HEBREOS 7:16 - Xochapa Mixteco

¹⁶ Ta ra ikán ku Tata yo Jesucristo, ta köo ndi̱nduu ra sutu tá kuꞌva káꞌan ley xaꞌa nda sutu, sundi ndu̱u ra sutu xaꞌa ya ndee ni ndee kúu mií ra ya kutaku ra ndiꞌi saa kivi, chi nda iin ichí ndïꞌi xaꞌa ra.

HEBREOS 7:16 Mawu Ofanana

ROMANOS 7:14

Ta xa kúndaa ini yo ley Ndioxi ta mií ra chi̱nduꞌu ya, ya ke̱e ndivi ku ya. Ta yeꞌe ta ra ñuu ivi yóꞌó va ku i, tá káa iin ra núꞌni káa i ndíkaa i ndaꞌa kuachi i chi xáꞌnda chiñu ya nuu i.

Gálatas 4:3

Ta kuꞌva saa ndo̱ꞌo yoo kándixa Jesucristo, tá ndo̱ꞌo ra loꞌo ikán saa ndi̱xiyo yo yachi tá ndi̱xiyo vali yo, chi köo ndi̱kuvi ikan yo ya vaꞌa, ta nina taꞌan ñaꞌa ya ndínaꞌa na ñuu ivi yóꞌó va kua xa̱ꞌnda chiñu nuu yo, ta ya ikán kua xa̱a súvi yo.

Gálatas 4:9

Ta vitin xa xíni ndo Ndioxi ra ndaa. Án xa xíni vaꞌa mií ra ndóꞌo̱, ná kachi yo. Ta saa, ta ¿ndachu kúni ndo ndiko koo tuku ndo ndinaꞌa ndo taꞌan ya ndi̱naꞌa ndo yachi, ya ndínaꞌa na ñuu ivi yóꞌó, ta ni köo ndáa yaꞌvi ya íkan na? ¿Án kúni tuku ndo nduu ndo tá íin naꞌa, na xáa chiñu xiꞌin ya nduxa?

Colosenses 2:14

Ta si̱ndiꞌi xaꞌa ra tutu nuu íyo ya káꞌan xaꞌa yo ya xíniñuꞌu yo kuvi yo xaꞌa kuachi yo chi köo ndi̱xaa súvi yo ley ra. Ñaa chi̱nuu ra tutu ikán nuu cruzin ta ka̱ni ra clavo sata ya nuu si̱ndiꞌi xaꞌa ndiꞌi ra ya.

Colosenses 2:20

Ta ndóꞌo̱, tá íin ndo ndi̱xiꞌi xiꞌin Tata yo Jesucristo saa íyo ndo, xaꞌa ya ñaa kua ndi̱saña ndo ndaꞌa tachi nduvaꞌa, ta köo xáꞌnda chiñu ka ya nuu ndo vitin. ¿Ta ndachu táxi tuku ndo ichí ya kaꞌnda chiñu ya nuu ndo?

HEBREOS 10:1

Saa chi ley Ndioxi ya ta̱a ra Moisés, ta tá káa copia ya xa̱na ni náꞌa ya sínaꞌa xaꞌa ndiꞌi ñaꞌa ya vaꞌa taxi Ndioxi ndaꞌa yo kivi vaxi, saa káa ya. Chi ley ikán ta xa̱ꞌnda chiñu ya nuu naꞌa ya soko na kiti sana na nuu Ndioxi tá nuu kuiya. Ta nda iin ichí köo ndi̱kuchiñu ya ndasa vaꞌa ya nima na ivi, ta ni küchiñu ya.

HEBREOS 7:15

Ta ya ndaa ndixa kua ndi̱sama Ndioxi nda sutu, saa chi ti̱ꞌvi ra inka nuu sutu taꞌan ra Melquisedec.

HEBREOS 7:17

Saa chi mií Ndioxi ta ndi̱kaꞌan ra xiꞌin ra, káchi ra saa: “Yóꞌo̱ ku sutu, ta nda iin ichí ndïꞌi xaꞌa chiñu un, tá kuꞌva ndi̱xiyo ra sutu Melquisedec, saa koo un”, káchi Ndioxi xiꞌin ra.

HEBREOS 7:21

Ta kivi ndi̱kaꞌan Ndioxi ya ta̱xi ra chiñu ndaꞌa Jesucristo ya kuu ra sutu, ta chi̱naꞌa ra xaꞌa mií ra nuu tuꞌun ra, káchi ra saa: “Yóꞌo̱, ta ndiꞌi saa ichí kúu mií un sutu, ta nda iin ichí ndïꞌi xaꞌa chiñu un ya kúu un sutu. Tá ndi̱xiyo ra sutu Melquisedec, saa koo un”, káchi Ndioxi xiꞌin Jesús.

HEBREOS 7:28

Ley Ndioxi, ya ta̱a ra Moisés, ta táxi ya ichí ndaꞌa nda sutu ivi kuachi taꞌan mií yo, ya kuu nda sutu nda chee ni. Tá sindiꞌi ta̱xi ra ley ikán ndaꞌa nda, saa chi̱naꞌa ra mií ra ya ki̱ndoo ra ndasa ra Seꞌe ra nduu ra sutu chee ni. Ta xaꞌa ya ndo̱ꞌo ni Seꞌe ra, yakan ndu̱u ra iin sutu ra vaꞌa ni, ta saa koo ra ndiꞌi saa tiempo ya vaxi.

HEBREOS 7:3

Ta tuꞌun Ndioxi köo káꞌan ya xaꞌa iva ra Melquisedec, ni xaꞌa siꞌí ra, ni xaꞌa na veꞌe ra köo káꞌan ya, ni kivi ka̱ku ra, ni kivi ndi̱xiꞌi ra köo xíni yo xaꞌa. Ta xaꞌa ya yóꞌó kua kúndaa ini yo ya kúu ra sutu tá kuꞌva íyo Seꞌe Ndioxi, chi Seꞌe Ndioxi ta ndiꞌi saa ichí, ndiꞌi saa kivi kúu ra sutu.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.