San Juan 1:34 - Xochapa Mixteco

³⁴ Ta yeꞌe xa xi̱ni va i ra, ndíkuiin i káꞌan i xaꞌa ra xiꞌin ndo, ra yóꞌó ku Seꞌe Ndioxi ―káchi ra Juan.

San Juan 1:34 Mawu Ofanana

San Mateo 11:27

Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

San Mateo 27:40

káchi na saa: ―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.

San Mateo 27:43

Káꞌan ra kándixa ra Ndioxi, ta ná sikaku ñaꞌa ra vitin, tá tu ndixa ya ndaa kua kúu ra Seꞌe Ndioxi ―káchi nda kúsiki ndaa ñaꞌa nda.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Mateo 3:17

Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

San Mateo 4:6

Saa ndi̱kaꞌan ri xiꞌin ra, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa keta un yóꞌó iin saa ndikava un nda ni̱nu̱, saa káꞌan tuꞌun Ndioxi: Ndioxi ta tiꞌvi ra na tatun ra ya kundaa na yóꞌo̱, kunuu un nuu ndaꞌa na, ya ná ndïkava un nuu yu̱ú ya ta tikueꞌe un, káchi tuꞌun ra ―káchi kiti nǎꞌa xiꞌin Jesús.

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Marcos 1:1

Soꞌva kua ku̱u tá ndi̱tuvi tuꞌun vaꞌa xaꞌa Tata yo Jesucristo, ra kúu Seꞌe Ndioxi ra ti̱ꞌvi Ndioxi vaxi sikaku na ñuu ivi.

San Marcos 1:11

Saa ke̱ta tachi Ndioxi nuu ndivi ndi̱kaꞌan ya xiꞌin ra, káchi ya saa: ―Yóꞌo̱ ku Seꞌe mani i, ta íyo vaꞌa ni ini i xíni i yóꞌo̱ ―káchi Ndioxi xiꞌin ra.

San Lucas 1:35

Saa ndi̱kuiin tatun Ndioxi, káchi ya saa: ―Käka ini un chi mií Tachi I̱í Ndioxi ku ya kixi sata un, tá káa vikó saa koo ndee Ndioxi ra Chee ni kixi ya ndikasi ya yóꞌo̱, ñaa kee mií seꞌe un. Yakan kua koo ra, ra i̱í, saa kunani ra Seꞌe Ndioxi.

San Lucas 3:22

Saa nu̱u Tachi I̱í Ndioxi, tá káa kiti sata, saa káa ya nu̱u xíka nuu ya xiní ra. Ta saa xi̱ni soꞌo na ndóo ikán ndi̱kaꞌan Ndioxi xiꞌin Jesús, káchi ra saa: ―Yóꞌo̱ ku seꞌe mani i, ta íyo vaꞌa ni ini i xíni i yóꞌo̱ ―káchi ra.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 11:27

Saa ndi̱kuiin yá káꞌan yá: ―Kándixa i Tata, kándixa i yóꞌo̱ ku ra ku Cristo, ra kúu Seꞌe Ndioxi, ra xa íyo tuꞌun xaꞌa, ra ti̱ꞌvi Ndioxi vaxi ñuu ivi ku un ―káchi yá Marta xiꞌin ra.

San Juan 19:7

Saa ndi̱kuiin na judío káchi na saa: ―Ndeꞌe ta kúu mií nde ley nuu káꞌan ya kuvi ra, saa chi káꞌan ra xaꞌa ra ya kúu ra Seꞌe Ndioxi káchi ra ―káchi na xiꞌin ra Pilato.

San Juan 20:28

Saa ndi̱kuiin ra Tomás, káchi ra saa: ―¡Tata, yóꞌo̱ ku Tata i tin Ndioxi mií i! ―káchi ra xiꞌin Jesús.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 6:69

Ta ndeꞌe kándixa nde yóꞌo̱, saa xíni nde yóꞌo̱ ku Cristo, Seꞌe Ndioxi ra táku ―káchi ra Pedro xiꞌin Jesús.

ROMANOS 1:4

Ta si̱taku Ndioxi ra tixin ndee Tachi I̱í ra, ndi̱taku ra tañu na ndíi, saa ndi̱kiꞌin ndiꞌi ra ichí ya kaꞌnda chiñu ra xaꞌa ya kúu ra Seꞌe Ndioxi.

2 Corintios 1:19

Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.

HEBREOS 7:3

Ta tuꞌun Ndioxi köo káꞌan ya xaꞌa iva ra Melquisedec, ni xaꞌa siꞌí ra, ni xaꞌa na veꞌe ra köo káꞌan ya, ni kivi ka̱ku ra, ni kivi ndi̱xiꞌi ra köo xíni yo xaꞌa. Ta xaꞌa ya yóꞌó kua kúndaa ini yo ya kúu ra sutu tá kuꞌva íyo Seꞌe Ndioxi, chi Seꞌe Ndioxi ta ndiꞌi saa ichí, ndiꞌi saa kivi kúu ra sutu.

1 Juan 2:23

Ta ndiꞌi na ndíkuaa Jesús, ra kúu Seꞌe Ndioxi, ta kúni kachi ya ndíkuaa tu na Ndioxi va. Ta ndiꞌi na ndíkuni Jesús ya kúu ra Seꞌe Ndioxi ta ndíkuni tu na Iva yo Ndioxi va.

1 Juan 3:8

Na köo xíin sindoo ya väꞌa, na ikan ku seꞌe kiti nǎꞌa, chi kiti nǎꞌa nda kivi xaꞌa vi i̱kan ri ya väꞌa yakan kua ki̱xi Seꞌe Ndioxi si̱ndiꞌi xaꞌa ra ya íkan ri.

1 Juan 4:9

Ta soꞌva kua si̱naꞌa Ndioxi yoo ya kúꞌvi ni ini ra xíni ra yoo, saa chi ti̱ꞌvi ra Seꞌe mani ra, ra iindaa mituꞌun nuu ra, ki̱xi ra taxi ra kutaku yo tixin ra.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.

El Apocalipsis 2:18

Saa ndi̱kaꞌan tuku ra xiꞌin i, káchi ra saa: ―Taa un tuꞌun yóꞌó nuu tutu ya kuꞌun ndaꞌa tatun, ya ndáa naꞌa, na kándixa yeꞌe, na ndóo ñuu Tiatira, na xáa kaꞌnu Ndioxi. Yeꞌe ku taa ra káꞌan xiꞌin ndo, yeꞌe ku Seꞌe Ndioxi, ta yéꞌe̱ ni nduchi nuu i nda tá kuva yéꞌe̱ ñu̱ꞌu̱ ya xíxi, saa yéꞌe̱ ya. Ta xaꞌa i yéꞌe̱ ya tá kuꞌva yéꞌe̱ kàà ya yáꞌa tá sikan ndíyakun na ya, ndúyeꞌe ni ya, saa yéꞌe̱ xaꞌa i. Ta káꞌan i xiꞌin ndo tuꞌun yóꞌó: