HEBREOS 8:8 - Xochapa Mixteco

⁸ Xaꞌa ya köo ndikuchiñu na xaa súvi na trato ya ki̱ndoo ra xiꞌin na tá núnu̱ú, yakan kua ndi̱kaꞌan ra xiꞌin na, káchi ra saa: Vaxi iin kivi ta kindoo i inka trato xa̱á xiꞌin na ñuu Israel tin na Judá.

HEBREOS 8:8 Mawu Ofanana

San Mateo 26:28

Chi nduta yóꞌó ku nií i rá kuita xaꞌa na ñuu ivi. Ta xiꞌin rá kuita yóꞌó ku rá kindoo Ndioxi iin trato xa̱á xiꞌin kuaꞌa ni naꞌa, nuu xáa kaꞌnu ini ra xaꞌa kuachi na.

San Marcos 14:24

Saa ndi̱kaꞌan ra xiꞌin nda, káchi ra saa: ―Nduta yóꞌó ku nií i, xaꞌa ya vaꞌa kuaꞌa ni naꞌa kua kuita rá. Ya yóꞌó kúni kachi ya, Ndioxi, ta ki̱ndoo ra iin trato ya xa̱á nuu ki̱ndoo vaꞌa na ñuu ivi xiꞌin ra.

San Lucas 17:22

Ta saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Vaxi kivi ta ku̱ni̱ ni ndo ndiko koo yeꞌe, Taa ra xa̱a ñuu ivi yóꞌó, sundi küni ka ndo yeꞌe.

San Lucas 22:20

Tá si̱ndiꞌi nda xi̱xi nda, saa ti̱in ra copa vinu ikán ta ndi̱kaꞌan ra xiꞌin nda, káchi ra saa: ―Nduta vinu yóꞌó ku iin trato ya xa̱á ki̱ndoo Ndioxi xiꞌin ndo vitin chi rá yóꞌó ku nií i rá kuita xaꞌa ndiꞌi ndo.

San Lucas 5:38

Yakan kua táan na rá xa̱á ini ñií xa̱á, ta ni rá xa̱á ta küita ra ni ñií nuu ñúꞌu ra ta täꞌnda ya.

1 Corintios 11:25

Saa tá ndi̱ꞌi xi̱xi xíní na, ñaa ti̱in Jesús copa nuu ñúꞌu nduta vino, saa ndi̱kaꞌan ra, káchi ra saa: “Nduta vino yóꞌó ku nií i, nduta kuita xaꞌa ndo, ta xiꞌin rá yóꞌó kua kíndoo Ndioxi ya xa̱á xiꞌin ndo. Ta ndiꞌi saa ichí tá xíꞌi ndo nduta yóꞌó kua ndíkaꞌán ndo yeꞌe”, ka̱chi Jesús xiꞌin nda xi̱taꞌan xiꞌin ra.

2 Corintios 3:6

Iindaa mií Ndioxi ku ra ta̱xi ndee ndaꞌa nde ya kuchiñu nde xaa súvi nde tuꞌun ya xa̱á ki̱ndoo ra ikan ra xiꞌin na ñuu ra. Ta tuꞌun ya xa̱á ki̱ndoo ra xiꞌin yo, ta köo ndi̱kaꞌi ya nuu yu̱ú tá kuꞌva ndi̱xiyo ley Ndioxi ya ta̱xi ra ndaꞌa ra Moisés xinaꞌa, chi ley ikán ta ta̱xi ya kuachi xaꞌa naꞌa ndi̱xiꞌi na, sundi Tachi I̱í Ndioxi ta ya táxi kutaku yo ku ya.

HEBREOS 12:24

Ta ndóꞌo̱, ku̱yati ndo nuu Jesús, ra ndíchi nuu Ndioxi nuu ki̱ndoo ra ya xa̱á xaꞌa ndo xáku ndaꞌvi ra xaꞌa ndo nuu Ndioxi. Saa chi ra ikán ku ra ki̱ndoo iin trato ya xa̱á xiꞌin ndo, ta xiꞌin nií ra ku rá nda̱sa i̱í Ndioxi ndóꞌo̱, saa chi ndee ni ka nií Jesús nuu nií ra Abel, ra ndi̱xiꞌi xinaꞌa.

HEBREOS 7:22

Ta ya ndi̱kaꞌan Ndioxi saa kua kúndaa ini yo ya si̱xinu ra ya ki̱ndoo ra xiꞌin yo, chi Jesús ku ra íyo ndíkuiin xaꞌa yo nuu Ndioxi.

HEBREOS 8:13

Tá tu káꞌan Ndioxi xaꞌa trato ya xa̱á ki̱ndoo ra xiꞌin yo vitin, ta kúni kachi ya, ya yata ta ya xa kuaꞌan ndíꞌi xaꞌa kua, yakan siloꞌo ni ta ndiꞌi vaꞌa va xaꞌa ya.

HEBREOS 8:6

Ta ndee ni ka chiñu ya ta̱xi Ndioxi ndaꞌa Tata yo Jesucristo nuu chiñu ya ku̱u mií nda sutu naꞌnu ni ñuu ivi yóꞌó. Ta vaꞌa ni ka ya ta̱xi ra ndaꞌa Tata yo Jesucristo chi si̱kitaꞌan mani ra yoo ndi̱kitaꞌan vií yo xiꞌin Ndioxi, yakan vaꞌa ni ka ke̱e yo xiꞌin ya yóꞌó nuu ya yata, ya ki̱ndoo Ndioxi xiꞌin ra Moisés xi̱naꞌa.

HEBREOS 9:15

Xaꞌa ya yóꞌó kua ndi̱xiꞌi Jesucristo xaꞌa yo, ta si̱kitaꞌan mani ra yoo ivi yóꞌó xiꞌin Ndioxi, nuu ki̱ndoo ra iin trato ya vaꞌa ni, ya xa̱á xiꞌin yo, ta ikán ku nuu ndo̱o kuachi yo ya i̱kan yo tixin trato ya yata ki̱ndoo Ndioxi xiꞌin yo tá núnu̱ú. Ta vitin kuchiñu niꞌi ndiꞌi yo ya vaꞌa ki̱ndoo Ndioxi taxi ra ndaꞌa yo ka̱na ra kundikun ñaꞌa.