San Juan 11:45 - Xochapa Mixteco

⁴⁵ Ta kuaꞌa ni mií na judío ndi̱xaa ndóo xiꞌin yá María xi̱ni ya i̱kan Jesús ta saa ka̱ndixa ñaꞌa na.

San Juan 11:45 Mawu Ofanana

San Juan 10:41

Ta kuaꞌa ni naꞌa kuaꞌan nuu ra, ta káꞌan xiꞌin taꞌan na, káchi na saa: ―Ya ndixa kua ra Juan, ta nda iin yatuꞌun Ndioxi köo ndi̱kan ra, sundi ndiꞌi ya ndi̱kaꞌan ra xaꞌa ra yóꞌó, ta ya ndaa kua ―káchi na.

San Juan 11:19

Ta kuaꞌa ni na judío, ndi̱xaa síndiko na ini ná xaꞌa ya ndi̱xiꞌi kuꞌva ná.

San Juan 11:31

Saa tá xi̱ni na judío na ndi̱xaa síndiko ini ná ya kama ni ndi̱kundichi yá María kuaꞌan yá, ta ndi̱kundikun ndiꞌi na kuaꞌan na sata yá, saa chi va nuu ndi̱nduxin ra kuaꞌan yá kuaku yá, káꞌán na.

San Juan 12:42

Vani köo ndi̱xiin sava na kandixa na ra, sundi kuaꞌa ni na chiñu kúu mií chiñu ndee ka̱ndixa ñaꞌa, ta köo ndi̱tuꞌun na xiꞌin naꞌa, xaꞌa ya íꞌvi na nuu nda fariseo, chi koto ka tava ndaꞌa ñaꞌa nda veꞌe ñuꞌu sinagoga.

San Juan 2:23

Tá ndi̱xiyo Jesús ñuu Jerusalén kivi kána viko pascua, ta kuaꞌa ni yatuꞌun i̱kan ra, saa kuaꞌa ni naꞌa ka̱ndixa kivi ra xaꞌa ya xi̱ni na ñaꞌa íkan ra.

San Juan 7:31

Ta kuaꞌa ni na ka̱ndixa ñaꞌa, saa káꞌan na, káchi na saa: ―Ya ndixa kua kúu ra yóꞌó ra Cristo, chi kuaꞌa ni ya vaꞌa, yatuꞌun chee ni íkan ra. Tá ná kixi inka ra ta ¿án ikan ra tá kuꞌva íkan ra yóꞌó? ―káchi na xaꞌa Jesús.