San Juan 12:37 - Xochapa Mixteco

³⁷ Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 12:37 Mawu Ofanana

San Mateo 11:20

Saa ndi̱ndaꞌi Jesús xiꞌin na ñuu nuu kuaꞌa ni yatuꞌun i̱kan ra, saa chi köo ndi̱xiin na nama na kuꞌva íyo na, ta ni köo xíin na xaa súvi na ya kúni Ndioxi, saa ndi̱kaꞌan ra xiꞌin na, káchi ra saa:

San Lucas 16:31

Ñaa ndi̱kaꞌan ra Abraham, káchi ra saa: “Tá tu köo xíin nda kuni soꞌo nda nda ya ta̱a ra Moisés ni ya ta̱a nda ndi̱kaꞌan ndoso tuꞌun yuꞌu Ndioxi ta ni ná nditaku na ndíi kuꞌun na kaꞌan na xiꞌin nda ta küaꞌa vi nda kuni soꞌo nda”, káchi ra Abraham xiꞌin ra kuika ikán. Soꞌva káchi tuꞌun ndíchi ikán ―káchi Jesús xiꞌin na.

San Juan 1:11

Ki̱xi ra nuu na ñuu ra, ta na ñuu ra köo ndi̱xiin na ndikiꞌin ñaꞌa na.

San Juan 11:42

Xíni i ndiꞌi saa ichí xíni soꞌo un káꞌan i xiꞌin un. Sundi ndi̱kaꞌan i saa xiꞌin un xaꞌa ndiꞌi naꞌa chútu ni yóꞌó ya ná kuni soꞌo ndiꞌi na, ta saa kundaa ini na ya ti̱ꞌvi un yeꞌe vaxi i ―káchi Jesús.

San Juan 12:36

Tá íyo ñu̱ꞌu̱ yóꞌó tañu ndo ta xíniñuꞌu ndo kandixa ndo ya, ta saa kuchiñu ndo nduu ndo na xíka nuu túun ñu̱ꞌu̱ ―káchi Jesús xiꞌin na. Tá sindiꞌi ndi̱kaꞌan ra tuꞌun ikán ta saa ke̱ta ra kuaꞌan ra tiseꞌe ra.

San Juan 12:38

Yóꞌó ku nuu ndi̱xinu tuꞌun Ndioxi ya ta̱a ra Isaías, ra ndi̱kaꞌan ndoso tuꞌun yuꞌu Ndioxi xinaꞌa, káchi ra saa: Tata Iva i Ndioxi, ni köo na xíin kandixa tuꞌun ya káꞌan nde xiꞌin na, ta ni köo ndi̱kundaa ini na ya i̱kan un yatuꞌun nuu na, káchi ya ta̱a ra Isaías xinaꞌa.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 2:11

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 6:2

Ta iin táꞌnda chee naꞌa ndíkun kuaꞌan xiꞌin ra, chi xi̱ni na yatuꞌun Ndioxi íkan ra, síndaꞌa ra na ndee ni ndóꞌo.