San Juan 10:28 - Xochapa Mixteco

²⁸ Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

San Juan 10:28 Mawu Ofanana

San Marcos 13:22

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

San Lucas 23:46

Saa iin ndendee ndi̱ndaꞌi koꞌo Jesús, káchi ra saa: ―¡Tata, ndítaxi i ya vaꞌa i ndaꞌa un! ―káchi ra xiꞌin Ndioxi. Tá ndi̱kaꞌan ra saa ta ndi̱xiꞌi va ra.

San Juan 10:29

Chi Iva i Ndioxi ku ra ta̱xi ri ndaꞌa i. Ta chee ni ra ikán nuu ndiꞌi na, ta nda iin na küchiñu kindaa ri ndaꞌa Iva i.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 18:9

Ndi̱kaꞌan Jesús saa nuu xa̱a súvi ra ya ndi̱kaꞌan ra káchi ra saa: “Nda ta̱xi un ndaꞌa i, ta nda iin nda köo ndi̱sindañuꞌu i”, káchi Jesús xiꞌin Ndioxi tá yachi.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

San Juan 4:14

Sundi na koꞌo tikuii nduta táxi i ndaꞌa na ta nda iin kivi ïchi ka na. Saa chi tikuii rá táxi i koꞌo na ta nduu rá tá káa iin ita chee ini na, ta nda iin kivi ïchi rá ini na. Ta na koꞌo tikuii rá taxi i ta küvi na, chi kúu mií rá ndee ya taxi rá kutaku na, ta nda iin kivi ya vaxi ndïꞌi xaꞌa na ―káchi Jesús xiꞌin yá.

San Juan 5:24

’Ya ndaa káꞌan i xiꞌin ndo: Ndiꞌi na xíni soꞌo tuꞌun káꞌan i, ta kándixa na Ndioxi ra ti̱ꞌvi yeꞌe vaxi i ñuu ivi, ta na ikán ku na ndixa táku ndiꞌi saa kivi, ta täxi ra ndoꞌo na xaꞌa kuachi na. Saa chi tá íin na xa ndi̱xiꞌi yachi saa ndi̱xiyo na, ta vitin ndi̱taku na.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 6:47

Ya ndaa káꞌan i xiꞌin ndo: Ndiꞌi na kándixa yeꞌe ta xa táku na ndiꞌi saa kivi.

San Juan 6:68

Saa ndi̱kuiin ra Simón Pedro, káchi ra saa: ―Tata, ¿unku ka na kuꞌun nde nuu? Ta iindaa yóꞌo̱ ku un ndítuꞌun tuꞌun ya táxi kutaku nde ndiꞌi saa kivi.

Los Hechos 7:59

Tá súkun na yu̱ú sata ra Esteban ta xa̱á ra káꞌan ra xiꞌin Ndioxi, káchi ra saa: ―Tata Jesús, ndikiꞌin un ya vaꞌa i ―káchi ra.

ROMANOS 5:17

Xaꞌa kuachi iindaa taa, ra núnuu ku nuu xa̱á xáꞌnda chiñu ndìì ya xáꞌni ndiꞌi naꞌa. Sundi ndiꞌi naꞌa, na ndíkuiso ya vaꞌa ta̱xi Ndioxi ndaꞌa na, ta kutaku na tin kaꞌnda chiñu na xiꞌin ra. Chi iindaa mií taa, ra kúu Jesucristo ku ra táxi kutaku yo, saa nda̱sa ra yoo ndu̱u yo tá íin naꞌa, na köo ka kuachi kúu mií nuu ra.

ROMANOS 5:2

Saa tu xaꞌa ya kándixa yo Jesucristo kua ndi̱niꞌi uun yo nuu ndi̱kiꞌvi yo ndi̱kitaꞌan vaꞌa ni yo xiꞌin Ndioxi, ta ni küxika ka yo nuu ra. Saa kúsini ni yo chi kúndaa teꞌe ini yo ya koo yo xiꞌin ra nuu kuni yo ya chee ni kúu mií Ndioxi.

ROMANOS 5:21

Tá täꞌan ka kixi Jesucristo, ta ndee ya kúu mií kuachi na ku ya xa̱ꞌnda chiñu nuu na ta xa̱á ya xáꞌni ya na. Sundi vitin ta ndee ni ka ndee ya vaꞌa ta̱xi Ndioxi xáꞌnda chiñu nuu ndiꞌi yo kándixa Jesucristo xaꞌa ya kúꞌvi ni ini ra xíni ra yoo. Nda̱sa vaꞌa Ndioxi yo nuu ra, ndu̱u yo tá íin naꞌa, na köo ka kuachi kúu mií nuu ra, ta saa ta̱xi ra ya kutaku yo xiꞌin ra ndiꞌi saa kivi ya vaxi.

ROMANOS 5:9

Ta ndisaa ka vi vitin, sïndoꞌo ka Ndioxi yoo kivi tá ná taxi ra kuachi xaꞌa ndiꞌi ni kúu na ñuu ivi yóꞌó, xaꞌa ya ndi̱xiꞌi Jesucristo xaꞌa yo kua nda̱sa ra mií yo ndu̱u yo tá íin naꞌa, na köo ka kuachi kúu mií nuu Ndioxi.

ROMANOS 6:23

Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.

ROMANOS 8:1

Vitin ná kundaa ini yo xaꞌa ya iin ndu̱u yo xiꞌin Jesucristo, ta köo ndíso ka yo kuachi ya tixuꞌvi yo nuu Ndioxi. Ni köo kúu ka yo naꞌa, na íkan ndisaa ya kúni mií ikin kuñu yo, ta ndixa ndíkun yo ichí nuu xáa súvi yo ya vaꞌa kúni Tachi I̱í Ndioxi.

ROMANOS 8:29

Ta tá täꞌan ka kuaꞌa ñuu ivi yóꞌó, ta xa xíni mií ra unku na ndi̱kaxin ra ya kundikun na ra. Xa saa chi̱tuni mií ra ya nduu na seꞌe ra tá kuꞌva káa Jesucristo Seꞌe ra. I̱kan ra saa ya ná nduu Jesucristo, ra núnu̱ú nuu ndiꞌi ñani ra xiꞌin kuꞌva ra.

Filipenses 1:6

Ta yeꞌe, ta xa kúndaa teꞌe ini i xaꞌa ndo, chi Ndioxi ku ra xa̱á xáa chiñu xiꞌin nima ndo, ta saa xaa chiñu ka ra xiꞌin ndo ndakua ná xinu ndo nduu ndo tá kuꞌva kúni mií ra, nda kivi tá ná ndiko koo Tata yo Jesucristo ñuu ivi yóꞌó.

2 Tesalonicenses 2:13

Sundi ndeꞌe, ta ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, chi Ndioxi ta kúꞌvi ni ini ra xíni ra ndóꞌo̱. Saa ndi̱kaxin ra ndóꞌo̱ ya sikaku ra xiꞌna ndóꞌo̱, nda̱sa vaꞌa ra ini ndo tixin Tachi I̱í ra. Xaꞌa ya ndáa ni ini ndo xíni ndo ya ndaa xaꞌa Tata yo Jesucristo.

1 Timoteo 1:16

Xaꞌa ya ikán kua ku̱ndaꞌvi ni ini Tata yo Jesucristo xi̱ni ra yeꞌe. I̱kan ra saa xiꞌin i ya kúni ra ná kuni naꞌa ya ndee ni kaꞌnu ini ra xiꞌin na ndee ni ndee kuachi kúu mií nuu ra. Ta kúni ra ná kuni na ya ndo̱ꞌo i, ta saa kuchiñu na kandixa na ra, ta saa niꞌi na kutaku na xiꞌin ra ndiꞌi saa kivi ya vaxi.

2 Timoteo 1:12

Xaꞌa ya káꞌan ndoso i tuꞌun vaꞌa xaꞌa ra kua ndóꞌo ni i vitin. Sundi köo kúkaꞌán nuu i xaꞌa ya ndóꞌo i. Chi yeꞌe, ta xa kúndaa teꞌe ini i unku ra ndáa ni ini i xíni i, ta ndee ni ndee kúu mií ra ya chindee ra yeꞌe ya xaa súvi i ndiꞌi chiñu ya ta̱xi ra ndaꞌa i xaa súvi i.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

1 Pedro 1:5

Xaꞌa ya ndáa ni ini ndo Ndioxi kua kundaa ra ndóꞌo̱ xiꞌin ndee ra, chi saa chi̱tuni ra sikaku ra ndóꞌo̱ iin saa nda ná tindaa kivi sindiꞌi.

1 Juan 1:2

Ta ndu̱u ra, ra ivi tá íin mií yo ivi yóꞌó. Saa ki̱xi ra ñuu ivi yóꞌó ta xi̱ni xiꞌin nuu nde ra yakan kua ndíkuiin nde xaꞌa ra tin káꞌan nde xaꞌa ra xiꞌin ndo. Chi ra ikán ku ra táxi kutaku yo xiꞌin Ndioxi ndiꞌi saa kivi, ta xiꞌin Iva yo Ndioxi ndi̱xiyo ra, ta vitin ndi̱tuvi ra nuu yo.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.

1 Juan 5:11

Ta ya ndíkuiin ini yo kua yóꞌó, ta̱xi Ndioxi ichí táku yo xiꞌin ra ndiꞌi saa tiempo. Chi Jesucristo Seꞌe ra ku ra táxi táku yo xiꞌin ra.

Judas 1:1

Yeꞌe, Judas, ñani ra Jacobo, ra xáa chiñu nuu Tata yo Jesucristo ku i táa tutu yóꞌó xaa ya ndaꞌa ndóꞌo̱ ka̱na ra, saa nda̱sa i̱í Iva yo Ndioxi ndóꞌo̱, ta ndáa ni Tata yo Jesucristo ndóꞌo̱.

Judas 1:21

Ta sïndoo ndo ya ndíkun ndo ichí Ndioxi, ra kúꞌvi ni ini xíni ndóꞌo̱, ta saa niꞌi ndo koo ndo xiꞌin ra ndiꞌi saa ichí xaꞌa ya kúndaꞌvi ni ini ra xíni ra ndóꞌo̱.

Judas 1:24

Ná xaa kaꞌnu ni yo Ndioxi chi ndee ni ndee kúu mií ra ya chindee ra yoo ya ná sïndikoo yo ichí ra ya ndaa kándixa yo. Ta vaxi kivi kundita yo nuu ra nuu íyo ndiꞌi ya kaꞌnu luvi ni. Saa ndasa vaꞌa ra yoo nduu yo naꞌa, na köo ka kuachi kúu mií nuu ra, ta yáꞌa ni kusini yo kivi ikán.