San Juan 11:54 - Xochapa Mixteco

⁵⁴ Xaꞌa ya ikán kua köo ndi̱xika ndikuu ra tañu na judío. Ku̱xika ra nuu na ke̱ta ra kuaꞌan ra estado Judea ta ndi̱kiꞌin ra kuaꞌan ra yati iku yuyu iin ñuu náni Efraín. Ta ikán ndi̱ndoo ra xiꞌin nda ítaꞌan xiꞌin ra.

San Juan 11:54 Mawu Ofanana

San Juan 10:40

Saa ndi̱kiꞌin tuku Jesús kuaꞌan ra inka ñaꞌñu yuꞌu ita Jordán. Ikán ndi̱ndoo ra nuu ndi̱xiyo ra Juan si̱kuchi ra naꞌa yachi.

San Juan 18:20

Saa ndi̱kuiin Jesús káꞌan ra, káchi ra saa: ―Nuu ndiꞌi ni kúu naꞌa ndi̱kaꞌan i, tá si̱naꞌa i ini veꞌe ñuꞌu vali sinagoga án veꞌe ñuꞌu kaꞌnu, nuu ndíkitaꞌan ndiꞌi na judío. Ta nda iin ñaꞌa köo ndi̱kaꞌan sěꞌe i nuu na.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 7:10

Tá ndiꞌi kuaꞌan nda ñani ra, saa ndi̱kiꞌin tu mií va ra kuaꞌan ra viko ikán, ta küaꞌan túvi ra, kuaꞌan sěꞌe va ra.

San Juan 7:13

Ta nda iin na köo káꞌan túvi xaꞌa ra nuu inka naꞌa, chi íꞌvi na nuu na chiñu naꞌnu nuu na judío.

San Juan 7:4

Chi na kúni ya ná kundaa ini inka naꞌa tuꞌun xaꞌa na, ta íkan túvi na chiñu ya xíto naꞌa. Tá kúu yóꞌo̱ xíni un ikan un chiñu yóꞌó, ta vaꞌa kuáꞌan sinaꞌa un mií un nuu ndiꞌi ni kúu naꞌa ―káchi nda xiꞌin ra.