San Juan 12:48 - Xochapa Mixteco

⁴⁸ Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

San Juan 12:48 Mawu Ofanana

San Mateo 10:15

Ya ndaa káꞌan i xiꞌin ndo, tá ná tindaa kivi ya xaa nani Ndioxi kuachi xiꞌin na ñuu ivi, ta ndee ni ka sitixuꞌvi ra na ñuu yóꞌó nuu na ñuu Sodoma xiꞌin na Gomorra na väꞌa xi̱ndoo xinaꞌa.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Marcos 12:10

Saa ndi̱kaꞌan ka Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi ya káchi saa?: Yu̱ú ya ku̱ndasi nda síkuaꞌa veꞌe, ku yu̱ú ya ndee ni ndee, ta ya ikán kua xíniñuꞌu ni ka.

San Marcos 16:16

Ndiꞌi na kándixa yeꞌe ta chíchi na, na ikán ku na kaku, sundi na köo xíin kandixa yeꞌe ta kuvi na niꞌi na tindoꞌo.

San Marcos 8:31

Saa ku̱u xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Yeꞌe ku ra xa̱a ñuu ivi yóꞌó ta ndoꞌo ni i, saa kundasi nuu na xikuaꞌa ñuu yo Israel kuni na yeꞌe, xiꞌin nda naꞌnu nuu nda sutu xiꞌin nda maestro nda sínaꞌa ley ya ta̱a ra Moisés xinaꞌa ―káchi ra. Ndítuꞌun ra xiꞌin nda ítaꞌan xiꞌin ra ya xaa nduvaꞌa ni na chiñu xiꞌin ra kaꞌni ñaꞌa na, sundi kivi uni nditaku ra, káchi ra xiꞌin nda.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Lucas 17:25

Sundi xiꞌna xíniñuꞌu ndoꞌo ni i, saa kundasi nuu ni na ñuu ivi yóꞌó kuni na yeꞌe.

San Lucas 20:17

Ñaa ndi̱koto ra nuu na ta ndi̱kaꞌan ra xiꞌin na, káchi ra saa: ―¿Án köo kándixa ndo ya káꞌan tuꞌun ndíchi yóꞌó? ¿Ta unkua kúni kaꞌan tuꞌun Ndioxi ya ta̱a na xinaꞌa? Chi tuꞌun ikán káꞌan ya: Yu̱ú ya xíniñuꞌu ni na síkuaꞌa veꞌe kua ikán. Ta köo ndi̱xiin na kuniñuꞌu na ya, ku̱ndasi na ya.

San Lucas 7:30

Sundi nda sínaꞌa ley ya ta̱a ra Moisés xiꞌin nda fariseo, ta ku̱ndasi nda ya vaꞌa ku̱ni Ndioxi ikan ra xiꞌin nda, chi köo ndi̱xiin nda kuꞌun nda kuchi nda nuu ra Juan ―káchi Jesús xiꞌin na.

San Lucas 9:22

Ta saa ndi̱kaꞌan ra xiꞌin nda, káchi ra saa: ―Yeꞌe ku Taa ra ti̱ꞌvi Ndioxi vaxi ñuu ivi yóꞌó, ta ndoꞌo ni i, saa kundasi nuu na xikuaꞌa kuni na yeꞌe xiꞌin nda sutu naꞌnu nuu sutu, saa tu nda sínaꞌa ley ya ta̱a ra Moisés va. Kaꞌni nda yeꞌe, sundi kivi uni nditaku i ―káchi ra xiꞌin nda.

San Lucas 9:26

Saa tu naꞌa na kúkaꞌan nuu xíni yeꞌe va, tá tu kúkaꞌan nuu na xíni na yeꞌe, ta saa tu yeꞌe ra kúu Taa xa̱a ñuu ivi yóꞌó va, kukaꞌan nuu i kuni i na. Chi tá ná ndiko koo i ta iin yéyéꞌe̱ koo i kixi i xiꞌin ya yéꞌe̱ Iva i Ndioxi tin ya yéꞌe̱ na tatun ra.

San Juan 11:24

Saa ndi̱kuiin yá Marta, káꞌan yá: ―Xa xíni i nditaku ra tá ná ndiꞌi xaꞌa ñuu ivi, kivi ná nditaku na xa ndi̱xiꞌi yachi ―káchi yá xiꞌin ra.

San Juan 5:45

Ta saa ndi̱kaꞌan ka ra xiꞌin nda, káchi ra saa: ―Ndïkani ini ndo ya taxi i kuachi xaꞌa ndo nuu Iva i Ndioxi, xaꞌa ya köo xíin ndo kandixa ndo yeꞌe. Xa íyo va ra Moisés ra ndíkani ini ndo sikaku ndóꞌo̱.

San Juan 6:39

Ta ya yóꞌó kua chi̱tuni Iva i Ndioxi, ra ti̱ꞌvi yeꞌe vaxi i xaa súvi i: Ndiꞌi na táxi ra ndaꞌa i ta ná sändañuꞌu i nda iin na, saa tá ti̱ndaa kivi sindiꞌi, ta sitaku ndiꞌi i na ikán.

San Juan 8:47

Ndiꞌi na kúu kuenta Ndioxi ta xíni soꞌo na tuꞌun ra, ta ndóꞌo̱ ta süvi kuenta Ndioxi ku ndo, yakan köo xíin ndo kuni soꞌo ndo ya káꞌan i ―káchi Jesús xiꞌin na.

Los Hechos 17:31

Chi Ndioxi ta xa ndi̱kaxin ra Jesús, Seꞌe ra ya kixi ra iin kivi ya xaa nani ra kuachi xiꞌin ndiꞌi na ñuu ivi, ta nina xiꞌin ya ndaa ikan ra saa xiꞌin na. Chi Ndioxi ta̱xi ra xi̱ni ndiꞌi na ñuu ivi tá kivi si̱taku ra Jesús tañu na ndíi ―káchi ra Pablo xiꞌin na.

Los Hechos 3:23

chi sava naꞌa tá ná kändixa na ya kaꞌan ra ikán xiꞌin na, ta ndiꞌi xaꞌa na ikan Ndioxi kana koo na ñuu na, ndoꞌo na tá kuꞌva ndóꞌo itun tá táva na tioꞌo nu nuu ndíchi nu”, soꞌva káchi ya ta̱a ra Moisés xinaꞌa.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

2 Corintios 4:3

Ta sava naꞌa köo kúndaa ini na xiꞌin tuꞌun Ndioxi ya káꞌan ndoso nde nuu na, chi íyo ñaꞌa ndási ini na, ta na ikán ku naꞌa, na ndíkun kuaꞌan ichí nuu ndiꞌi xaꞌa na.

2 Tesalonicenses 1:8

Ta ndiko koo ra tañu ñu̱ꞌu̱, ya ndee ni xíxi, saa xaa nduvaꞌa ni ra xiꞌin naꞌa, na köo ndi̱xiin ndikuni Ndioxi, ni köo ndi̱xíin na kuni soꞌo na tuꞌun vaꞌa xaꞌa Tata yo Jesucristo.

HEBREOS 10:25

Xíniñuꞌu yo ndikitaꞌan yo xiꞌin na ñani yo tin kuꞌva yo ya xaa kaꞌnu yo Ndioxi. Ta ná ïkan yo tá íkan sava na taꞌan yo, köo xíin ka na ndikitaꞌan na ya xaa kaꞌnu na Ndioxi. Ná xaꞌa ka yo ndee xiꞌin taꞌan yo, saa chi vitin ka kua ndee ni, chi xa kuaꞌan kúyati ni kivi ya ndiko koo tuku Tata yo Jesucristo kixi ra ñuu ivi yóꞌó.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.

HEBREOS 4:12

Saa chi tuꞌun Ndioxi, ta ya táku ku ya ta ndee ni kúnu kuakiꞌvi ya xáꞌnda ya. Ndee ni ka ndee tuꞌun ra nuu iin i̱chi̱ ya xi̱ín ni uvi saa yuꞌu. Chi tuꞌun ra, ta kuakiꞌvi ya xáꞌnda ya nima naꞌa, iin saa nda nuu vaꞌa na, xiꞌin tivavi na, xiꞌin mbeke ya ñúꞌu ini leke na, ta vaꞌa xíto ndoso ya ndiꞌi ya xínituni na xiꞌin ya ndíkani ini na, ya íyo nima na.

1 Pedro 1:5

Xaꞌa ya ndáa ni ini ndo Ndioxi kua kundaa ra ndóꞌo̱ xiꞌin ndee ra, chi saa chi̱tuni ra sikaku ra ndóꞌo̱ iin saa nda ná tindaa kivi sindiꞌi.

2 Pedro 3:3

Ya núnu̱ú xíniñuꞌu ni ndo kuñuꞌu ini ndo ku ya yóꞌó, ndá kuꞌva koo tá xa ku̱yati vaxi kivi sindiꞌi, chi kivi ikán kua koo kuaꞌa ni naꞌa, na ndikani ini ndisaa xaꞌa ya väꞌa, ya kútoo ni mií ikin kuñu na ikan na, ta na ikán ta kuaku ndaa na ndóꞌo̱.

2 Pedro 3:7

Ta suvi xiꞌin mií tuꞌun Ndioxi kua ndíso níi xiꞌin ndiꞌi mií ndivi tin ñuu ivi nuu ndóo yo vitin, ta vaxi kivi ndiꞌi xaꞌa yaa ya xiꞌin ñu̱ꞌu̱. Tá ná tindaa kivi ya xaa nani Ndioxi kuachi na ñuu ivi yóꞌó, ta saa kua sindiꞌi xaꞌa yaa ra naꞌa, na köo xíin kandixa Ndioxi, na íkan ya väꞌa.