HEBREOS 8:2 - Xochapa Mixteco

² Saa xáa chiñu ra ini veꞌe ñuꞌu nuu i̱í ni, nuu ndee ni ndixa íyo ya toꞌo xáa kaꞌnu na Ndioxi xiꞌin nina ya ndaa. Ta mií Ndioxi ku ra si̱kuaꞌa veꞌe ñuꞌu ikán, süvi na ivi yóꞌó ku na ndi̱sikuaꞌa ya.

HEBREOS 8:2 Mawu Ofanana

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

ROMANOS 15:8

Na taꞌan yo, ndítuꞌun i xiꞌin ndo xaꞌa Jesucristo, ya ki̱xi ra ñuu ivi yóꞌó xa̱a chiñu ra nuu na judío, saa xi̱ni na ya si̱xinu Ndioxi ya ki̱ndoo ra xiꞌin xii sikua na xinaꞌa, saa chi Ndioxi ta ya ndaa kua xáa súvi ra ya káꞌan ra.

2 Corintios 5:1

Ta xa kúndaa vaꞌa ini yo chi ikin kuñu yo ya kúu mií yo ñuu ivi yóꞌó, ta tá íyo veꞌe manta ya ndíꞌi xaꞌa va saa íyo ya. Sundi tá ná ndiꞌi xaꞌa ya yóꞌó, ta xa íyo inka veꞌe ikin kuñu yo ya xa̱á si̱kuaꞌa Ndioxi nuu ndivi. Ta ya ikán ta köo ndíꞌi xaꞌa ya, ndiꞌi saa ichí koo ya chi süvi na ñuu ivi yóꞌó ku na ndi̱sikuaꞌa ya.

Colosenses 2:11

Ta xaꞌa ya xa ndu̱u ndo iin xiꞌin Tata yo Jesucristo kua kúu mií ndo tuni Ndioxi, ta süvi xiꞌin ndaꞌa na ivi yóꞌó kua ndíkunuu tuni Ndioxi ndóꞌo̱, chi mií Ndioxi ku ra chi̱nuu ya ndóꞌo̱. Xaꞌa ya si̱kaku Tata yo Jesucristo ndóꞌo̱ kua ndi̱saña ndo nuu ndee ya väꞌa ku̱u mií ndo ikin kuñu ndo.

HEBREOS 10:11

Nda sutu nuu na judío ta vitin taan xáa kaꞌnu nda Ndioxi xáa chiñu nda nuu ra sóko nda kiti táxi nda ndaꞌa ra, vani saa íkan nda ndiꞌi saa kivi, ta köo ndi̱kuchiñu nií kiti ikán sikutaꞌa rá kuachi naꞌa nuu Ndioxi, ya sindiꞌi xaꞌa rá kuachi na.

HEBREOS 10:21

chi Jesús ku ra ku sutu ra chee ni nuu yo, ta ndíso chiñu ra xiꞌin veꞌe ñuꞌu Ndioxi.

HEBREOS 11:10

Soꞌva i̱kan ra Abraham xaꞌa ya xi̱ndatun ra, koo ra iin ñuu ya ndee ni tuun ndi̱kuaꞌa kútu ta köo ndíꞌi xaꞌa ya, iin ñuu ya vaꞌa ni, ya taxi Ndioxi ndaꞌa ra. Saa chi ñuu ikán ta mií Ndioxi ku ra ta̱va xaꞌa ya, ta ndi̱kani ini ra ndá kuꞌva koo ya.

HEBREOS 9:1

Tá kivi ki̱ndoo Ndioxi xiꞌin na Israel ya núnu̱ú, ta ta̱xi ra ichí ndaꞌa na nuu xa̱ꞌnda chiñu ra nuu na ndá kuꞌva xaa kaꞌnu na ra ini veꞌe ñuꞌu manta ñuu ivi yóꞌó.

El Apocalipsis 21:3

Saa xi̱ni soꞌo i tuꞌun ya ke̱e nuu íin tai toꞌo itun i̱í, ta ndee ka vi ndi̱kaꞌan tachi na, káchi ya saa: ―Na ñuu yóꞌó ku na ku ñuu Ndioxi, saa koo ra xiꞌin na, ta na ñuu ra kuu na. Saa koo ra xiꞌin na, nda iin kivi sindikoo ra na.