HEBREOS 7:3 - Xochapa Mixteco

³ Ta tuꞌun Ndioxi köo káꞌan ya xaꞌa iva ra Melquisedec, ni xaꞌa siꞌí ra, ni xaꞌa na veꞌe ra köo káꞌan ya, ni kivi ka̱ku ra, ni kivi ndi̱xiꞌi ra köo xíni yo xaꞌa. Ta xaꞌa ya yóꞌó kua kúndaa ini yo ya kúu ra sutu tá kuꞌva íyo Seꞌe Ndioxi, chi Seꞌe Ndioxi ta ndiꞌi saa ichí, ndiꞌi saa kivi kúu ra sutu.

HEBREOS 7:3 Mawu Ofanana

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

HEBREOS 4:14

Jesús, ra kúu Seꞌe Ndioxi ku iin sutu ra ndee ni chee, ra ndee ni kaꞌnu nuu yo. Ta ra ikán ku ra nda̱a nuu ndivi, yakan tuun ni ná kandixa yo ra, ta ná xïkuiin yo ya ndáa ini yo ra.

HEBREOS 7:1

Ra Melquisedec ta ndi̱xiyo ra rey nuu na ñuu Salem, saa ku̱u tu ra sutu nuu Iva yo Ndioxi ra kaꞌnu ni. Kivi ndi̱ko koo ra Abraham tá ndi̱xaꞌan ra nuu kuachi ka̱ni taꞌan ra xiꞌin inka nda rey, ta ku̱chiñu ra nuu nda rey ikán, saa ke̱ta ra Melquisedec ndi̱kiꞌin ñaꞌa ra, saa chi̱kaa ra ya vaꞌa ra Abraham.

HEBREOS 7:17

Saa chi mií Ndioxi ta ndi̱kaꞌan ra xiꞌin ra, káchi ra saa: “Yóꞌo̱ ku sutu, ta nda iin ichí ndïꞌi xaꞌa chiñu un, tá kuꞌva ndi̱xiyo ra sutu Melquisedec, saa koo un”, káchi Ndioxi xiꞌin ra.

HEBREOS 7:2

Saa ta̱va ra Abraham iin iin ñaꞌa tañu ya uxi ki̱ndaa ra ndaꞌa nda rey ikán, ta ta̱xi ra ya ndaꞌa ra Melquisedec. Ta kivi ra Melquisedec kúni kachi ya: “rey ra ndaa ni ini”, ta kivi rey ra ke̱e ñuu Salem kúni kachi ya: “rey ra táxi ndóo vaꞌa ni naꞌa”.

HEBREOS 7:6

Sundi ra Melquisedec, vani süvi sutu ra kúu seꞌe sikua ra Leví ku ra, ta ndi̱kuiso ra iin iin ñaꞌa tixin ya uxi ki̱ndaa ra Abraham ndaꞌa nda nuu ndi̱xaꞌan ra kuachi, saa chi̱kaa ra Melquisedec ya vaꞌa ra Abraham, ra ki̱ndoo Ndioxi xiꞌin taxi ra ñaꞌa ndaꞌa ra.