San Juan 11:43 - Xochapa Mixteco

⁴³ Tá sindiꞌi ndikaꞌan ra tuꞌun ikán, ta saa ndi̱ndaꞌi koꞌo ra, káchi ra saa: ―¡Lázaro, naꞌa keta un keꞌe! ―káchi ra.

San Juan 11:43 Mawu Ofanana

San Marcos 4:41

Ta íꞌvi ka vi nda ndóo nda, saa ndi̱ndakan tuꞌun taꞌan nda, káchi nda saa: ―¿Ndá taa ku ra yóꞌó yakan vaꞌa xíni soꞌo tachi nǎꞌa tin xíni soꞌo nduta ñûꞌu tuꞌun káꞌan ra? ―káchi nda xiꞌin taꞌan nda.

San Juan 11:42

Xíni i ndiꞌi saa ichí xíni soꞌo un káꞌan i xiꞌin un. Sundi ndi̱kaꞌan i saa xiꞌin un xaꞌa ndiꞌi naꞌa chútu ni yóꞌó ya ná kuni soꞌo ndiꞌi na, ta saa kundaa ini na ya ti̱ꞌvi un yeꞌe vaxi i ―káchi Jesús.

San Juan 11:44

Saa ke̱ta ra ndi̱xiꞌi, núꞌni ndiꞌi ndaꞌa ra xiꞌin toto, ta saa tu xaꞌa va ra, ta súvi tuun toto nuu ra ke̱ta ra. Saa ndi̱kaꞌan Jesús xiꞌin na, káchi ra saa: ―Ndaxin ndo toto súvi ñaꞌa ta saña ndo ra kuꞌun ra ―káchi Jesús.

San Juan 12:1

Ta kumani ka iñu kivi ya xáa viko pascua, ta ke̱e Jesús kuaꞌan ra ñuu Betania, nuu íyo ra Lázaro, ra ndi̱xiꞌi, ta si̱taku Jesús ra.

San Juan 12:9

Ta kuaꞌa ni mií na judío ku̱ndaa ini xaꞌa Jesús ya ndi̱xaa ra ñuu Betania veꞌe ra Lázaro. Saa ndi̱xaa na koto ñaꞌa na, ta süvi ndisaa Jesús ndi̱xaa na koto na, chi ndi̱xaa tu na ya koto na ra Lázaro, ra ndi̱taku i̱kan Jesús va.

Los Hechos 3:12

Tá xi̱ni ra Pedro ndiꞌi na ikán, ta ndi̱kaꞌan ra xiꞌin na káchi ra saa: ―Ndóꞌo̱ na taꞌan yo, na Israel, ¿ndachu ndíkanda ni ini ndo xíto ndo ya ndo̱ꞌo ra yóꞌó? saa xíto ni ndo nuu nde ¿Án vaꞌa ni taa kúu nde yakan vaꞌa si̱ndaꞌa nde ra, káꞌán ndo? ¿Xiꞌin ndee mií nde si̱ndaꞌa nde ra, káꞌán ndo? Ta süvi saa íyo ya.

Los Hechos 3:6

Ta saa ndi̱kaꞌan ra Pedro xiꞌin ra, káchi ra saa: ―Köo xuꞌun ndíso nde taxi nde ndaꞌa un, sundi ya kúu mií nde ta taxi nde ya ndaꞌa un. Kuandikoo kundichi kaka un tixin kivi Jesucristo, ra ñuu Nazaret, káꞌan i xiꞌin un ―káchi ra Pedro xiꞌin ra.

Los Hechos 9:34

Saa ndi̱kaꞌan ra Pedro xiꞌin ra, káchi ra saa: ―Tata Eneas, vitin síndaꞌa Jesucristo yóꞌo̱. Kuándikoo, ndaniꞌi un xito un ―káchi ra xiꞌin ra. Tá ndi̱kaꞌan soꞌva ra xiꞌin ra, ta saa ndikun ndi̱koo ra, ndu̱vaꞌa ra.

Los Hechos 9:40

Ñaa xa̱ꞌnda ra Pedro chiñu ya ná kee ndiꞌi na cuarto nuu índuꞌu yá. Ta saa ka̱na koo na. Tá ke̱e ndiꞌi na, ta ñaa si̱kusiti ra xa̱á ra káꞌan ra xiꞌin Ndioxi. Saa ndi̱koto ra nuu yá, káꞌan ra xiꞌin yá, káchi ra saa: ―Nana Tabita, kuándikoo ―káchi ra xiꞌin yá. Saa ndi̱xuna nuu yá. Tá xi̱ni yá ra Pedro, ta ndi̱koo yá ndi̱kunduꞌu koo yá.