San Juan 14:17 - Xochapa Mixteco

¹⁷ Ta ya ikán ku Tachi Ndioxi ya sinaꞌa ndóꞌo̱ xaꞌa ya ndaa. Ta na köo ndíkun yeꞌe ta küvi ndikiꞌin na ya koo ya xiꞌin na, chi köo xíni na ya, ta ni küchiñu na kuni xiꞌin nuu na ya. Sundi ndóꞌo̱ ndíkun yeꞌe ta xíni ndo ya, ta íyo ya xiꞌin ndo, saa koo ya xiꞌin ndo ndiꞌi saa ichí.

San Juan 14:17 Mawu Ofanana

San Mateo 10:20

Süvi tuꞌun vaxi xiní mií ndo kua kaꞌan ndo xiꞌin na, chi tuꞌun Tachi I̱í mií Iva yo Ndioxi kua kaꞌan ndo xiꞌin na.

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

San Juan 14:23

Saa ndi̱kuiin Jesús, káꞌan ra: ―Na kúꞌvi ini xíni yeꞌe, ta xáa súvi na ya káꞌan i xiꞌin na ta kuꞌvi ini Iva i kuni ra na, ta saa kixi Iva i tin yeꞌe, kixi nde koo nde xiꞌin na.

San Juan 15:26

Saa ndi̱kaꞌan ka Jesús xiꞌin nda, káchi ra saa: ―Tá ná kixi Tachi Ndioxi ya Sindiko ini ndo ndikuiin ya xaꞌa i kaꞌan ya xiꞌin ndo. Ta ya tiꞌvi i kixi ta ya ndaa ni kua chi nuu Iva i vaxi ya.

San Juan 16:13

Tá ná kixi Tachi I̱í Ndioxi saa chindee ya ndóꞌo̱ kaꞌan ya xiꞌin ndo unkua ku ya ndaa, ta sinaꞌa teꞌe ya ndóꞌo̱ ndá kuꞌva kundikun ndo ichí ya ndaa. Ta ya sinaꞌa ya ndóꞌo̱ ta süvi kuenta mií ya kua kaꞌan ya xiꞌin ndo, sundi kaꞌan ya xiꞌin ndo xaꞌa tuꞌun ya xíni soꞌo ya káꞌan Ndioxi. Ta saa ndituꞌun ya xiꞌin ndo xaꞌa ndiꞌi ya kuu kivi vaxi.

San Juan 6:40

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

1 Corintios 14:15

Tá tu saa ra ta ¿unkua vaꞌa ikan i? Ya vaꞌa ikan i kua kaꞌan i xiꞌin Ndioxi xiꞌin ya vaꞌa i, ta saa kaꞌan tu i xiꞌin ra xiꞌin tuꞌun ya kúndaa ini i xiꞌin. Saa kata tu i nuu ra xiꞌin yaa ya kúndaa ini ya vaꞌa i xiꞌin, ta nda mií i ta kundaa ini i xiꞌin ya kata i nuu ra.

1 Corintios 2:14

Ta naꞌa, na köo íyo Tachi I̱í Ndioxi xiꞌin ta köo kúchiñu na kundaa ini na xaꞌa ya vaꞌa ke̱e nuu ndivi, chi tá káa tuꞌun ya kíꞌvi va saa káa ya nuu na. Köo kúchiñu na kundaa ini na xaꞌa ya, saa chi ndisaa naꞌa, na kúu mií Tachi I̱í Ndioxi ku na kúchiñu kúndaa ini xiꞌin ya.

1 Corintios 3:16

Ta saa ndóꞌo̱, ¿án köo kúndaa ini ndo ya íin ndo tá káa veꞌe ñuꞌu Ndioxi, ta íyo tu Tachi I̱í ra xiꞌin va ndo?

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

2 Corintios 13:5

Yakan vaꞌa koto ndoso ndo mií ndo ndá kuꞌva íyo ndo, ta saa kua vaꞌa kundaa ini ndo án ndinuꞌu ini ndo kándixa ndo Jesucristo. Tá vaꞌa ka̱na ndo ya xi̱to ndoso ndo mií ndo, ta saa kua kúndaa ini ndo ya ndixa kua kándixa ndo ra, ta íyo ra xiꞌin ndo. Tá tu köo vaꞌa ndíkana ndo, ta kúni kachi ya köo kándixa ndo ra, ta köo íyo ra xiꞌin ndo.

2 Corintios 6:16

Köo íyo yuꞌu naꞌa, na kúu veꞌe ñuꞌu Ndioxi xiꞌin naꞌna ndioxi ya ndíi. Ta saa yoo, chi yo veꞌe ñuꞌu Ndioxi ra táku ku yo. Tá kuꞌva ndi̱kaꞌan mií ra, káchi ra saa: Yeꞌe, ta koo i xiꞌin na, saa kaka i xiꞌin na, Ndioxi na kúu i, saa kúu na, na ñuu mií i, káchi Ndioxi.

Gálatas 4:6

Ta xaꞌa ya ndu̱u yo seꞌe Ndioxi, yakan vaꞌa ta̱xi ra Tachi I̱í Seꞌe ra ndaꞌa yo íyo ya nima yo. Ta mií ya ku ya síkaꞌán ini yo ya vaꞌa kaꞌan yo xiꞌin ra, kachi yo soꞌva: “Iva mani mií i”, kachi yo xiꞌin ra.

Efesios 2:22

Ta ndixaꞌvi ni mií ra chi ndóꞌo̱ xiꞌin na judío ta tá káa veꞌe ñuꞌu nuu íyo Ndioxi, saa íin ndo, chi íyo Tachi I̱í ra ini ndo.

Efesios 3:17

Saa xíkan ni tu i ya vaꞌa nuu Iva yo Ndioxi ya ná kandixa ni ka ndo Cristo, saa ná kuꞌvi ni ini ndo kuni ñaꞌa ndo, ta nda tá káa iin tioꞌo itun kúnu ni ndíkaa, án veꞌe ya tuun ni ndi̱kuaꞌa xaꞌa, kuꞌva saa ná kuaꞌnu ni ka tuꞌun ra nima ndo.

Colosenses 1:27

Ta saa kua i̱kan Iva yo Ndioxi, saa chi ku̱ni ra ya ná kundaa ini na kúu kuenta mií ra xaꞌa ñaꞌa ya ndi̱xiyo sěꞌe xinaꞌa. Ta tuꞌun ra ya ndaa, ya chee ni, ya luvi ni, ta ya kuni soꞌo ndiꞌi ni kúu naꞌa kua. Ta ya káꞌan tuꞌun Iva yo xaꞌa ya ndixiyo sěꞌe yóꞌó kua: íyo Tata yo Jesucristo nima ndóꞌo̱ köo kúu judío vitin, ta kúndaa teꞌe ini ndo ya koo ndo xiꞌin ra nuu ndivi.

2 Timoteo 1:14

Mií Tachi I̱í Ndioxi ya íyo xiꞌin yo ná chindee yóꞌo̱ ya kuchiñu un kiꞌin ni un kuenta xiꞌin tuꞌun vaꞌa ya si̱kuiso chiñu Ndioxi yóꞌo̱, ta säma un ya.

1 Juan 2:27

Sundi ndóꞌo̱ ta xa kúu mií ndo Tachi I̱í Ndioxi ya ta̱xi Tata yo Jesucristo ndaꞌa ndo. Ta köo xíniñuꞌu sinaꞌa inka naꞌa ndóꞌo̱, chi Tachi I̱í mií Ndioxi sínaꞌa ndóꞌo̱ xaꞌa ndiꞌi ni kúu ñaꞌa. Ta ya sínaꞌa Tachi ra ku ya ndaa, süvi ya vata kua káꞌan Tachi ra xiꞌin ndo. Ta ndinuꞌu ni ini ndo kundikun vaꞌa ka ndo Tata yo Jesucristo tá kuꞌva sínaꞌa Tachi I̱í Ndioxi ndóꞌo̱.

1 Juan 3:24

Ta ndiꞌi na xáa súvi ya xáꞌnda chiñu ra, ta ítaꞌan na xiꞌin ra, saa ítaꞌan ra xiꞌin na. Xíni yo íyo ra xiꞌin yo chi ta̱xi ra Tachi ra íyo ya xiꞌin yo.

1 Juan 4:4

Ñani yo, kuenta Ndioxi ku yo ta xa ku̱chiñu yo nuu na sáa ini xíni Tata yo, saa chi ndee ni ka Ndioxi ra íyo xiꞌin yo nuu tachi nduvaꞌa ya xáꞌnda chiñu nuu na ñuu ivi yóꞌó.

1 Juan 4:6

Ta yoo, ta kuenta Ndioxi ku yo, ta na ndíkun Ndioxi ku na xíni soꞌo ya káꞌan yo. Ta naꞌa na köo ndíkun Ndioxi ta köo xíin na kuni soꞌo na ya káꞌan yo. Tixin ya yóꞌó kua ndíkuni yo unku na kúu mií Tachi Ndioxi ya ndaa ta unku na kúu mií tachi nduvaꞌa ya vata.

1 Juan 5:7

Uni ku na ndíkuiin xaꞌa ra nuu ndivi: Iva yo Ndioxi tin Tuꞌun ra xiꞌin Tachi I̱í Ndioxi ku na ndíkuiin xaꞌa ra, ta iin ku uni saa na yóꞌó.

El Apocalipsis 2:17

Ndiꞌi ndóꞌo̱ íyo soꞌo ta kuni soꞌo ni ndo ya káꞌan Tachi I̱í Ndioxi xiꞌin ndo. Ndiꞌi ndóꞌo̱, na kúchiñu nuu ñaꞌa ya väꞌa, xaꞌa ya köo síndikoo na ichí i, ta taxi i xita vaꞌa ya íyo sêꞌe kuxi na, xita vaꞌa yóꞌó náni ya maná ya ke̱e nuu ndivi. Saa taxi i iin yu̱ú yaa ndaꞌa iin iin na ikán, ta nuu yu̱ú ikán kunuu kivi na ya xa̱á. Ta nda iin naꞌa kündaa ini unkua ku kivi xa̱á iin iin na, iindaa mií na kundaa ini unkua ku kivi na ya xa̱á ―káchi Tata yo Jesucristo.