San Juan 11:34 - Xochapa Mixteco

³⁴ Ñaa ndi̱ndakan tuꞌun ñaꞌa ra káchi ra saa: ―¿Míí ndi̱xaꞌan ndo si̱nduxin ndo ra? ―káchi ra xiꞌin na. Saa ndi̱kuiin na káꞌan na: ―Naꞌa koꞌo yo kuni un nuu ndi̱nduxin ra, Tata ―káchi na xiꞌin ra.

San Juan 11:34 Mawu Ofanana

San Mateo 28:6

Tá íyo ya xa ndikaꞌan ra xiꞌin ndo saa ndi̱xiyo ya, chi xa ndi̱taku va ra. Köo ka ra ndíkaa yóꞌó, kuayaꞌa ndo koto ndo nuu xi̱ndikaa ra.

San Marcos 15:47

Saa ndíchi yá María Magdalena xiꞌin yá María siꞌí ra José, ndíta ná xíto ná nuu sínduxin na Jesús.

San Marcos 16:6

Ta saa ndi̱kaꞌan ra xiꞌin ná, káchi ra saa: ―Ku ïꞌvi ndo, chi Jesús ra Nazaret, ra ti̱kaa na ndaꞌa cruzin, ta köo ka ra yóꞌó, xa ndi̱taku va ra. Koto ndo nuu xi̱nduꞌu ra, köo ka ra.

San Juan 1:39

Ta ndi̱kuiin ra káꞌan ra xiꞌin nda: ―Naꞌa ndo kuni ndo nuu íyo i ―káchi ra xiꞌin nda. Saa ke̱e nda kuaꞌan nda xiꞌin ra kuni nda nuu íyo ra. Ta iin nduvi saa ndi̱xiyo nda xiꞌin ra kivi ikán, chi xa kua iin kuꞌva kàà kumi xikuaa.

San Juan 11:33

Saa tá xi̱ni ra xáku ni yá, ta saa tu na ndi̱xaa ndóo xiꞌin va yá, ta ku̱suchi ni ini ra xiꞌin yá saa ndi̱taꞌvi ni ini ra xi̱ni ra na.

San Juan 11:35

Saa xa̱á Jesús xáku ra.

San Juan 20:2

Saa ke̱e yá xínu yá kuaꞌan yá nuu íin ra Simón Pedro xiꞌin inka ra xi̱taꞌan xiꞌin Jesús, ra ku̱ꞌvi ni ini Jesús xi̱ni ra, ta ndi̱tuꞌun yá xiꞌin nda, káchi yá saa: ―Ta̱va na ikin kuñu Tata yo kuaꞌan xiꞌin na, ta köo xíni nde míí chí ndi̱xaꞌan na ndi̱ndaka na ya ―káchi yá xiꞌin nda.