San Juan 1:38 - Xochapa Mixteco

³⁸ Saa ndi̱ko koo Jesús ndikoto ra sata ra, ta xi̱ni ra ndíkun nda kuaꞌan nda sata ra, ta saa ndi̱kaꞌan ra xiꞌin nda, káchi ra saa: ―¿Unkua kúni ndo? ―káchi ra xiꞌin nda. Saa ndi̱kuiin nda káꞌan nda: ―Rabí ¿míí ku nu íyo un? ―káchi nda xiꞌin ra. Ta tuꞌun “Rabí” kúni kachi ya “Maestro”.

San Juan 1:38 Mawu Ofanana

San Lucas 10:39

Ta íyo iin kuꞌvi yá náni María. Tá ndi̱xaa Jesús veꞌe ná ta ndi̱kunduꞌu koo yá María xaꞌa ra xíni soꞌo yá káꞌan ra.

San Lucas 14:25

Kuaꞌa ni na ndíkun kuaꞌan sata Jesús, saa ndi̱ko koo ra ndi̱kaꞌan ra xiꞌin na, káchi ra saa:

San Lucas 15:20

’Ñaa ke̱e ra ndi̱kiꞌin ra ichí ta ndi̱kiꞌin ra kuanuꞌu ra veꞌe ra. Xíka ka va kuaꞌan ra saa xi̱ni ñaꞌa iva ra. Ñaa ku̱ndaꞌvi ini ra xi̱ni ñaꞌa ra. Saa ke̱e ra xínu ra ndi̱xaꞌan ra nu̱mi ñaꞌa ra.

San Lucas 19:5

Tá yáꞌa Jesús kuaꞌan ra ta si̱kuꞌun nuu ra ndi̱koto ra ndaꞌa itun ikán. Saa xi̱ni ra ínuu ra Zaqueo ndaꞌa nu, ñaa ndi̱kaꞌan ra xiꞌin ra, káchi ra saa: ―Zaqueo, kuanuu ndaꞌa itun ñaa, kama loꞌo koo un nuu un, saa chi kivi vitin xíniñuꞌu i kuꞌun i veꞌe un ―káchi Jesús xiꞌin ra.

San Lucas 22:61

Saa ndi̱ko koo Jesús ndi̱koto vaꞌa ra nuu ra Pedro, ta ndi̱kaꞌán ini ra ya ndi̱kaꞌan Jesús xiꞌin ra: “Ñûu vitin ta xa uni vi ichí ndikuaa un yeꞌe, saa kana nduxi”, káchi ra xiꞌin ra.

San Lucas 8:38

Saa ku̱ni ra ku̱u mií tachi ndu̱vaꞌa ikán kuꞌun ra xiꞌin Jesús, ñaa ndi̱kaꞌan ra xiꞌin Jesús, káchi ra saa: ―Tata, taxi un ná kuꞌun i xiꞌin un ―káchi ra xiꞌin ra. Ta ndi̱kaꞌan Jesús xiꞌin ra, káchi ra saa:

San Juan 1:37

Tá xi̱ni soꞌo uvi saa nda ítaꞌan xiꞌin ra ya ndi̱kaꞌan ra xaꞌa Jesús, ta saa ndi̱kundikun nda Jesús.

San Juan 1:39

Ta ndi̱kuiin ra káꞌan ra xiꞌin nda: ―Naꞌa ndo kuni ndo nuu íyo i ―káchi ra xiꞌin nda. Saa ke̱e nda kuaꞌan nda xiꞌin ra kuni nda nuu íyo ra. Ta iin nduvi saa ndi̱xiyo nda xiꞌin ra kivi ikán, chi xa kua iin kuꞌva kàà kumi xikuaa.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 12:21

Saa ku̱yati na nuu ra Felipe ra ke̱e ñuu Betsaida, estado Galilea xíkan na ya mani nuu ra, káchi na saa: ―Tata, kúni nde kuni nde Jesús ―káchi na.

San Juan 18:4

Sundi Jesús ta xa xíni ndiꞌi ra unkua kundoꞌo ra, saa ke̱ta ra ndi̱ndakan tuꞌun ñaꞌa ra, káchi ra saa: ―¿Unku na ndúku ndo? ―káchi ra xiꞌin nda.

San Juan 18:7

Saa ndi̱kaꞌan tuku Jesús xiꞌin nda, káchi ra saa: ―¿Unku na ndúku ndo? ―káchi ra xiꞌin nda. Saa ndi̱kuiin nda káꞌan nda: ―Ra Jesús ke̱e ñuu Nazaret ku ra ndúku nde ―káchi nda.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 3:26

Saa ndi̱kaꞌan nda xiꞌin ra Juan, káchi nda saa: ―Tata Rabí: koto un ra taa xi̱ni taꞌan xiꞌin un inka ñaꞌñu yuꞌu ita Jordán, síkuchi ni ra naꞌa, ta kuaꞌa ni na kuaꞌan nuu ra ―káchi nda xiꞌin ra Juan.

San Juan 4:31

Ta nda ítaꞌan xiꞌin ra, ndinuni loꞌo káꞌan nda xiꞌin ra, káchi nda saa: ―Rabí, kuxi loꞌo un ―káchi nda xiꞌin ra.

San Juan 6:25

Saa tá ndi̱xaa na inka ñaꞌñu yuꞌu nduta ñûꞌu, ta ndi̱ndakan tuꞌun na Jesús, káchi na saa: ―Tata Rabí, ¿maa xa̱a un yóꞌó? ―káchi na xiꞌin ra.

Los Hechos 10:21

Saa nu̱u ra Pedro ndi̱xaa ra nuu ndíta nda, ta ndi̱kaꞌan ra xiꞌin nda, káchi ra saa: ―Yeꞌe ku ra ndákan tuꞌun ndo xaꞌa. ¿Ndá chiñu kúni ndo yeꞌe? ―káchi ra xiꞌin nda.

Los Hechos 10:29

Xaꞌa ya ikán kua köo ndi̱xindatun i tá ku̱ndaa ini i ya kána un yeꞌe, ta ndikun ndi̱kiꞌin i vaxi i. ¿Ta vitin kúni i kundaa ini i ndá xaꞌa kua kána un yeꞌe vaxi i? ―káchi ra Pedro xiꞌin ra Cornelio.