HEBREOS 9:9 - Xochapa Mixteco

⁹ Ta ndiꞌi ya yóꞌó tá káa ya sínaꞌa yoo káa ya xaꞌa ñaꞌa ya ndi̱soko naꞌa nuu Ndioxi xiꞌin ya xa̱ꞌni na kiti nuu ra ta̱xi na ndaꞌa ra, ta köo ndi̱kuchiñu ya ikán ndasa vaꞌa ya nima na, ya koo vaꞌa ya xínituni na xaa kaꞌnu na Ndioxi.

HEBREOS 9:9 Mawu Ofanana

ROMANOS 5:14

Sundi saa ni ndiꞌi naꞌa na xi̱taku ñuu ivi yóꞌó tiempo ikán, iin saa nda tiempo ndi̱xiyo ra Moisés, ta iin ndi̱xiꞌi ndiꞌi na ikán xaꞌa ya väꞌa i̱kan na. Vani süvi taꞌan kuachi ya i̱kan ra Adán ku kuachi na, ta saa ni i̱kan na ya väꞌa. Xaꞌa ya ikán kua xi̱niñuꞌu ni kixi inka taa, ra káa tá káa ra Adán. Ta ra ikán ku Jesucristo ra ki̱xi ñuu ivi yóꞌó.

Gálatas 3:21

Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.

HEBREOS 10:11

Nda sutu nuu na judío ta vitin taan xáa kaꞌnu nda Ndioxi xáa chiñu nda nuu ra sóko nda kiti táxi nda ndaꞌa ra, vani saa íkan nda ndiꞌi saa kivi, ta köo ndi̱kuchiñu nií kiti ikán sikutaꞌa rá kuachi naꞌa nuu Ndioxi, ya sindiꞌi xaꞌa rá kuachi na.

HEBREOS 11:19

Ta ra Abraham, ta xi̱ndaa ni ini ra xi̱ni ra Ndioxi ya kúu mií ra ndee ya sitaku ra na ndíi. Xaꞌa ya ikán kua ndi̱xiyo ndúvi ra ya soko ra seꞌe ra nuu Ndioxi, köo ndi̱xaꞌni ka ra seꞌe ra. Ta xaꞌa ya i̱kan ra saa tá íyo ra xa ndi̱xiꞌi ta ndi̱taku ra, saa ndi̱xiyo seꞌe ra, ra Isaac.

HEBREOS 5:1

Ta vaꞌa ná ndikani i nuu ndo ya kuchiñu kundaa ini ndo xaꞌa sutu ra chee. Chi mií Ndioxi ku ra ndíkaxin iin iin taa ya ndúu nda sutu chee nuu ra. Ta ra sutu ikán ku ra sóko ñaꞌa na ñuu nuu Ndioxi, saa xáꞌni ra kiti sana na nuu Ndioxi xaꞌa kuachi na.

HEBREOS 7:11

Ta ley Ndioxi ya ta̱xi ra ndaꞌa ra Moisés kua káꞌan ndá kuꞌva xaa chiñu nda sutu nda ndi̱xiyo seꞌe sikua ra Leví. Sundi köo ndi̱kuchiñu nda sutu ikán ndasa vaꞌa nda naꞌa nuu Ndioxi. Xaꞌa ya ikán kua xi̱niñuꞌu ni ki̱xi inka sutu, ta süvi ka taꞌan nda sutu seꞌe sikua ra Leví án ra Aarón ku ra xíniñuꞌu ni ki̱xi, ra xíniñuꞌu ni kixi ku taꞌan sutu ra Melquisedec.

HEBREOS 8:4

Chi tá tu ñuu ivi yóꞌó ka xáa chiñu Tata yo Jesucristo kúu ra sutu, ta süvi sutu kuu ra, ndíkuu. Saa chi xa íyo kuaꞌa ni sutu na sóko ñaꞌa táxi na ñuu ndaꞌa Ndioxi tá kuꞌva káꞌan ley ra, ya ta̱a ra Moisés.

HEBREOS 9:24

Saa chi veꞌe ñuꞌu nuu ndee ni I̱í ndi̱kiꞌvi Jesucristo, ta süvi na ñuu ivi yóꞌó ku na ndi̱sikuaꞌa ya. Chi ya si̱kuaꞌa na ivi yóꞌó, ta tá káa copia mií veꞌe ñuꞌu ya ndee ni vaꞌa íyo mií nuu ndivi saa káa ya si̱kuaꞌa na. Ta ikán ku nuu ndi̱kiꞌvi Jesucristo ini veꞌe ñuꞌu ya ndee ni vaꞌa ikán, káꞌan ndaꞌvi ra xaꞌa yo xiꞌin Ndioxi, ya ná xaa kaꞌnu ini ra xaꞌa yo.

1 Pedro 3:21

Taꞌan tikuií ikán ku tikuií rá síkuchi naꞌa ndóꞌo̱ vitin, rá síkaku ndóꞌo̱. Ta tikuií ikán ta köo ndíkata rá ya väꞌa íyo ikin kuñu yo, sundi ndása vaꞌa rá ya xínituni yo, saa síkaku rá yoo xaꞌa ya ndi̱taku Tata yo Jesucristo tañu na ndíi.