San Juan 14:24 - Xochapa Mixteco

²⁴ Ta na köo kúꞌvi ini xíni yeꞌe, ta köo xáa súvi na ya káꞌan i. Chi tuꞌun ya xíni soꞌo ndo káꞌan i ta süvi tuꞌun mií i kua, tuꞌun Iva i ra ti̱ꞌvi yeꞌe vaxi i kua.

San Juan 14:24 Mawu Ofanana

San Mateo 19:21

Saa ndi̱kuiin Jesús, káꞌan ra: ―Tá tu kúni un koo un iin taa ra vaꞌa ni, kuáꞌan xiko ndiꞌi ñaꞌa ya kúu mií un, saa siniꞌi un xuꞌun nuu na ndaꞌvi. Saa kua ndukuika ni un xiꞌin Ndioxi nuu ndivi. Tá ndiꞌi i̱kan un saa, ta saa kixi un kundikun un yeꞌe ―káchi Jesús xiꞌin ra.

San Juan 14:10

¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

San Juan 14:25

’Ya yóꞌó káꞌan i xiꞌin ndo tá íyo i xiꞌin ndo vitin.

San Juan 3:11

Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Juan 3:34

Saa chi ra ti̱ꞌvi Ndioxi vaxi ñuu ivi yóꞌó, ta káꞌan ra tuꞌun Ndioxi, chi Ndioxi ta köo táxi loloꞌo ra ndee Tachi I̱í ra ndaꞌa na, iin táxi ndiꞌi ra ya ndaꞌa na.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 5:38

Ni tuꞌun ra ta köo ya íyo nima ndo, chi köo kándixa ndo yeꞌe ra ti̱ꞌvi Ndioxi vaxi ñuu ivi yóꞌó.

San Juan 7:16

Saa ndi̱kuiin Jesús káꞌan ra: ―Ya sínaꞌa i ta süvi ya xíni mií i kua, ya xíni ra ti̱ꞌvi yeꞌe vaxi i kua sínaꞌa i.

San Juan 7:28

Ta saa ndíkaa Jesús keꞌe veꞌe ñuꞌu sínaꞌa ra, ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―¡Ya ndaa kua xíni ndo yeꞌe ta xíni tu ndo nuu ke̱e va i! Sundi süvi xaꞌa ya kúni mií i kua vaxi i, chi íyo iin ra ti̱ꞌvi yeꞌe vaxi i, ta ra ikán ta ndaa ni ini ra, ta ndóꞌo̱ köo xíni ndo ra.

San Juan 8:26

Íyo kuaꞌa ni ya kaꞌan i xiꞌin ndo xaꞌa ya väꞌa íkan ndo. Sundi ra ti̱ꞌvi yeꞌe vaxi i, ta ra ndaa ni ku ra, ta ndiꞌi ya káꞌan i ñuu ivi yóꞌó ta ya xi̱ni soꞌo i ndi̱kaꞌan ra kua káꞌan i ―káchi Jesús xiꞌin nda.

San Juan 8:28

Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

San Juan 8:38

Yeꞌe ta káꞌan i xiꞌin ndo ndá kuꞌva íyo ya si̱naꞌa Iva i nuu i. Ta saa tu ndóꞌo̱ va ndisaa ya káꞌan iva ndo xiꞌin ndo kua xáa súvi ndo ―káchi Jesús xiꞌin na.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.