San Juan 13:29 - Xochapa Mixteco

²⁹ Ta sava nda ndi̱kani ini ya kuꞌun ra sata ra ñaꞌa kuniñuꞌu nda viko án ná taxi ra xuꞌun ndaꞌa na ndáꞌvi, káꞌan nda, chi mií ra ku ra ndíso ñaꞌa ñúꞌu xuꞌun.

San Juan 13:29 Mawu Ofanana

San Juan 13:1

Yachi tixin viko pascua. Ta xa ku̱ndaa ini Jesús ya ti̱ndaa hora sindoo ra ñuu ivi yóꞌó, ta ndiko koo ra kuꞌun ra nuu Iva ra. Ta ndiꞌi saa ichí ku̱ꞌvi ni ini ra xi̱ni ra nda ítaꞌan xiꞌin ra ñuu ivi yóꞌó, ta saa si̱naꞌa ra mií ra nuu nda ya ndixa ni kúꞌvi ini ra xi̱ni ñaꞌa ra nda kivi sindiꞌi.

San Juan 13:28

Ta nda iin nda ndóo nuu mesa ikán, köo ndi̱kundaa ini ndá xaꞌa kua ndi̱kaꞌan Jesús saa xiꞌin ra.

Gálatas 2:10

Ta iindaa ñaꞌa ya ndu̱ku nda nuu nde kua: ya ná ndïndoso ini nde xaꞌa naꞌa, na ndaꞌvi, káchi nda xiꞌin i. Ta chiñu ikán kua ndee ni ndíꞌi ini nde xáa súvi nde vitin.

Efesios 4:28

Ndiꞌi naꞌa, na ku̱too sikuiꞌna, ta ná sïkuiꞌna ka na. Vaꞌa ná xaa chiñu na xiꞌin ndaꞌa na, ta saa koo ñaꞌa nuu na chindee taꞌan na xiꞌin na ndaꞌvi, na köo ñaꞌa nuu.