San Juan 10:27 - Xochapa Mixteco

²⁷ Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

San Juan 10:27 Mawu Ofanana

San Mateo 16:24

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Tá ndá naꞌa kúni kundikun yeꞌe, ta xíniñuꞌu na ndindoso ini na xaꞌa mií na, saa ndikundiso na cruzin na, ta ndikundikun na yeꞌe.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 25:12

Saa ndi̱kuiin ra tíndaꞌa ikán, káꞌan ra xiꞌin ná, káchi ra saa: “Ya ndaa káꞌan i xiꞌin ndo, köo xíni i ndóꞌo̱”, káchi ra xiꞌin ná. Saa ndi̱ꞌi tuꞌun ndíchi loꞌo yóꞌó ―káchi Jesús.

San Mateo 7:23

Ta yeꞌe ndikuiin i kaꞌan i xiꞌin na, kachi i saa: “Nda iin ichí köo ndóꞌo̱ ndi̱xini i, kuátaꞌa ndo nuu i, saa chi süvi ndóꞌo̱ vaꞌa ku ndo”, kachi i xiꞌin na ―káchi Jesús xiꞌin na.

San Marcos 10:21

Saa ndi̱koto Jesús nuu ra ta ndi̱taꞌvi ni ini ra xi̱ni ñaꞌa ra, saa ndi̱kaꞌan ra xiꞌin ra, káchi ra saa: ―Vani xa íkan ndiꞌi un ya ñaa, sundi kümani ka siin ya ikan un. Kuáꞌan xiko ndiꞌi ñaꞌa ya kúu mií un, ta chindee un na ndaꞌvi. Saa kua kuchiñu ndukuika un xiꞌin Ndioxi nuu ndivi. Xaa súvi ya ñaa, ta saa kixi un kundikun un yeꞌe, vani tixuꞌvi un án nda kuvi un xaꞌa i ―káchi Jesús xiꞌin ra.

San Marcos 8:34

Sindiꞌi saa ka̱na Jesús nda ítaꞌan xiꞌin ra xiꞌin ka naꞌa ikán, saa ndi̱kaꞌan ra xiꞌin na, káchi ra saa: ―Tá ndá ndóꞌo̱ kúni kundikun yeꞌe ta ïkan ka ndo ndisaa ya kúni mií ndo, xaꞌa ndee ini ndo ndoꞌo ndo xaꞌa i ta kundikun ndo kixi ndo sata i.

San Lucas 13:27

Ta saa ndikuiin ra kaꞌan ra xiꞌin ndo: “Xa ndi̱kaꞌan i xiꞌin ndo köo xíni i mií chí ke̱e ndo. Kuátaꞌa ndo yéꞌé i chi süvi ndóꞌo̱ vaꞌa ku ndo”, kachi ra xiꞌin ndo.

San Lucas 9:23

Ta saa ndi̱kaꞌan ra xiꞌin ndiꞌi na ndóo ikán káchi ra saa: ―Tá ndá ndóꞌo̱ kúni xaa súvi ya káꞌan Ndioxi, ta ïkan ka ndo ndisaa ya kúni mií ndo, saa kuchiñu ndo ikan ndo ya kúni Ndioxi. Ta naꞌa ndo kundikun ndo yeꞌe kundiso ndo cruzin ndo, koo ndúvi ndo ndiꞌi saa kivi ya ndoꞌo ndo xaꞌa i.

San Juan 10:14

’Sundi yeꞌe ta ra paxto vaꞌa ni ku i. Xíni vaꞌa i levo sana i, ta saa tu mií va ri xíni vaꞌa ri yeꞌe.

San Juan 10:16

Ta íyo ka inka ri ta süvi taꞌan ri ndóꞌni corra yóꞌó ku ri, ta xíniñuꞌu i kuꞌun i ndikuiso i ri kixi ri xiꞌin i. Chi ri ikán tá ná kana i ri ta kuni soꞌo ri tachi i, ta kixi ri xiꞌin i. Saa ndikitaꞌan ri kuñuꞌu ndiꞌi ri ini corra ta iin koo ndiꞌi ri, saa iin koo ra ndáa ri.

San Juan 10:8

Ndiꞌi nda ki̱xi yachi tá täꞌan kixi yeꞌe, ta nda ikán ta süvi nda vaꞌa ku nda, nda kuiꞌna ku nda, yakan köo ndi̱xini soꞌo levo ya ndi̱kaꞌan nda.

San Juan 12:26

Tá ndá ndóꞌo̱ kúni xaa chiñu nuu i, ta vaꞌa kundikun ndo yeꞌe. Chi nuu koo i ta ikán koo tu ndóꞌo̱ va xiꞌin i. Tá ndá ndo xáa chiñu nuu i, ta xaa kaꞌnu Iva i Ndioxi ndóꞌo̱ ―káchi Jesús xiꞌin na.

San Juan 21:22

Saa ndi̱kuiin Jesús, káchi ra saa: ―Tá tu kúni i ta kutaku ra ñuu ivi yóꞌó nda kivi ná ndiko koo i, ta kutaku va ra. Ta yóꞌo̱, ¿unkua ndóꞌo un ndíꞌi ini un? Naꞌa kii mií un kundikun un yeꞌe ―káchi Jesús xiꞌin ra.

San Juan 5:25

Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.

San Juan 8:12

Saa xa̱á tuku ra káꞌan ra xiꞌin naꞌa, káchi ra saa: ―Yeꞌe ku ñu̱ꞌu̱ ya síndiyeꞌe nuu na ñuu ivi yóꞌó. Ta ndiꞌi na ndíkun yeꞌe ta käka na ichí ya naá, chi kúu mií na ñu̱ꞌu̱ ya táxi kutaku na ―káchi ra xiꞌin na.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

Los Hechos 3:23

chi sava naꞌa tá ná kändixa na ya kaꞌan ra ikán xiꞌin na, ta ndiꞌi xaꞌa na ikan Ndioxi kana koo na ñuu na, ndoꞌo na tá kuꞌva ndóꞌo itun tá táva na tioꞌo nu nuu ndíchi nu”, soꞌva káchi ya ta̱a ra Moisés xinaꞌa.

1 Corintios 8:3

Sundi ndá naꞌa kúꞌvi ni ini xíni Ndioxi, ta saa tu mií va ra xíni vaꞌa ra ini na.

Gálatas 4:9

Ta vitin xa xíni ndo Ndioxi ra ndaa. Án xa xíni vaꞌa mií ra ndóꞌo̱, ná kachi yo. Ta saa, ta ¿ndachu kúni ndo ndiko koo tuku ndo ndinaꞌa ndo taꞌan ya ndi̱naꞌa ndo yachi, ya ndínaꞌa na ñuu ivi yóꞌó, ta ni köo ndáa yaꞌvi ya íkan na? ¿Án kúni tuku ndo nduu ndo tá íin naꞌa, na xáa chiñu xiꞌin ya nduxa?

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

HEBREOS 3:7

Tá káꞌan Tachi I̱í Ndioxi nuu tuꞌun ra, káchi ya saa: “Tá tu xíni soꞌo ndo vitin ya káꞌan Ndioxi xiꞌin ndo,

El Apocalipsis 14:4

Vaꞌa ni xi̱ndaa nda ikán mií nda, chi köo ndi̱kiꞌvi nda xiꞌin nda iin ná ñaꞌa, nda tá íyo iin taa ra köo ndi̱tindaa iin ñaꞌa, saa ndi̱xiyo nda ikán. Ta ndinuꞌu ni ini nda ndíkun nda sata Levo loꞌo ikán, nda mií nuu kuaꞌan ri ta ndíkun nda kuaꞌan nda sata ri. Chi ndee ni yaꞌvi cha̱ꞌvi Ndioxi xaꞌa nda. Tá káa ya vaꞌa, ya núnu̱ú sóko naꞌa nuu Ndioxi xiꞌin nuu kiti levo loꞌo, saa íyo nda ikán nuu ra.

El Apocalipsis 3:20

¡Koto ndo! Yeꞌe ku ra ndíchi yeꞌe ndo, ta kána i ndóꞌo̱. Tá ndá ndóꞌo̱ xíni soꞌo tachi i, ta xúna ndo yeꞌe ndo nuu i, saa káꞌan ndo xiꞌin i kiꞌvi i veꞌe ndo kuxíni i xiꞌin ndo, ta kuxíni ndo xiꞌin i.