San Juan 10:35 - Xochapa Mixteco

³⁵ Ta xíni yo tuꞌun Ndioxi ta küvi ndikuaa yo ya káꞌan ya. Mií Ndioxi ku ra ndi̱kaꞌan xaꞌa nda ndi̱kaꞌan ndoso tuꞌun yuꞌu ra, ya kúu nda ndioxi vali.

San Juan 10:35 Mawu Ofanana

San Mateo 24:35

Ndiꞌi xaꞌa ndivi tin ñuꞌú yóꞌó, sundi tuꞌun i ta nda iin kivi ndïꞌi xaꞌa ya xinu ndiꞌi ya káꞌan ya.

San Mateo 27:35

Saa chi̱nuu nda ra ndaꞌa cruzin, ka̱ni nda clavo xaꞌa ra tin ndaꞌa ra. Ñaa chi̱kaa nda suerte sata toto ra, ya kuchiñu nditaꞌvi nda ya xiꞌin taꞌan nda. Ikán ku nuu si̱xinu nda ya ta̱a ra profeta xinaꞌa, ka̱chi ra saa: “Chi̱kaa nda suerte sata toto i nditaꞌvi nda ya xiꞌin taꞌan nda”, káchi ya ta̱a ra profeta ikán.

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

San Lucas 16:17

’Ta kúni i ná kundaa ini ndo, vani ndiꞌi xaꞌa ñuu ivi yóꞌó xiꞌin ndivi, sundi ley Ndioxi ya xa íyo xinaꞌa, ta nda iin kivi ndïꞌi xaꞌa ya ―káchi Jesús.

San Juan 10:34

Saa ndi̱kuiin Jesús káꞌan ra: ―Iin ñaꞌñu nuu ley ya íyo ndaꞌa ndo káchi ya: “Yeꞌe káꞌan ndioxi vali ku ndo”, káchi Ndioxi xiꞌin xii yo xinaꞌa.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 19:28

Jesús ta xa kúndaa ini ra, ya xa xa̱a súvi ndiꞌi ra chiñu ya ta̱xi Ndioxi ndaꞌa ra, saa ndi̱kaꞌan ra inka tuꞌun, ya xa̱a súvi ra tuꞌun Ndioxi, ya ta̱a na xinaꞌa, káchi ra saa: ―Íchi ni i tikuii ―káchi ra.

Los Hechos 1:16

―Ndóꞌo̱ ñani yo, Tachi I̱í Ndioxi ndi̱kaꞌan ya tixin tuꞌun ra ya ta̱a ra David xaꞌa ra Judas, ndi̱kaꞌan ya xaꞌa ra ya ndixiko ra Jesús, ta xaꞌa ya yóꞌó kua xi̱ndaka ra naꞌa ndi̱xaꞌan na xiꞌin ra ti̱in na Jesús, chi saa ku nuu ndi̱xinu tuꞌun Ndioxi ya xa íyo xaꞌa ra Judas ya xíniñuꞌu ra kundoꞌo ra saa.

ROMANOS 13:1

Tá kúu ndiꞌi yo ta xíniñuꞌu yo xaa súvi yo chiñu ya xáꞌnda na chiñu nuu yo. Saa chi na chiñu xiꞌin na naꞌnu ndíso chiñu xiꞌin yo, ta Ndioxi ku ra ta̱xi chiñu ndaꞌa na.