San Juan 11:42 - Xochapa Mixteco

⁴² Xíni i ndiꞌi saa ichí xíni soꞌo un káꞌan i xiꞌin un. Sundi ndi̱kaꞌan i saa xiꞌin un xaꞌa ndiꞌi naꞌa chútu ni yóꞌó ya ná kuni soꞌo ndiꞌi na, ta saa kundaa ini na ya ti̱ꞌvi un yeꞌe vaxi i ―káchi Jesús.

San Juan 11:42 Mawu Ofanana

San Mateo 26:53

¿Án köo kúndaa ini un yeꞌe ta vaꞌa kaꞌan i xiꞌin Iva i ta ndikun tiꞌvi ra nda uni xiko uxi uvi mil na tatun Ndioxi kixi na chindee na yeꞌe?

San Juan 11:22

Ta saa ni vitin, xíni i tá ndá ñaꞌa ndúku un nuu Ndioxi, ta taxi ra ya ndaꞌa un ―káchi yá xiꞌin ra.

San Juan 11:31

Saa tá xi̱ni na judío na ndi̱xaa síndiko ini ná ya kama ni ndi̱kundichi yá María kuaꞌan yá, ta ndi̱kundikun ndiꞌi na kuaꞌan na sata yá, saa chi va nuu ndi̱nduxin ra kuaꞌan yá kuaku yá, káꞌán na.

San Juan 11:43

Tá sindiꞌi ndikaꞌan ra tuꞌun ikán, ta saa ndi̱ndaꞌi koꞌo ra, káchi ra saa: ―¡Lázaro, naꞌa keta un keꞌe! ―káchi ra.

San Juan 12:11

Chi xaꞌa ya ndi̱taku ra ta kuaꞌa ni mií na judío xi̱ni ya ndo̱ꞌo ra, ta saa si̱ndoo na ichí ya kándixa na ta ndi̱kundikun na ichí Jesús.

San Juan 12:17

Ta ndee ni ndítuꞌun na ítaꞌan xiꞌin ra tá xi̱ni na ka̱na ra ra Lázaro tixin kava nuu ndi̱nduxi ra, ta si̱taku ñaꞌa ra.

San Juan 17:21

ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

San Juan 17:25

Tata Iva yo, ra vaꞌa, ra ndaa ni kuu mií un. Na ndíkun ñuu ivi yóꞌó ta köo xíni na yóꞌo̱, sundi yeꞌe ta xíni i yóꞌo̱, ta na ndíkun yeꞌe xa xíni na yóꞌo̱ ku ra ti̱ꞌvi yeꞌe vaxi i.

San Juan 17:8

Ta̱xi i tuꞌun un ndaꞌa na ya ta̱xi un ndaꞌa i, ta vaꞌa ni ndi̱kiꞌin na ya. Ta ku̱ndaa ini na ya ndixa kua ke̱e i nuu un, ta kándixa na yóꞌo̱ ku ra ti̱ꞌvi yeꞌe vaxi i.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 3:17

Chi köo ndi̱tiꞌvi Ndioxi Seꞌe ra vaxi ra ñuu ivi ya sitixuꞌvi ra na ñuu ivi, sundi ti̱ꞌvi ñaꞌa ra vaxi ra sikaku ra na.

San Juan 8:16

Sundi tá tu xáa nani i kuachi na, ta ndaku xáa nani i ya xiꞌin na, chi süvi iindaa mií i xáa nani ya xiꞌin na, Iva i Ndioxi ra ti̱ꞌvi yeꞌe vaxi i ku ra íyo xiꞌin i xáa nani i ya xiꞌin na.

San Juan 8:29

Chi Iva i ra ti̱ꞌvi yeꞌe vaxi i ta íyo ra xiꞌin i, köo síndoo mituꞌun ra yeꞌe, íyo ra xiꞌin i ta nina ya kúni mií ra kua íkan i ―káchi Jesús xiꞌin nda.

San Juan 8:42

―Tá tu ndixa Ndioxi ku Iva ndo ta kuꞌvi ini ndo kuni ndo yeꞌe, ndikuu. Saa chi yeꞌe ta nuu Ndioxi ke̱e i xa̱a i ñuu ivi yóꞌó, süvi xaꞌa ya kúni mií i kua xa̱a i, chi Ndioxi ku ra ti̱ꞌvi yeꞌe vaxi i.

ROMANOS 8:3

Ndioxi i̱kan ra ya vaꞌa xiꞌin yo, ñaꞌa ya köo ndi̱kuchiñu ley ya ta̱a ra Moisés ikan ya xiꞌin yo xaꞌa ya köo ndee kúu mií ikin kuñu yo nuu ya väꞌa. Xaꞌa ya ikán kua ti̱ꞌvi ra Seꞌe ra ki̱xi ra ñuu ivi yóꞌó, ta ndi̱xiyo ikin kuñu ra tá kuꞌva íin mií yo ivi yóꞌó. Ti̱ꞌvi Ndioxi ra ki̱xi ra ndi̱soko ra mií ra xaꞌa kuachi yo, ta saa ku̱chiñu ra si̱ndiꞌi xaꞌa ra ndee ya kúu mií kuachi yo nuu Ndioxi.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

1 Juan 4:14

Ta ndeꞌe xi̱ni xiꞌin nuu nde Jesús, ra kúu Jesucristo ra ti̱ꞌvi Iva yo Ndioxi ki̱xi ñuu ivi yóꞌó. Ta ndíkuiin nde xaꞌa ra ya ki̱xi ra sikaku ra ndiꞌi na ñuu ivi yóꞌó.