San Juan 14:21 - Xochapa Mixteco

²¹ Na xíni soꞌo ya xáꞌnda chiñu i ta xáa súvi na ya káꞌan i, na ikán ku na ndixa kúꞌvi ini xíni yeꞌe. Ndiꞌi na kúꞌvi ini xíni yeꞌe ta kuꞌvi ini Iva i kuni ra na, ta saa tu yeꞌe va kuꞌvi ini i kuni i na, ta situvi i mií i nuu na ―káchi Jesús xiꞌin nda.

San Juan 14:21 Mawu Ofanana

San Lucas 11:28

Ta saa ndi̱kuiin ra káchi ra saa: ―Süvi saa íyo ya. Vaꞌa ni ka kée na xíni soꞌo tuꞌun Ndioxi ta xáa súvi na ya káꞌan ya ―káchi ra xiꞌin yá.

San Juan 14:15

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

San Juan 14:18

Sïndoo ndaꞌi i ndóꞌo̱ chi ndiko koo tuku i koo i xiꞌin ndo.

San Juan 15:14

Ta ndóꞌo̱ ku ndo ítaꞌan vaꞌa ni xiꞌin i tá tu xáa súvi ndo ya káꞌan i xiꞌin ndo.

San Juan 16:14

Ta chinuu sukun ni ya ya toꞌo i, saa chi ndituꞌun ya xiꞌin ndo xaꞌa ya kúu kuenta yeꞌe.

San Juan 16:27

Saa chi Iva i ta kúꞌvi ni ini ra xíni ra ndóꞌo̱, saa chi kúꞌvi ni ini ndo xíni ndo yeꞌe, ta kándixa ndo yeꞌe ya ke̱e i nuu ra.

San Juan 17:23

Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.

Los Hechos 22:18

xi̱ni i Tata yo Jesús káꞌan ra xiꞌin i, káchi ra saa: “Kama ni koo un kee un ñuu Jerusalén yóꞌó, chi küaꞌa na ñuu yóꞌó kandixa na ya káꞌan un xaꞌa i xiꞌin na”, káchi ra xiꞌin i.

2 Corintios 12:8

Ta xa uni ichí ndi̱xikan ni i ya mani nuu Tata yo Jesucristo ya ná sindaꞌa ra yeꞌe xiꞌin kueꞌe ndóꞌo i.

2 Corintios 3:18

Yakan kua tá kúu ndiꞌi yo kándixa Tata yo Jesucristo, ta köo ndási ka nuu yo, vaꞌa xíto teꞌe yo, yakan kua tá íin yu̱ú tatan saa íin yo chi sínaꞌa teꞌe yo ya luvi ni íkan ra xiꞌin ya ndee ni luvi kúu mií ra. Ta saa kua ndúu yo tá kuꞌva káa mií Tata yo Jesucristo. Ta ya ndínama yo iin iin kivi ta mií Tata yo Jesucristo ra kúu Tachi ku ra íkan saa xiꞌin yo.

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

2 Tesalonicenses 2:16

Ta mií Tata yo Jesucristo xiꞌin mií Iva yo Ndioxi ku ra kúꞌvi ni ini xíni yoo, saa si̱ndiko ra ini yo ndiꞌi saa kúu ichí, ta ndixaꞌa ni ra ndee xiꞌin yo ya ndee ni tuun kundikun yo ra, xaꞌa ya vaꞌa ni ini ra xiꞌin yo.

2 Timoteo 4:22

Ta mií Tata yo Jesucristo ná koo xiꞌin un. Saa ná chikaa ni Iva yo Ndioxi ya vaꞌa ndiꞌi ndo.

1 Juan 2:5

Sundi tá xáa súvi yo ya xáꞌnda chiñu Ndioxi nuu yo, ta saa kua kúndaa ini yo ya ndixa ndinuꞌu ni kua kúꞌvi ini yo xíni yo ra. Tixin ya yóꞌó kua kúndaa ini yo íyo yo xiꞌin ra.

1 Juan 3:1

¡Koto ndo vii! Iva yo Ndioxi ta yáꞌa ni kúꞌvi ini ra xíni ra yoo, yakan táxi ra kunani yo seꞌe ra ta ya ndaa kua kúu yo seꞌe ra. Xaꞌa ya kúu yo seꞌe ra yakan köo kúni na ñuu ivi yóꞌó kuni na mií yo. Saa chi ni mií ra ta köo ndi̱xiin na kuni ñaꞌa na.

1 Juan 5:3

Tá tu xáa súvi yo ya xáꞌnda chiñu Ndioxi nuu yo ta sínaꞌa yo mií yo ya kúꞌvi ini yo xíni yo ra. Saa chi ya xáꞌnda chiñu ra nuu yo ta süvi tá káa iin ya vee ndíso yo káa ya.

2 Juan 1:6

Tá tu ndixa kúꞌvi ini ndo xíni taꞌan ndo ta xíniñuꞌu ndo kandixa ndo ya xáꞌnda chiñu Ndioxi. Saa chi ya yóꞌó ta xa yachi vi xi̱ni soꞌo ndo: ya xíniñuꞌu yo kuꞌvi ini yo kuni taꞌan yo.

El Apocalipsis 2:17

Ndiꞌi ndóꞌo̱ íyo soꞌo ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ñaꞌa ya väꞌa, xaꞌa ya köo síndikoo na ichí i, ta taxi i xita vaꞌa ya íyo sêꞌe kuxi na, xita vaꞌa yóꞌó náni ya maná ya ke̱e nuu ndivi. Saa taxi i iin yu̱ú yaa ndaꞌa iin iin na ikán, ta nuu yu̱ú ikán kunuu kivi na ya xa̱á. Ta nda iin naꞌa kündaa ini unkua ku kivi xa̱á iin iin na, iindaa mií na kundaa ini unkua ku kivi na ya xa̱á ―káchi Tata yo Jesucristo.

El Apocalipsis 22:14

Vaꞌa ni kée na ndíkata toto na ya ndúyaa ni ya, chi na ikán ta kuu mií na ichí kaxi na kuiꞌi ndaꞌa itun táxi kutaku na xiꞌin Ndioxi ndiꞌi saa ichí. Saa kuchiñu na kiꞌvi na yeꞌe ñuu i̱í ikán.

El Apocalipsis 3:20

¡Koto ndo! Yeꞌe ku ra ndíchi yeꞌe ndo, ta kána i ndóꞌo̱. Tá ndá ndóꞌo̱ xíni soꞌo tachi i, ta xúna ndo yeꞌe ndo nuu i, saa káꞌan ndo xiꞌin i kiꞌvi i veꞌe ndo kuxíni i xiꞌin ndo, ta kuxíni ndo xiꞌin i.