San Juan 11:25 - Xochapa Mixteco

²⁵ Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 11:25 Mawu Ofanana

San Lucas 23:43

Saa ndi̱kaꞌan Jesús xiꞌin ra, káchi ra saa: ―Ya ndaa káꞌan i xiꞌin un, kivi vitin koo un xiꞌin i nuu latun ni káa ―káchi Jesús xiꞌin ra.

San Juan 1:4

Ta mií ra ikán ku ra kúu mií ndee ya taxi ra kutaku na ñuu ivi xiꞌin ra tá kuꞌva táku mií ra. Chi ya táku ra kua vaꞌa síndiyeꞌe ra nuu na ñuu ivi.

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 3:16

’Saa chi yáꞌa ni kúꞌvi ini Ndioxi xíni ra na ñuu ivi, xaꞌa ya ikán kua ta̱xi ra Seꞌe ra, ra iindaa mituꞌun nuu ra, yakan ndiꞌi na kándixa ra ta ndïꞌi xaꞌa na, sundi taxi ra kutaku na xiꞌin ra ndiꞌi saa kivi.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

San Juan 5:21

Tá kuꞌva sítaku Iva ra Ndioxi na ndíi ta táxi ra kutaku na, ta saa íkan tu Seꞌe va ra, táxi ra kutaku na kúni mií ra.

San Juan 5:26

Saa chi Ndioxi ta kúu mií ra ndee táxi ra táku mií ra ta suvi ndee ikán ta̱xi ra ndaꞌa Seꞌe ra ya iin káchi táku ra xiꞌin ra.

San Juan 6:35

Saa ndi̱kaꞌan Jesús xiꞌin na, káchi ra saa: ―Yeꞌe ku xita vaꞌa ya vaꞌa ni, ya táxi táku naꞌa. Ta na vaxi nuu i ta nda iin kivi küvi ka na soko, saa tu na kándixa yeꞌe ta nda iin kivi ïchi ka na tikuii.

San Juan 6:44

Nda iin naꞌa küvi kixi nuu i, tá tu süvi mií Iva i, ra ti̱ꞌvi yeꞌe vaxi i, ku ra ndáka na vaxi na nuu i, ta yeꞌe sitaku i na kivi sindiꞌi.

Los Hechos 3:15

Ta xa̱ꞌni ndo taa ra vaꞌa ni, chi iin mituꞌun ra ikán ku ra táxi ichí ya kutaku yo. Sundi Ndioxi ta si̱taku ñaꞌa ra. Ndeꞌe ku testigo xaꞌa ra, xi̱ni nde ndi̱taku ra.

ROMANOS 4:17

Ta soꞌva ndi̱kaꞌan Ndioxi xiꞌin ra Abraham nuu ya ta̱a na xinaꞌa, káchi ra saa: “Yeꞌe ku Ndioxi, ta taxi i ichí ndaꞌa un nduu un iva ndiꞌi ni kúu naꞌa, na ndóo ñuu ivi yóꞌó”, káchi Ndioxi xiꞌin ra. Saa ka̱ndixa ra Abraham tuꞌun ya ndi̱kaꞌan Ndioxi xiꞌin ra. Chi Ndioxi ta kúu mií ra ichí ya sitaku ra na ndíi, saa kúu mií ra ichí ya sikuaꞌa ra ñaꞌa ya täꞌan kuaꞌa.

ROMANOS 8:2

Chi xaꞌa ya xa ndu̱u yo iin xiꞌin Cristo Jesús, yakan kúu mií yo ndee Tachi I̱í Ndioxi, ya táxi kutaku yo xiꞌin ra, saa sa̱ña ra yoo ndaꞌa ley ya síndikaꞌan ni ini yo kiꞌvi yo kuachi nuu Ndioxi ta kuvi yo.

1 Corintios 15:18

Ni naꞌa, na ka̱ndixa ñaꞌa, na xa ndi̱xiꞌi ta xa saa íyo yaa tu kuachi na ikán va, ta xa ndi̱ꞌi xaꞌa va na, ndíkuu.

1 Corintios 15:29

Tá tu saa va íyo ya, ta unkua ikan naꞌa, na chíchi nuu ndíkiꞌin na nuu na taꞌan na, na xa ndi̱xiꞌi. Chi ndíkani ini na saa kua kuchiñu na chindee ñaꞌa na, káꞌán na. Tá tu köo ndítaku na xa ndi̱xiꞌi, ta ¿ndá xaꞌa kua chíchi na ikán xaꞌa na taꞌan na?

2 Corintios 4:14

Saa chi ndeꞌe, ta xíni nde ya si̱taku Ndioxi Jesús ta saa sitaku tu ra yoo va. Saa tu ndóꞌo̱ va, iin káchi sitaku ra ndiꞌi yo, ta saa kundaka ra yoo kuꞌun yo xiꞌin ra nuu íyo mií ra.

Filipenses 1:23

Ni köo xíni i unkua vaꞌa ikan i, ¿án vaꞌa ka ya kuvi i, án vaꞌa ka ya kutaku i? Sundi ya ndíkani ini i kua: vaꞌa ni ka kua ná kuvi i, túvi i, chi koo i xiꞌin Cristo.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

1 Tesalonicenses 4:14

Chi xaꞌa ya kándixa yo ndi̱xiꞌi Jesús saa kándixa tu yo ya ndi̱taku ra. Ta kuꞌva saa sitaku Ndioxi ndiꞌi yoo kándixa ñaꞌa, sitaku ra yo koo yo xiꞌin Jesús.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.

El Apocalipsis 20:5

Ta na nditaku ikán ku na núnu̱ú nditaku. Sundi na ndíi, na köo ndi̱kandixa Ndioxi ta täꞌan nditaku na nda ná xinu iin mil kuiya saa ndi̱taku na.

El Apocalipsis 21:4

Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.

El Apocalipsis 22:1

Saa si̱naꞌa tatun ikán iin i̱tà nuu i, ta ndee ni yaa rá, ta rá ikán ku rá táxi ichí ya kutaku naꞌa ndiꞌi saa kivi xiꞌin Ndioxi. Ta kána koo rá nuu ndíchi tai toꞌo nuu índuꞌu Ndioxi xiꞌin Levo loꞌo. Tá kuꞌva yéꞌe̱ taxan vidrio, saa yéꞌe̱ rá.

El Apocalipsis 22:17

Tachi I̱í Ndioxi xiꞌin na veꞌe ñuꞌu na íin tá káá ñaꞌa yá tindaꞌa xiꞌin Levo loꞌo ikán kána na ra, káchi na saa xiꞌin ra: “Naꞌa Tata yo Jesús”, káchi na. Ta ndóꞌo̱ xíni soꞌo tuꞌun yóꞌó, kaꞌan tu ndóꞌo̱ saa va xiꞌin naꞌa: “Naꞌa ndo”, kachi ndo. Ta ndóꞌo̱ íchi tikuii ta kúni ndo koꞌo ndo rá, ta vaꞌa kixi ndo koo ndo rá, chi táxi rá kutaku ndo ndiꞌi saa kivi. Ta síniꞌi uun Ndioxi rá koꞌo ndo.