HEBREOS 9:1 - Xochapa Mixteco

¹ Tá kivi ki̱ndoo Ndioxi xiꞌin na Israel ya núnu̱ú, ta ta̱xi ra ichí ndaꞌa na nuu xa̱ꞌnda chiñu ra nuu na ndá kuꞌva xaa kaꞌnu na ra ini veꞌe ñuꞌu manta ñuu ivi yóꞌó.

HEBREOS 9:1 Mawu Ofanana

San Lucas 1:6

Ta vaꞌa ni ndi̱xiyo ra Zacarías xiꞌin yá síꞌi ra ka̱ñuꞌu ni na Ndioxi, tá íyo ya ndi̱kaꞌan ra, saa íyo ya i̱kan na. Xaꞌa ya ikán kua köo ndi̱niꞌi ndá ka naꞌa taxi na kuachi xaꞌa ra Zacarías xiꞌin yá síꞌi ra.

ROMANOS 9:4

Yakan kúsuchi ni ini i xíni i na, chi seꞌe sikua ra Israel kuu na, ta Ndioxi ndi̱kaxin ra na yóꞌó ya kuu na seꞌe ra. Ta xa si̱naꞌa ra ya vaꞌa luvi ni yéꞌe̱ kúu mií ra nuu na. Ki̱ndoo ra ikan ni ra ya vaꞌa xiꞌin na, ta saa tu na seꞌe ñani sikua va ra. Ta ndaꞌa na ñuu i yóꞌó kua ta̱xi Ndioxi ley ra ya kundaa ini na ndá kuꞌva kutaku na nuu ra tin ndá kuꞌva kañuꞌu na ra ini veꞌe ñuꞌu, ta ndi̱kaꞌan Ndioxi xiꞌin na taxi ra ya ki̱ndoo ra xiꞌin na ndaꞌa na.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

HEBREOS 8:13

Tá tu káꞌan Ndioxi xaꞌa trato ya xa̱á ki̱ndoo ra xiꞌin yo vitin, ta kúni kachi ya, ya yata ta ya xa kuaꞌan ndíꞌi xaꞌa kua, yakan siloꞌo ni ta ndiꞌi vaꞌa va xaꞌa ya.

HEBREOS 8:2

Saa xáa chiñu ra ini veꞌe ñuꞌu nuu i̱í ni, nuu ndee ni ndixa íyo ya toꞌo xáa kaꞌnu na Ndioxi xiꞌin nina ya ndaa. Ta mií Ndioxi ku ra si̱kuaꞌa veꞌe ñuꞌu ikán, süvi na ivi yóꞌó ku na ndi̱sikuaꞌa ya.

HEBREOS 8:7

Tá tu ndíkuchiñu naꞌa xaa súvi na trato ya ki̱ndoo Ndioxi xiꞌin na tá núnu̱ú, ndikuu, ta kïndoo tuku ra inka trato xiꞌin na. Sundi xaꞌa ya köo ndi̱kuchiñu na xaa súvi na ya ikán, yakan xi̱niñuꞌu tuku ra ki̱ndoo ra inka trato ya uvi xiꞌin na.

HEBREOS 9:24

Saa chi veꞌe ñuꞌu nuu ndee ni I̱í ndi̱kiꞌvi Jesucristo, ta süvi na ñuu ivi yóꞌó ku na ndi̱sikuaꞌa ya. Chi ya si̱kuaꞌa na ivi yóꞌó, ta tá káa copia mií veꞌe ñuꞌu ya ndee ni vaꞌa íyo mií nuu ndivi saa káa ya si̱kuaꞌa na. Ta ikán ku nuu ndi̱kiꞌvi Jesucristo ini veꞌe ñuꞌu ya ndee ni vaꞌa ikán, káꞌan ndaꞌvi ra xaꞌa yo xiꞌin Ndioxi, ya ná xaa kaꞌnu ini ra xaꞌa yo.