San Juan 11:49 - Xochapa Mixteco

⁴⁹ Ta ra kúu sutu chee kuiya ikán ku ra náni Caifás, ta ndi̱kaꞌan ra ikán, káchi ra saa: ―¡Ndóꞌo̱ ta ni köo xíni mií vi ndo!

San Juan 11:49 Mawu Ofanana

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Lucas 3:2

Ta ra Anás xiꞌin ra Caifás ku nda ndi̱xiyo sutu nda naꞌnu nuu ndiꞌi sutu ñuu Israel. Suvi tiempo nuu ku̱u ndiꞌi nda ikán chiñu kua ndi̱kaꞌan Ndioxi xiꞌin ra Juan, seꞌe ra Zacarías iku yuyu.

San Juan 11:51

Ndi̱kaꞌan ra saa, ta süvi ya íyo xiní mií ra kua ndi̱kaꞌan ra. Chi Ndioxi ku ra si̱ndikaꞌán ini ra ndi̱kaꞌan ra xaꞌa ya kúu ra sutu ra ínuu nuu ndiꞌi nda sutu kua ndikaꞌan ra saa ya xíniñuꞌu Jesús kuvi ra xaꞌa ndiꞌi na ñuu judío.

Los Hechos 4:6

Ikán íin ra Anás, ra ínuu nuu ndiꞌi nda sutu, xiꞌin ra Caifás tin ra Juan xiꞌin ra Alejandro, inka nda veꞌe sutu nda naꞌnu.

1 Corintios 1:20

Ta ná kundaa ini yo, chi na ndíchi ni xiꞌin naꞌa, na ndee ni si̱kuaꞌa vaꞌa, xiꞌin na ndee ni vaꞌa xíni xaꞌa ñaꞌa ya íyo ñuu ivi yóꞌó, ta ni köo iin káchi íin ya ndíchi kúu mií na yóꞌó nuu ya ndee ni ndíchi kúu mií Ndioxi. Ta ya ndíchi kúu mií na ñuu ivi yóꞌó, tá káa ñaꞌa ya köo ndáa yaꞌvi va saa káa ya nuu Ndioxi.

1 Corintios 2:6

Ta saa ni, ya ndaa kua ndítuꞌun nde tuꞌun ndíchi xiꞌin naꞌa, na xa xuxa ini xiꞌin tuꞌun Ndioxi. Ta ya ndíchi ndítuꞌun nde xiꞌin na, ta süvi taꞌan ya ndíchi íyo ñuu ivi yóꞌó ku ya, ni süvi taꞌan ya ndíchi kúu mií na chiñu ñuu ivi yóꞌó ku ya, chi ya ndíchi kúu mií na chiñu yóꞌó, ta ya ndíꞌi xaꞌa va ku ya.