San Juan 14:13 - Xochapa Mixteco

¹³ Ta ndiꞌi ya ndúku ndo nuu Iva i Ndioxi xiꞌin kivi i, ta xaa súvi i ya xiꞌin ndo. Xaꞌa ya ikan i xiꞌin ndo kua ndikunuu vaꞌa ni ya toꞌo Iva i Ndioxi tixin yeꞌe kúu Seꞌe ra.

San Juan 14:13 Mawu Ofanana

San Mateo 21:22

Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.

San Mateo 7:7

Saa ndi̱kaꞌan Jesús, káchi ra saa: ―Ndúku ndo ñaꞌa ya xíniñuꞌu ndo nuu Ndioxi, ta taxi ra ya ndaꞌa ndo. Saa ndinduku ndo ñaꞌa nuu ra ta niꞌi ndo ya. Kani ndaꞌa ndo yeꞌe, ta kuna ra ya nuu ndo, kiꞌvi ndo.

San Marcos 11:24

Yakan kua káꞌan i xiꞌin ndo, ndiꞌi ñaꞌa ndúku ndo nuu Ndioxi tá ndáa ni ini ndo ra, vani täꞌan taxi ra ya ndaꞌa ndo sundi tá xa íyo ya ndi̱kiꞌin va ndo saa íyo ya túvi ndo, ta niꞌi ndixa ndo ya nuu ra.

San Lucas 11:9

Yakan kua káꞌan i xiꞌin ndo, nduku ndo ya nuu Ndioxi ta taxi ra ya ndaꞌa ndo. Nduku ndo ya nuu ra ta niꞌi ndo ya nuu ra, kani ndaꞌa ndo yeꞌe ta kuna ra ya nuu ndo.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 12:44

Saa nda̱niꞌi Jesús tachi ra ta ndikaꞌan ra, káchi ra saa: Na kándixa yeꞌe ta süvi ndisaa yeꞌe kándixa na, kándixa tu na Iva i, ra ti̱ꞌvi yeꞌe vaxi va i.

San Juan 13:31

Tá ke̱ta ra Judas kuaꞌan ra, saa ndi̱kaꞌan Jesús xiꞌin nda ítaꞌan xiꞌin ra, káchi ra saa: Vitin kua kuni naꞌa ya chee ni Taa ra xa̱a ñuu ivi yóꞌó, ta tixin ra ikán kua ndikunuu ya toꞌo Iva ra.

San Juan 14:14

Tá ndá ya ndúku ndo xiꞌin kivi i, ta xaa súvi i ya xiꞌin ndo.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Juan 15:7

’Tá tu ítaꞌan tuun ndo xiꞌin i, ta íyo tuun tuꞌun i nima ndo, ta vaꞌa nduku ndo ndá ka ya kúni ndo nuu Iva i, ta niꞌi va ndo ya.

San Juan 16:23

’Tá ná tindaa kivi ikán ta nda iin ka ya ndäkan tuꞌun ndo yeꞌe. Ta ya ndaa káꞌan i xiꞌin ndo, tá ndá ya ndúku ndo nuu Iva i Ndioxi tixin kivi yeꞌe ta taxi ndiꞌi ra ya ndaꞌa ndo.

San Juan 16:26

Ta kivi ikán ta vaꞌa kaꞌan mií ndo xiꞌin ra nduku ndo ya nuu ra tixin kivi yeꞌe, ta yeꞌe köo xíniñuꞌu ka i nduku i ya mani nuu ra xaꞌa ndo.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 4:10

Saa ndi̱kuiin Jesús káꞌan ra: ―Tá tu xíni un unku ya vaꞌa kúni Ndioxi taxi ra ndaꞌa un ta kundaa ini un unku yeꞌe, ndíkuu. Ta saa nduku un tikuii nuu i, ta taxi i rá ndaꞌa un, ta tikuii rá taxi i ndaꞌa un kúu mií rá ndee taxi rá kutaku na ivi ―káchi ra xiꞌin yá.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 7:37

Tá ti̱ndaa kivi chee ni ya ndiꞌi viko ikán, ta saa ndi̱kundichi Jesús ta nda̱niꞌi ra tachi ra ta ndee ni ndi̱kaꞌan ra, káchi ra saa: ―Tá ndá ndóꞌo̱ íchi ini, ta vaꞌa kixi ndo nuu i ta taxi i tikuii koꞌo ndo.

1 Corintios 14:13

Xaꞌa ya ñaa kua xíniñuꞌu ni naꞌa, na káꞌan tuꞌun ya köo xíni na ya ke̱e nuu ndivi, ya ná kaꞌan ni na xiꞌin Ndioxi, ya ná kuchiñu na sindiko niꞌi na tuꞌun ya káꞌan na.

Efesios 2:18

Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.

Efesios 3:12

Xaꞌa ya ndáa ni ini yo xíni yo Tata yo Jesucristo kua vaꞌa ndi̱niꞌi yo ichí kuyati yo nuu Ndioxi kaꞌan yo xiꞌin ra xiꞌin ndinuꞌu nima yo.

Efesios 3:14

Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,

Filipenses 4:13

Ta kúchiñu i xáꞌa ndee ini i xiꞌi ndiꞌi ni kúu va ya, chi Cristo ku ra táxi ndee ndaꞌa i yáꞌa i nuu iin iin ya.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.

HEBREOS 13:15

Ta vitin, xaꞌa ya íyo Jesucristo nima yo kua ná xaa kaꞌnu ni yo Ndioxi ndiꞌi saa kivi, chi tá íkan yo saa ta tá íin ñaꞌa ya sóko yo nuu Ndioxi saa íin ya vaꞌa kána koo yuꞌu yo káꞌan yo, yakan kua ná xaa kaꞌnu yo Iva yo Ndioxi.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

Santiago 1:5

Tá ndá ndóꞌo̱ kúmani ya ndíchi nuu, ta vaꞌa nduku ndo ya nuu Ndioxi chi vaꞌa ni ra, ta küxinda ra ya nuu ndo taxi va ra ya ndaꞌa ndo.

Santiago 5:16

Xaꞌa ya ñaa kua xíniñuꞌu ndo naꞌma ndo kuachi ndo nuu taꞌan ndo, saa kaꞌan ndo xiꞌin Ndioxi xaꞌa taꞌan ndo. Ikan ndo saa ya ná sindaꞌa Ndioxi ndóꞌo̱. Chi ndiꞌi naꞌa, na íyo vaꞌa nuu ra, ta xíni soꞌo va ra ya ndúku na nuu ra.

1 Pedro 2:5

Ta saa ndóꞌo̱ tá káa yu̱ú táku ikán saa íin ndo, chi yu̱ú ikán kua ndee ni xíniñuꞌu ra síkuaꞌa ra veꞌe ñuꞌu i̱í ya küvi kuni yo. Ta ndóꞌo̱ ku ndo xáa chiñu ini veꞌe ñuꞌu ikán chi tá íin sutu nda i̱í, saa íin ndo xáa chiñu ndo ini ya, ta tixin Jesucristo kua sóko ndo ya i̱í, ya vaꞌa nuu Ndioxi.

1 Juan 3:22

Ta saa ndá ñaꞌa ndúku yo nuu ra ta taxi ra ya ndaꞌa yo, saa chi xáa súvi yo ya káꞌan ra xiꞌin yo. Ta íkan yo ya vaꞌa nuu ra tá kuꞌva kúni mií ra.

1 Juan 5:14

Kándixa yo Ndioxi ta xíni yo tá ndá ñaꞌa ndúku yo nuu ra tá kuꞌva kúni mií ra ta kuni soꞌo ra ya kaꞌan yo xiꞌin ra.