San Juan 13:34 - Xochapa Mixteco

³⁴ Ta ya yóꞌó ku iin chiñu xa̱á sindoo i ndaꞌa ndo: Kuꞌvi ni ini ndo kuni taꞌan ndo, tá kuꞌva kúꞌvi ini i xíni i ndóꞌo̱, ta kuꞌva saa kuꞌvi ni tu ini ndóꞌo̱ va kuni taꞌan ndo.

San Juan 13:34 Mawu Ofanana

San Mateo 5:44

Sundi yeꞌe káꞌan xiꞌin ndo, kuꞌvi ini ndo kuni ndo na sáa ini xíni ndóꞌo̱, ta kaꞌan ndo xiꞌin Ndioxi ná chikaa ra ya vaꞌa na távi chiꞌña ndóꞌo̱.

San Juan 15:17

Ta ya yóꞌó kua xáꞌnda chiñu i nuu ndo: Kuꞌvi ni ini ndo kuni taꞌan ndo.

San Juan 17:21

ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

ROMANOS 12:10

Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo ñani ndo án kuꞌva ndo na ka̱ku xiꞌin ndo. Chinuu vaꞌa ndo tuꞌun na taꞌan ndo, saa xaa toꞌo taꞌan ndo.

ROMANOS 13:10

Yakan naꞌa na kúꞌvi ni ini xíni taꞌan, ta köo xáa nduvaꞌa na xiꞌin taꞌan na, tá ndixa kúꞌvi ini yo xíni taꞌan yo, ta saa kua xáa súvi yo ley Ndioxi.

ROMANOS 13:8

Künika ndo nuu nda iin naꞌa, ya ndee ni ndee xíniñuꞌu ndo ikan ndo ku ya kuꞌvi ni ini ndo kuni taꞌan ndo. Saa chi tá tu kúꞌvi ini yo xíni taꞌan yo, ta saa kua xáa súvi yo ley Ndioxi.

Gálatas 5:22

Ta süvi saa íkan Tachi I̱í Ndioxi xiꞌin yo, chi ya chíndee taꞌan ka va kua xiꞌin yo kuꞌvi ini yo kuni yo na taꞌan yo, saa táxi ya kusini ni yo, ta táxi ya íyo vaꞌa ini yo xiꞌin taꞌan yo, saa táxi ya ndúu yo na kaꞌnu ini, ta táxi ya ndúu yo na toꞌo ni ini, saa táxi tu ya ndúu yo naꞌa, na tái ni ini, ta táxi tu ya ndúu yo naꞌa na ndáa ni ini naꞌa xíni na án Ndioxi ta ndáa ini ra xíni ra yoo,

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Gálatas 6:10

Ndiꞌi saa ichí ya kúchiñu yo chindee taꞌan yo xiꞌin naꞌa, ta vaꞌa ná ikan yo ya vaꞌa xiꞌin ndiꞌi na. Ta ndisaa ka vi na taꞌan yo, na ndáa ni ini xíni Jesucristo, ná chindee taꞌan ni yo xiꞌin na.

Gálatas 6:2

Ta chindee taꞌan ndo xiꞌin taꞌan ndo xaꞌa ndá ka tindoꞌo ya ndóꞌo̱ ndo, chi tá íkan ndo saa xiꞌin taꞌan ndo, ta saa kua xáa súvi ndo ley mií Cristo.

Efesios 5:2

Tá kuꞌva íkan Cristo xiꞌin yo, kúꞌvi ni ini ra xíni ra yoo, ta saa xíniñuꞌu ndóꞌo̱ kuꞌvi ni ini ndo kuni taꞌan ndo. Chi xaꞌa ya kúꞌvi ni ini ra xíni ra yoo kua ndi̱soko ra mií ra xaꞌa yo. Tá kuꞌva íkan naꞌa, sóko na kiti levo loꞌo nuu Ndioxi ya xíxi ri nuu ra, saa kuandaa xiko ya támi ni xáꞌan nuu ra. Ta saa i̱kan Cristo xiꞌin yo tá ndi̱xiꞌi ra, ta nda̱a xiko tami ni xaꞌan nuu Ndioxi.

Colosenses 1:4

Saa chi ndeꞌe, ta ku̱ndaa ini nde xaꞌa ndo, ya ndee ni ndáa ini ndo xíni ndo Tata yo Jesucristo, ta saa kúꞌvi ni ini ndo xíni ndo na ñuu Ndioxi, na i̱í.

1 Tesalonicenses 3:12

Ta ná chindee ni Tata yo Jesucristo ndóꞌo̱ kuaꞌnu ni ka ndo xiꞌin ya kúꞌvi ni ini ndo xíni taꞌan ndo, ta saa ná kuꞌvi ni ini ndo kuni ndo ndiꞌi naꞌa. Ta saa kuꞌvi ni ini ndo kuni taꞌan ndo tá kuꞌva kúꞌvi ni ini nde xíni nde ndóꞌo̱.

2 Tesalonicenses 1:3

Ñani yo xiꞌin kuꞌva yo, ndiꞌi saa ichí xíniñuꞌu ni nde kaꞌan nde xaꞌa ndo xiꞌin Ndioxi. Chi ndóꞌo̱, ta kándixa ni ndo ra, ta vitin taan xáꞌnu ka ndo xiꞌin tuꞌun ra, saa kúꞌvi ni ini ndo xíni taꞌan ndo.

HEBREOS 13:1

Ta ndóꞌo̱, kuꞌvi ni ini ndo kuni taꞌan ndo, chi ndiꞌi ndóꞌo̱ ndíkun Tata yo Jesucristo, ta tá íyo ñani mií ndo án kuꞌva mií ndo, saa íyo ndo xiꞌin taꞌan ndo.

Santiago 2:8

Tá tu ya ndixa ni kua kándixa ndo ley Ndioxi ya ndee ni ndáa yaꞌvi, ta vaꞌa ni va íkan ndo, chi soꞌva káꞌan ley ikán: “Ná kuꞌvi ni ini ndo kuni ndo naꞌa tá kuꞌva kúꞌvi ini ndo xíni ndo mií ndo”, káchi ya.

1 Pedro 1:22

Ta xaꞌa ya xáa súvi ni ndo tuꞌun vaꞌa ya ndaa xi̱ni soꞌo ndo yakan ndu̱vaꞌa ya vaꞌa ndo, saa chíndee taꞌan Tachi I̱í ra xiꞌin ndo ya ndinuꞌu ni kúꞌvi ini ndo xíni taꞌan ndo. Ikan ndo saa: ndinuꞌu ni ini ndo kuꞌvi ini ndo kuni taꞌan ndo.

2 Pedro 1:7

Ta xíniñuꞌu ndo kuꞌvi ni ini ndo kuni ndo na taꞌan yo, na ndíkun Tata yo Jesucristo xiꞌin ndiꞌi ka naꞌa.

1 Juan 3:11

Ya yóꞌó ku tuꞌun Ndioxi ya xi̱ni soꞌo yo tá núnu̱ú vaꞌa: Ya ná kuꞌvi ni ini yo kuni taꞌan yo.

1 Juan 3:23

Ta ya yóꞌó kua xáꞌnda chiñu Ndioxi nuu yo: Ná kandixa yo Seꞌe ra, ra kúu Jesucristo, ta ná kuꞌvi ini yo kuni taꞌan yo, tá kuꞌva xáꞌnda chiñu ra nuu yo.

1 Juan 4:21

Chi mií Jesucristo ta xa̱ꞌnda chiñu ra nuu yo, káchi ra saa: Ndiꞌi na kúꞌvi ini xíni Ndioxi, ta xíniñuꞌu na kuꞌvi ini na kuni na ñani taꞌan na.

2 Juan 1:5

Ta vitin xíkan ni i ya mani nuu ndo, síndikaꞌan i ndóꞌo̱ xaꞌa tuꞌun ya xa xi̱ni soꞌo ndo yachi, saa chi ya ikán kua xáꞌnda chiñu nuu yo ya ná kuꞌvi ni ini yo kuni taꞌan yo ta xa xíni ndo ya yóꞌó, süvi ya xa̱á kua xáꞌnda chiñu i nuu ndo.