San Juan 12:38 - Xochapa Mixteco

³⁸ Yóꞌó ku nuu ndi̱xinu tuꞌun Ndioxi ya ta̱a ra Isaías, ra ndi̱kaꞌan ndoso tuꞌun yuꞌu Ndioxi xinaꞌa, káchi ra saa: Tata Iva i Ndioxi, ni köo na xíin kandixa tuꞌun ya káꞌan nde xiꞌin na, ta ni köo ndi̱kundaa ini na ya i̱kan un yatuꞌun nuu na, káchi ya ta̱a ra Isaías xinaꞌa.

San Juan 12:38 Mawu Ofanana

San Mateo 15:7

¡Ndóꞌo̱ uvi ini ku ndo! Ndaa ni ndixa ndi̱kaꞌan ndoso ra Isaías xaꞌa ndo tá ndi̱kaꞌan ra, káchi ra saa:

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Mateo 27:35

Saa chi̱nuu nda ra ndaꞌa cruzin, ka̱ni nda clavo xaꞌa ra tin ndaꞌa ra. Ñaa chi̱kaa nda suerte sata toto ra, ya kuchiñu nditaꞌvi nda ya xiꞌin taꞌan nda. Ikán ku nuu si̱xinu nda ya ta̱a ra profeta xinaꞌa, ka̱chi ra saa: “Chi̱kaa nda suerte sata toto i nditaꞌvi nda ya xiꞌin taꞌan nda”, káchi ya ta̱a ra profeta ikán.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 12:39

Xaꞌa ya yóꞌó kua köo ndi̱kuchiñu na judío kandixa na Jesús. Tá káchi ya ta̱a ra Isaías xaꞌa na, káchi ya saa:

San Juan 15:25

Xaꞌa ya i̱kan na saa kua síxinu na tuꞌun Ndioxi ya íyo nuu ley na, káchi ya saa: “Ni köo ya ndi̱kan i xiꞌin na, ta sáa ni ini na xíni na yeꞌe”, káchi tuꞌun Ndioxi ―káchi Jesús xiꞌin nda.

San Juan 17:12

Tá ndi̱xiyo i ñuu ivi yóꞌó xiꞌin na ta xi̱ndaa i na ta̱xi un ndaꞌa i, xi̱ndaa i na xiꞌin ndee kúu mií kivi un. Ta nda iin na köo ndi̱kindaa na ndaꞌa i. Iindaa ra xa íyo tuꞌun xaꞌa ndiꞌi xaꞌa ku ra ndi̱ꞌi xaꞌa, saa ndi̱xinu ya káꞌan tuꞌun Ndioxi ya ta̱a na xinaꞌa.

San Juan 19:24

Saa ndi̱kaꞌan nda lapa xiꞌin taꞌan nda, káchi nda saa: ―Ndäta yo ya, vaꞌa ka ná chikaa yo suerte sata ya, ta saa kuni yo unku yo ndoo ya ndaꞌa ―káchi nda xiꞌin taꞌan nda. Saa ku̱u nuu si̱xinu nda ya káꞌan tuꞌun Ndioxi káchi ya saa: “Ndi̱taꞌvi nda toto i, ta chi̱kaa nda suerte sata ya”, káchi tuꞌun Ndioxi. Tá kuꞌva káꞌan tuꞌun ikán saa íyo ya i̱kan nda lapa ikán xiꞌin toto Jesús.

ROMANOS 10:16

Ta saa ni, süvi ndiꞌi na Israel ndi̱xiin kuni soꞌo tuꞌun vaꞌa xaꞌa Jesucristo. Tá i̱kan na xinaꞌa tá ndi̱kaꞌan ra profeta Isaías xaꞌa na xiꞌin Ndioxi, káchi ra: “Tata, ¡ni köo naꞌa xíin kandixa tuꞌun un ya káꞌan nde xiꞌin na!”, káchi ra Isaías.

ROMANOS 10:20

Ta iin téteꞌe ndi̱kaꞌan tuku ra Isaías xaꞌa tuꞌun ya ndi̱kaꞌan Ndioxi xiꞌin ra, káchi ra: Naꞌa na köo ndi̱nduku yeꞌe, ta ndi̱niꞌi na yeꞌe. Naꞌa na köo ndákan tuꞌun xaꞌa i, ta ndi̱tuvi i nuu na. káchi Ndioxi xiꞌin ra Isaías, ndi̱kaꞌan ra.

1 Corintios 1:24

Sundi nuu naꞌa, na ka̱na Ndioxi kundikun ra, án na judío ku na, án süvi na judío ku na, ta tuꞌun yóꞌó kuu Cristo, ta ndixa ni va ndee kúu mií ya nuu na, ta saa ndíchi ni va ya chi nuu Ndioxi ke̱e ya vaxi ya, káchi na.

Gálatas 1:16

Xaꞌa ya ikán kua tá ndi̱xinu kivi ya chi̱tuni mií Ndioxi, ta saa kua si̱tuvi ra Seꞌe ra Jesucristo nuu i, ya ta̱xi ra chiñu ndaꞌa i kuꞌun i kaꞌan ndoso i tuꞌun vaꞌa xaꞌa Jesucristo xiꞌin naꞌa, na köo kúu judío. Tá kivi ku̱u saa, ta köo ndi̱xaꞌan i ndakan tuꞌun i nda iin naꞌa, na xíni ni ya sinaꞌa na yeꞌe.