seꞌe ndo, ñaꞌa vaꞌa táxi ndo ndaꞌa na. Ta ndisaa ka vi Iva ndo Ndioxi ra íyo nuu ndivi taxi ra ya vaꞌa ndaꞌa ndo, taxi ra Tachi ra ndaꞌa ndo, tá tu ná kaꞌan ndo xiꞌin ra nduku ndo ya nuu ra ―káchi Jesús xiꞌin nda ítaꞌan xiꞌin ra.

San Lucas 2:25

Ta tiempo ikán íyo iin ra náni Simeón ñuu Jerusalén, ta vaꞌa ni taa kúu mií ra, káñuꞌu ni ra Ndioxi, ta íyo Tachi I̱í Ndioxi xiꞌin ra. Saa ndátun ra taa, ra tiꞌvi Ndioxi kixi sindiko ini na Israel.

San Lucas 24:49

Ta vaxi kivi tiꞌvi i ya ki̱ndoo Iva i Ndioxi kixi ya ndaꞌa ndo. Yakan këe yachi ndo ñuu Jerusalén yóꞌó, nda ná ndikiꞌin ndo ndee ya kee nuu ndivi, saa kee ndo ―káchi Jesús xiꞌin na.

San Lucas 3:22

Saa nu̱u Tachi I̱í Ndioxi, tá káa kiti sata, saa káa ya nu̱u xíka nuu ya xiní ra. Ta saa xi̱ni soꞌo na ndóo ikán ndi̱kaꞌan Ndioxi xiꞌin Jesús, káchi ra saa: ―Yóꞌo̱ ku seꞌe mani i, ta íyo vaꞌa ni ini i xíni i yóꞌo̱ ―káchi ra.

San Juan 1:33

Ta yeꞌe täꞌan kundaa ini i unku ra, sundi ra ti̱ꞌvi yeꞌe vaxi i sikuchi i naꞌa xiꞌin tikuii, ku ra ndi̱kaꞌan xiꞌin i káchi ra saa: “Tá xi̱ni un vaxi nùù Tachi i íyo ya xiꞌin iin ra, ta ra ñaa ku ra síkuchi naꞌa xiꞌin Tachi I̱í i”, káchi Ndioxi xiꞌin i.

San Juan 12:16

Ta nda ítaꞌan xiꞌin ra, ta köo ndi̱kundaa ini nda ya káꞌan tuꞌun ikán. Tá sindiꞌi nda̱a ra kuaꞌan ra nuu ndivi saa vi kua ndi̱kaꞌán ini nda ya ndo̱ꞌo ra, ta xa yachi vi íyo ya xaꞌa ra ya saa kundoꞌo ra káꞌan tuꞌun Ndioxi.

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 14:25

’Ya yóꞌó káꞌan i xiꞌin ndo tá íyo i xiꞌin ndo vitin.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 2:22

Chi tá ndi̱xiꞌi ra ta ndi̱taku ra kivi uni, ta saa ndi̱kaꞌán ini nda xi̱taꞌan xiꞌin ra xaꞌa tuꞌun yóꞌó. Ta saa ka̱ndixa nda tuꞌun Ndioxi ya ta̱a na xinaꞌa, ta ka̱ndixa tu nda tuꞌun ya ndi̱kaꞌan Jesús xiꞌin va nda.

San Juan 20:22

Tá ndi̱kaꞌan ra saa, ñaa ti̱vi ra tachi ra nuu nda, saa ndi̱kaꞌan ra xiꞌin nda, káchi ra saa: ―Ndikiꞌin ndo Tachi I̱í Iva i Ndioxi vitin.

San Juan 6:45

Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra kuiya xinaꞌa káchi ya saa: “Ndioxi sinaꞌa ra ndiꞌi naꞌa”, káchi ya. Ndiꞌi na xíni soꞌo ya sínaꞌa Iva i Ndioxi ta si̱kuaꞌa na nuu ra. Na ikán ku na vaxi nuu i.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

Los Hechos 1:2

iin saa nda kivi tá nda̱a ra kuaꞌan ra nuu ndivi. Tá täꞌan kuꞌun ra nuu ndivi ta xa̱ꞌnda ra chiñu nuu nda apóstol, nda ndi̱kaxin ra. Ta tixin Tachi I̱í Ndioxi kua i̱kan ra saa xiꞌin nda.

Los Hechos 1:4

Saa ku̱u iin kiví tá íin Jesús xiꞌin nda apóstol ta ndi̱kaꞌan ni ra xiꞌin nda ya ná këe yachi nda ñuu Jerusalén, ta tuꞌun ya ndi̱kaꞌan ra xiꞌin nda ku ya yóꞌó: ―Kundatun ndo, këe yachi ndo ñuu Jerusalén yóꞌó, ndakua ná ndi̱kiꞌin ndo ya ki̱ndoo Iva i Ndioxi taxi ra ndaꞌa ndo, ta nda saa kee ndo. Tá íyo ya xa ndi̱kaꞌan i xiꞌin ndo yachi, saa koo ya.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 11:16

Ta saa ndi̱kaꞌán ini i ya ndi̱kaꞌan Tata yo Jesús tá ndi̱kaꞌan ra xiꞌin yo xi̱taꞌan xiꞌin ra: “Ra Juan ta ya ndaa kua si̱kuchi ra naꞌa xiꞌin tikuii, sundi ndóꞌo̱ ta vaxi kivi kuchi ndo xiꞌin Tachi I̱í Ndioxi”, káchi ra xiꞌin yo.

Los Hechos 13:2

Saa iin kivi ndi̱kitaꞌan ndiꞌi mií na ndíkun Jesús ndóo na xáa kaꞌnu na Ndioxi ta xíxi suꞌun na. Saa ndi̱kaꞌan Tachi I̱í Ndioxi xiꞌin na, káchi ya saa: ―Tava síin ndo ra Bernabé xiꞌin ra Saulo ya ikan nda chiñu ya ndi̱kaxin i nda ikan nda ―káchi ya xiꞌin na.

Los Hechos 13:4

Saa ti̱ꞌvi Tachi I̱í Ndioxi ra Bernabé xiꞌin ra Saulo kuaꞌan nda kaꞌan ndoso nda tuꞌun Ndioxi. Xiꞌna ñuu Seleucia ndi̱xaa nda, saa nda̱a nda tun barco kuaꞌan nda ñuu Chipre, ya ndíkaa ñuꞌú íchi maꞌñu nduta ñûꞌu.

Los Hechos 15:28

Iin yuꞌu ku nde xiꞌin Tachi I̱í Ndioxi ya sïkuiso vee nde ndóꞌo̱ xiꞌin inka ka chiñu, ndisaa ya yóꞌó kua xíniñuꞌu ndo xaa súvi ndo:

Los Hechos 15:8

Ta Ndioxi ku ra xíni ndiꞌi ya íyo nima ivi, ta iin káchi ta̱xi ra Tachi I̱í ra ndaꞌa yo na kúu judío xiꞌin na köo kúu judío. Tá kuꞌva i̱kan ra xiꞌin yoo saa i̱kan tu ra xiꞌin na ikán va.

Los Hechos 16:6

Saa ku̱ni ra Pablo kuꞌun ra chí Asia ta köo ndi̱xiin Tachi I̱í Ndioxi taxi ya kuꞌun nda ndituꞌun nda tuꞌun Ndioxi ikán. Xaꞌa ya ikán kua ndi̱kiꞌin nda kuaꞌan chí Frigia xiꞌin Galacia.

Los Hechos 2:33

Ta ndi̱kiꞌin Ndioxi ra kuaꞌan xiꞌin ra koo ra ñaꞌñu kuáꞌá ra nuu ndivi. Saa ta̱xi Ndioxi Tachi ra ndaꞌa Jesús tá íyo ya ndi̱kaꞌan ra xiꞌin Jesús yachi, saa íyo ya i̱kan ra. Ta ndiꞌi ya xíto ndo xiꞌin ya xíni ndo vitin, Tachi I̱í Ndioxi ya ti̱ꞌvi ra ndaꞌa nde kua i̱kan saa xiꞌin nde.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

Los Hechos 20:28

Ta ndóꞌo̱ ku ndo ndi̱kaxin Tachi I̱í Ndioxi ya kundiso chiñu ndo xiꞌin na veꞌe ñuꞌu. Tá íkan nda ndáa levo sana nda, saa ikan ndo. Xaa kuenta ni ndo xiꞌin mií ndo tin xaa kuenta ni ndo xiꞌin na kuaꞌan ichí Jesús. Chi na ikán ku na sa̱ta ra xiꞌin ni̱í mií ra nduta ndi̱xita nuu cruzin.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

Los Hechos 28:25

Ta köo ndi̱xiyo yuꞌu sava na xiꞌin taꞌan na xaꞌa ya káꞌan ra Pablo, ñaa vaꞌa ka ka̱na koo na kuaꞌan na. Ta saa xa̱á ra Pablo káꞌan ra, káchi ra saa: ―Ya ndixa ni kua ndi̱kaꞌan Ndioxi xaꞌa ndo xinaꞌa xiꞌin xii sikua yo, chi xinaꞌa si̱kaꞌan Tachi I̱í Ndioxi ini ra Isaías ra ndi̱kaꞌan ndoso tuꞌun yuꞌu ra, ta̱a ra tuꞌun mií Ndioxi káchi ra saa:

Los Hechos 5:3

Ñaa ndi̱kaꞌan ra Pedro xiꞌin ra Ananías, káchi ra saa: ―Tata, ¿ndachu kua i̱kan un saa? Ta̱xi un ndi̱kiꞌvi kiti Satanás nima un ta ku̱ni un sindaꞌvi un Tachi I̱í Ndioxi. Ya yóꞌó ku ndiꞌi xuꞌun ki̱ꞌin un xaꞌa ñuꞌú un, káchi un, ta süvi ya ndaa kua chi ndi̱ndoo ka ya ndaꞌa un.

Los Hechos 7:51

’¿Ta ndachu soꞌo ni ndóꞌo̱, na chiñu? Ta tuun ni nima ndo, tá íin ndóꞌo̱ köo xíni Ndioxi saa íin ndo. Tá ndi̱xiyo xii sikua yo, saa íin ndo, chi köo xíin ndo kuni soꞌo ndo ya káꞌan Tachi I̱í Ndioxi xiꞌin ndo.

Los Hechos 7:55

Sundi Tachi I̱í Ndioxi ta íyo ya xiꞌin ra Esteban. Ñaa ndi̱koto ra nuu ndivi, ta xi̱ni ra ya yeꞌe Ndioxi, xi̱ni ra ndíchi Jesús ñaꞌñu kuáꞌá Ndioxi.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

ROMANOS 15:16

Chiñu kúu mií i kua xáa chiñu i nuu Jesucristo. Tá káa iin sutu káa i káꞌan ndoso i tuꞌun vaꞌa xaꞌa ra xiꞌin naꞌa, na köo kúu judío, ya kuchiñu na kuyati na nuu ra. Ta saa nduu na tá íin ñaꞌa ya sóko i nuu Ndioxi, ta vaꞌa ni ndikuiso ra na, saa chi xa ndi̱kaxin mií Tachi I̱í Ndioxi na, ta xaꞌa mií ra kua ndi̱kaxin ya na.

ROMANOS 5:5

Ta ni süvi ya mani uun ku ya ndáa ini yo ya sixinu Ndioxi ya ndi̱kaꞌan ra xiꞌin yo, chi ndee ni si̱niꞌi ra Tachi I̱í ra nuu yo, nda tá kuꞌva chútu ndaa tikuii ini iin vaso, ndakua xíta ndaa rá yuꞌu ya, kuꞌva saa íkan Tachi I̱í Ndioxi xiꞌin yo, iin síkutu ndaa ya mií yo xiꞌin ya kúꞌvi ni ini ra xíni ra yoo.

1 Corintios 12:3

Xaꞌa ya ñaa kua káꞌan i xiꞌin ndo, nda iin naꞌa, küvi tavi chiꞌña na Jesús tá tu kúu mií na Tachi I̱í Ndioxi. Ta saa tu nda iin na küvi kaꞌan: “Jesús kúu Tata nde ra chee ni nuu nde”, kachi na, tá tu köo Tachi I̱í Ndioxi kúu mií na.

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

2 Corintios 6:6

Xaꞌa ya vaꞌa ni íyo nde nuu naꞌa kua sínaꞌa nde mií nde nuu na ya kúu nde taa, nda xáa chiñu nuu Ndioxi, chi íyo ni ya xínituni nde xaꞌa ya xíni nde ya ndaa, ta xáꞌa ndee ni ini nde nuu ndiꞌi ya, ni köo ndíko koo ini nde, vaꞌa ni ini nde xiꞌin naꞌa. Íkan nde saa xaꞌa ya íyo Tachi I̱í Ndioxi xiꞌin nde, ta ndinuꞌu ni ini nde kúꞌvi ini nde xíni nde na,

Efesios 1:13

Ta saa i̱kan tu Ndioxi xiꞌin ndóꞌo̱ va, tá xi̱ni soꞌo ndo tuꞌun vaꞌa ya ndaa, ya kúu tuꞌun vaꞌa xaꞌa Cristo nuu kuchiñu ndo kaku ndo, ta ka̱ndixa ndo ya. Saa chi̱nuu ra tuni ra ndóꞌo̱, ta ya ikán ku Tachi I̱í ra, ya xa ki̱ndoo ra taxi ra ndaꞌa ndo.

Efesios 1:17

Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

1 Tesalonicenses 4:8

Ta ndiꞌi naꞌa, na köo xíin xaa súvi ya yóꞌó, ta süvi ya káꞌan ndeꞌe kua köo xíin na xaa súvi na, chi ya káꞌan mií Iva yo Ndioxi kua köo xíin na xaa súvi na, chi mií ra ku ra táxi Tachi I̱í ra ndaꞌa yo íyo ya xiꞌin yo.

2 Timoteo 1:14

Mií Tachi I̱í Ndioxi ya íyo xiꞌin yo ná chindee yóꞌo̱ ya kuchiñu un kiꞌin ni un kuenta xiꞌin tuꞌun vaꞌa ya si̱kuiso chiñu Ndioxi yóꞌo̱, ta säma un ya.

Tito 3:5

Si̱kaku ra yoo, ta süvi xaꞌa ndá ka chiñu ya vaꞌa i̱kan yo kua i̱kan ra saa xiꞌin yo. Xaꞌa ya kúndaꞌvi ni ini ra xíni ra yoo kua i̱kan ra saa xiꞌin yo. Ta ndi̱kata ra yoo, saa nda̱sa xa̱á ra yoo ndu̱u yo na xa̱á nuu Tachi I̱í ra.

HEBREOS 10:15

Ta xíni yo ya ndixa kua, chi káꞌan Tachi I̱í Ndioxi xiꞌin yo, káchi ya:

HEBREOS 2:4

Ta si̱naꞌa teꞌe Ndioxi yoo, ya ndaa ku tuꞌun ra, chi kuaꞌa ni nuu seña ya täꞌan kuni yo si̱naꞌa ra nuu yo, xiꞌin ndee vaꞌa ni xiꞌin yatuꞌun si̱naꞌa ra nuu yo, ta tixin Tachi I̱í ra kua ta̱xi ndiꞌi ra ya yóꞌó ndaꞌa yo tá kuꞌva chi̱tuni mií ra, saa i̱kan ra xiꞌin yo.

HEBREOS 3:7

Tá káꞌan Tachi I̱í Ndioxi nuu tuꞌun ra, káchi ya saa: “Tá tu xíni soꞌo ndo vitin ya káꞌan Ndioxi xiꞌin ndo,

HEBREOS 9:8

Ta xiꞌin ya yóꞌó sínaꞌa Tachi I̱í Ndioxi yoo vitin, tá kivi ndi̱xiyo Cuarto ya I̱í, ya núnu̱ú ikán, ta köo naꞌa ndi̱kuchiñu kiꞌvi ini Cuarto ya ndee ni I̱í ya xaa kaꞌnu na Ndioxi, tá káa ya xi̱ndasi saa ndi̱xiyo ya nuu na.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

2 Pedro 1:21

Saa chi tuꞌun ya ta̱a nda ndi̱kaꞌan ndoso tuꞌun yuꞌu Ndioxi, ta süvi xiní mií nda ndíkana ya ta̱a nda, mií Tachi I̱í Ndioxi kua si̱ndikaꞌán ini nda xiꞌin ndiꞌi ya ta̱a nda.

1 Juan 2:20

Sundi ndóꞌo̱ ta ta̱xi Tata yo Jesucristo Tachi I̱í ra ndaꞌa ndo, ta xa xíni ndiꞌi ndo ya ndaa.

1 Juan 2:27

Sundi ndóꞌo̱ ta xa kúu mií ndo Tachi I̱í Ndioxi ya ta̱xi Tata yo Jesucristo ndaꞌa ndo. Ta köo xíniñuꞌu sinaꞌa inka naꞌa ndóꞌo̱, chi Tachi I̱í mií Ndioxi sínaꞌa ndóꞌo̱ xaꞌa ndiꞌi ni kúu ñaꞌa. Ta ya sínaꞌa Tachi ra ku ya ndaa, süvi ya vata kua káꞌan Tachi ra xiꞌin ndo. Ta ndinuꞌu ni ini ndo kundikun vaꞌa ka ndo Tata yo Jesucristo tá kuꞌva sínaꞌa Tachi I̱í Ndioxi ndóꞌo̱.

1 Juan 5:7

Uni ku na ndíkuiin xaꞌa ra nuu ndivi: Iva yo Ndioxi tin Tuꞌun ra xiꞌin Tachi I̱í Ndioxi ku na ndíkuiin xaꞌa ra, ta iin ku uni saa na yóꞌó.

Judas 1:20

Sundi ndóꞌo̱ ñani yo, ta iin tuun saa ná chindee taꞌan ni ndo xiꞌin taꞌan ndo ya ndinuni kundikun ndo tuꞌun i̱í ya kándixa ndo, ta kaꞌan ni ndo xiꞌin Ndioxi tá kuꞌva kúni mií Tachi I̱í Ndioxi.

El Apocalipsis 2:11

Ndiꞌi ndóꞌo̱ kándixa yeꞌe, ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ya väꞌa, xaꞌa ya köo síndikoo ndo ichí i. Ndóꞌo̱ ta küvi ndo nuu Ndioxi, vani kuvi ndo ñuu ivi yóꞌó ndiꞌi xaꞌa ikin kuñu ndo, sundi küvi ndo ichí uvi, kutaku ya vaꞌa ndo koo ya xiꞌin Ndioxi ―káchi Tata yo Jesucristo.