San Juan 12:46 - Xochapa Mixteco

⁴⁶ Yeꞌe ku ñu̱ꞌu̱ ya xa̱a i ñuu ivi yóꞌó, ta ndiꞌi na kándixa yeꞌe, ta ndöo na koo na nuu naá.

San Juan 12:46 Mawu Ofanana

San Mateo 4:16

Nda tá íin na ndóo nuu naá ni, saa íin na, tá káa ñuu ndíi saa káa nuu ndóo na. Sundi vitin ta ndee ni ndi̱yeꞌe nuu na xiꞌin nima na, káchi tuꞌun Ndioxi, ya ta̱a ra Isaías.

San Lucas 2:32

Ta ra loꞌo yóꞌó, tá káa ñu̱ꞌu̱ yéꞌe̱ saa káa ra, chi sinaꞌa ra ichí un nuu ndiꞌi na ñuu na köo kúu Israel. Ta ra yóꞌó ku ra ndasa kaꞌnu ni kivi na Israel. ―káchi ra Simeón xiꞌin Ndioxi.

San Juan 1:9

Ta ra kúu ñu̱ꞌu̱ ya ndixa sítuun nuu na ñuu ivi, ta xa vaxi va ra ñuu ivi yóꞌó.

San Juan 3:19

Ta ya yóꞌó ku kuachi na ya síndiꞌi xaꞌa na, chi ki̱xi ñu̱ꞌu̱ ya ndituun ya nuu na, ta köo ndi̱xiin na ndikiꞌin na ya, ku̱too ni ka na xi̱ni na ya naá, chi ñaꞌa íkan na ta süvi ya vaꞌa kua.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 9:39

Saa ndi̱kaꞌan Jesús, káchi ra saa: ―Xa̱a i ñuu ivi yóꞌó ya ta ya situvi i ini naꞌa ndá kuꞌva íyo ini na kua xa̱a i. Tá kúu na íkan ya väꞌa, ta tá iyo na kuáa̱ saa íin na, ta na ikán ku na xúna i nuu. Ta ivi na vaꞌa ni túvi na, ta na ikán ku na ndúkuaa, saa chi xaꞌa ya vaꞌa ni na túvi na, ta köo táxi na kuna i nuu na ―káchi Jesús.

San Juan 9:5

Kivi íyo i ñuu ivi yóꞌó, ta tá káa ñu̱ꞌu̱ yéꞌe̱ saa káa i nuu na ñuu ivi ―káchi Jesús xiꞌin nda.

Los Hechos 26:18

ya kuna un nuu na, sindiko koo un na kixi na nuu i, nuu yéꞌe̱, saa saña na ndaꞌa ndee kiti nǎꞌa ta ndikundikun na ichí Ndioxi, kandixa na yeꞌe saa xaa kaꞌnu ini Ndioxi xaꞌa kuachi na, saa kuchiñu na koo na xiꞌin na i̱í na ndíkun ichí i”, káchi Jesús xiꞌin i ―ka̱chi ra Pablo xiꞌin ra rey Agripa.

Efesios 5:14

Chi ndiꞌi ñaꞌa ya kána koo nuu ñu̱ꞌu̱ yéꞌe̱, ta iin ndútuvi teꞌe ndiꞌi va ya, íyo túvi ya yakan kua íyo tuꞌun, ya káꞌan soꞌva, káchi ya saa: “Ndikáxin ini yóꞌo̱ índuꞌu kíxi ni, vaꞌa ndikoo un tañu na ndíi, ta si̱ndiyeꞌe Cristo nuu un”, káchi tuꞌun Ndioxi.