HEBREOS 7:8 - Xochapa Mixteco

⁸ Ta vaꞌa ná koto yo, ndiꞌi nda sutu nda kúu seꞌe sikua ra Leví, ta nda ivi taꞌan mií yo ku ndiꞌi nda, chi ndiꞌi nda ikán ta xíꞌi nda tá kuꞌva xíꞌi yoo, ni kuꞌva saa ndi̱xiyo nda ta ndi̱kuiso nda iin iin ñaꞌa tixin ya uxi ya kíꞌin na ñuu nda xáa chiñu na. Sundi ra Melquisedec, ta káꞌan tuꞌun Ndioxi xaꞌa ra ya táku ra íyo ra nda vitin.

HEBREOS 7:8 Mawu Ofanana

San Juan 14:19

Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

HEBREOS 3:16

¿Ta unku na xi̱ni soꞌo ya ndi̱kaꞌan Ndioxi xiꞌin na, ta saa ni köo ndi̱xiin na xaa súvi na ya ndi̱kaꞌan ra xiꞌin na? Suvi ni mií xii sikua yo ku na i̱kan saa, na ta̱va ra Moisés ñuu Egipto xinaꞌa ku na.

HEBREOS 5:6

Ta inka tuku ñaꞌñu nuu tuꞌun Ndioxi, káchi ra saa: Yóꞌo̱ ku sutu, ta ndiꞌi saa ichí koo un sutu, nda iin ichí ndïꞌi xaꞌa chiñu un. Tá kuꞌva ndi̱xiyo ra sutu Melquisedec saa koo un, káchi Ndioxi xiꞌin ra.

HEBREOS 6:20

Chi Jesús ta xa ndi̱kiꞌvi ra, yakan vaꞌa ku̱chiñu ra xu̱na ra ichí nuu yo ya kuchiñu yo kiꞌvi yo koo yo xiꞌin Ndioxi. Ta nda iin ichí ndïꞌi xaꞌa chiñu kúu mií ra, ndiꞌi saa ichí kuu mií ra sutu, ra chee ni nuu yo, tá kuꞌva ndi̱xiyo sutu ra Melquisedec, saa íyo ra.

HEBREOS 7:23

Saa chi nda sutu nda ndi̱xiyo seꞌe sikua ra Leví, ta kuaꞌa ni va ndi̱xiyo nda ikán, saa chi tá xíꞌi̱ iin nda ta kuakiꞌvi inka nda nuu taꞌan nda.

HEBREOS 7:7

Xíni yo, iin ra chíkaa ya vaꞌa iin naꞌa ta ra chee ni ka ku ra ikán nuu na ndíkiꞌin ya vaꞌa. Ta saa i̱kan ra Melquisedec xiꞌin ra Abraham.

HEBREOS 7:9

Xaꞌa ya yóꞌó kua vaꞌa kúndaa ini yo ya ta̱xi ra Leví iin iin ñaꞌa tixin ya uxi ndaꞌa ra Melquisedec, tá kivi ta̱xi ra xií sikua ra, ra Abraham iin iin ñaꞌa tixin ya uxi ndaꞌa ra, vani nda seꞌe sikua ra Leví va ku nda ndíkuiso iin iin ñaꞌa tixin ya uxi ndaꞌa na ñuu. Ta saa ni ta̱xi tu nda ikán va ya ndaꞌa mií ra Melquisedec.

HEBREOS 9:27

Tá ndo̱ꞌo Tata yo Jesucristo ndi̱xiꞌi ra iindaa ichí, ta saa kundoꞌo ndiꞌi yo, iindaa ichí va kuvi yo, ta sindiꞌi saa xaa nani Ndioxi kuachi yo.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.