San Juan 12:20 - Xochapa Mixteco

²⁰ Ta ñúꞌu tu sava na griego va ndi̱xaa na tañu na ndi̱xaa xáa kaꞌnu viko pascua ñuu Jerusalén ikán.

San Juan 12:20 Mawu Ofanana

San Marcos 7:26

Ta süvi yá judío ku yá, yá köo xíni Ndioxi ku yá, yá ñuu Sirofenicia ku yá. Saa ndi̱xaꞌan yá xáku ndaꞌvi yá nuu Jesús, káꞌan yá xiꞌin ra ya ná tava ra tachi nduvaꞌa kúu mií seꞌe yá.

San Juan 12:1

Ta kumani ka iñu kivi ya xáa viko pascua, ta ke̱e Jesús kuaꞌan ra ñuu Betania, nuu íyo ra Lázaro, ra ndi̱xiꞌi, ta si̱taku Jesús ra.

San Juan 12:19

Ta ndi̱kaꞌan nda fariseo xiꞌin taꞌan nda káchi nda saa: ―Ya uun kuiti xíka yo sata ra. ¡Koto ndo toon! ¡Ndiꞌi naꞌa ndíkundikun kuaꞌan sata ra! ―káchi nda.

San Juan 7:35

Saa xa̱á nda judío ndákan tuꞌun taꞌan mií nda, káchi nda saa: ―¿Míí chí kuꞌun ra yakan káꞌan ra, küchiñu yo niꞌi ñaꞌa yo? ¿Án sana kuꞌun ra ñuu na griego nuu ndóo sava na taꞌan yo, ta kuꞌun ra sinaꞌa ra na griego ikán?

Los Hechos 14:1

Saa ku̱u ndi̱xaa ra Pablo xiꞌin ra Bernabé ñuu Iconio, ñaa ndi̱kiꞌvi nda veꞌe ñuꞌu sinagoga na judío, saa ndi̱kaꞌan ndoso nda tuꞌun Ndioxi xaꞌa Jesucristo xiꞌin na. Ta kuaꞌa ni ka na judío xiꞌin na köo kúu judío ka̱ndixa ya ndi̱kaꞌan nda.

Los Hechos 16:1

Ndi̱xaa ra Pablo xiꞌin ra Silas ñuu Derbe xiꞌin ñuu Listra. Ikán ndi̱taꞌan nda iin ra kándixa Jesús, náni ra Timoteo, seꞌe iin yá judío yá kándixa Jesús ku ra, ta iva ra ku ra griego.

Los Hechos 17:4

Ta sava na judío ndi̱nuꞌu ni ini na kándixa na ya káꞌan ra Pablo xiꞌin na. Ñaa ndi̱kitaꞌan na xiꞌin ra Pablo tin ra Silas. Ta kuaꞌa ni tu na griego, na káñuꞌu Ndioxi va ka̱ndixa na Jesús. Saa kuaꞌa ni tu ná síꞌi kúu mií chiñu ndee ka̱ndixa ya káꞌan ra Pablo, ta ndi̱kundikun ná ichí Jesús.

Los Hechos 20:21

Ndi̱kaꞌan ndoso i tuꞌun ra xiꞌin na kúu judío tin na köo kúu judío, ya xíniñuꞌu na ndiko koo ini na xaꞌa kuachi na nuu Ndioxi, saa xáa na kundaa ni ini na kuni na Tata yo Jesucristo.

Los Hechos 21:28

ndee ka vi káꞌan nda, káchi nda saa: ―Na taꞌan yo na Israel, chindee taꞌan ndo xiꞌin nde ná tiin yo ra yóꞌó, chi ra yóꞌó ku ra xíka ndiꞌi saa ñaꞌñu táa sii ra naꞌa kánaꞌa na xaꞌa yo tin xaꞌa veꞌe ñuꞌu yo. Saa káꞌan tu ra xiꞌin na ya ná kändixa na ya ta̱a ra Moisés. Ta vitin xa̱a ra xáa kini ra veꞌe ñuꞌu yo chi ta̱an ra nda griego ini ya ―káchi nda ikán xaꞌa ra Pablo.

Los Hechos 8:27

Ta saa ke̱e ra kuaꞌan ra. Tá kuaꞌan ra ichí ikán ta ndi̱kitaꞌan ra xiꞌin iin ra ke̱e inka ñuu xíka ya náni Etiopía. Ra kapo ku ra ikán ta xáa chiñu ra nuu yá reina yá náni Candace, yá xáꞌnda chiñu nuu mií na ñuu ra na Etiopía. Ta ndee ni chiñu kúu mií ra ikán nuu yá. Ndíso chiñu ra xiꞌin ndiꞌi xuꞌun yá. Ta ndi̱xaꞌan ra xa̱a kaꞌnu ra Ndioxi veꞌe ñuꞌu kaꞌnu ñuu Jerusalén.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

ROMANOS 10:12

Saa chi iin káchi ndíkuiso vaꞌa Ndioxi ndiꞌi naꞌa, án na judío ku na án süvi na judío ku na. Saa chi mií Iva yo ku ra Chee ni ta ndíso chiñu ra xiꞌin ndiꞌi ni kuu naꞌa. Ta vaꞌa ni ra xiꞌin ndiꞌi naꞌa, na káꞌan xiꞌin ra, na ndúku ya mani nuu ra.

Gálatas 2:3

Ta vaꞌa va chi ndi̱xiyo va yuꞌu nda xiꞌin i kuꞌva ndítuꞌun i xiꞌin naꞌa, na köo kúu judío, ya köo xíniñuꞌu na xaa súvi na ya ndikunuu tuni Ndioxi mií na. Ni ra Tito, ñani yo, ta süvi ra judío ku ra, chi ra griego ku ra, ta köo ndixaa nduxa nda xiꞌin ra ya ndikunuu tuni Ndioxi ra.

Gálatas 3:28

Iin nuu ndu̱u ndiꞌi yo xiꞌin Jesucristo, iin káchi ndáa yaꞌvi ndiꞌi yo, án yo judío ku yo, án süvi yo judío ku yo, án yo sa̱ta naꞌa xáa chiñu nuu na ku yo, án süvi yo ndi̱sata na ku yo, án taa ku yo án ná ñaꞌa ku ná, ta iin káchi ndáa yaꞌvi ndiꞌi yo nuu Ndioxi.

Colosenses 3:11

Ta xaꞌa ya xa ndu̱u ndo na xa̱á vitin ta köo ndáa yaꞌvi ka ya án ndo judío ku ndo án süvi ndo judío ku ndo, án ndo kúu mií tuni Ndioxi ku ndo, án ndo köo tuni Ndioxi ku ndo, án ndo ka̱ꞌvi ni ku ndo án ndo köo ndi̱kaꞌvi ku ndo, án ndo ke̱e inka ñuu kani ni ku ndo, án ndo xáa chiñu xiꞌin ya nduxa ku ndo, án ndo íyo ndika ku ndo, nda iin ya yóꞌó köo ndáa yaꞌvi ni, ya ndee ni ndáa yaꞌvi kua íyo Cristo xiꞌin ndo vitin.