HEBREOS 6:2 - Xochapa Mixteco

² Ta saa si̱naꞌa tu na yo ya xíniñuꞌu yo kuchi yo, xiꞌin ya chinuu ndaꞌa yo xi̱ní naꞌa ya kaꞌan yo xaꞌa na xiꞌin Ndioxi, saa si̱naꞌa na yo xaꞌa ya ndítaku naꞌa, na xa ndi̱xiꞌi. Ta si̱naꞌa tu na yo xaꞌa kivi sindiꞌi ya taxi Ndioxi kuachi xaꞌa naꞌa, na köo ndi̱xiin kandixa ñaꞌa.

HEBREOS 6:2 Mawu Ofanana

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Mateo 3:14

Ta köo ndi̱xiin ra Juan sikuchi ra Jesús, saa ndi̱kaꞌan ra xiꞌin ra: ―Kúni un sikuchi i yóꞌo̱, ta yóꞌo̱ ka ku un xíniñuꞌu sikuchi yeꞌe, ndikuu ―káchi ra Juan xiꞌin Jesús.

San Marcos 16:16

Ndiꞌi na kándixa yeꞌe ta chíchi na, na ikán ku na kaku, sundi na köo xíin kandixa yeꞌe ta kuvi na niꞌi na tindoꞌo.

San Marcos 7:4

Ni tá ndíko koo na ndi̱xaꞌan na nuu yaꞌvi, ta köo xíxi yachi na, tá tu täꞌan ndoo ndaꞌa na. Ya yóꞌó kua íkan na xiꞌin kuaꞌa ni ka nuu ñaꞌa. Ndíkata na vaso ta ndíkata na kisi xiꞌin ndiꞌi ka ñaꞌa ya kàà xíniñuꞌu na, saa ndíkata na xito nuu xíndoo na kíxi na.

San Marcos 7:8

Ta saa ndixa íkan ndo, chi köo xáa ndúvi ndo ya káꞌan Ndioxi xiꞌin ndo, xáa ndúvi ka ndo ya sínaꞌa xii yo, tá kúu ya ndíkata ndo kisi xiꞌin vaso tin inka ka nuu ñaꞌa taꞌan ya yóꞌó ―káchi Jesús xiꞌin nda.

San Lucas 11:38

Ñaa xi̱ni ra fariseo ikán ya köo ndi̱kata Jesús ndaꞌa ra kuxi ra, tá kuꞌva íyo ya si̱ndoo xii na xinaꞌa. Ta saa ndi̱kanda ini ra xíto ra nuu Jesús.

San Lucas 12:50

Ndíkani ni ini i xaꞌa ya ndee ni kundoꞌo i, ta xaꞌa ya ikán kua nduu i tá káa ra chíchi nuu Ndioxi. Ta nda vitin ta ndíꞌi ni ini i ndátun i nda kivi ná xinu koo tiempo ya kuu saa.

San Lucas 14:14

Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.

San Lucas 3:16

Ta saa ndi̱kaꞌan ra xiꞌin na, káchi ra saa: ―Süvi yeꞌe ku i. Ya ndaa kua síkuchi i ndóꞌo̱ xiꞌin tikuii, sundi süvi yeꞌe ku i sikaku ndóꞌo̱. Vaxi iin ra, ta ra ikán ku ra chee ni nuu i, ta nda sata nduxa ra küvi kuyati i ndaxin i chi yáꞌa ni chee ra nuu i. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ xíxi.

San Juan 1:33

Ta yeꞌe täꞌan kundaa ini i unku ra, sundi ra ti̱ꞌvi yeꞌe vaxi i sikuchi i naꞌa xiꞌin tikuii, ku ra ndi̱kaꞌan xiꞌin i káchi ra saa: “Tá xi̱ni un vaxi nùù Tachi i íyo ya xiꞌin iin ra, ta ra ñaa ku ra síkuchi naꞌa xiꞌin Tachi I̱í i”, káchi Ndioxi xiꞌin i.

San Juan 5:29

Ta ndiꞌi na i̱kan ya vaꞌa ta nditaku na koo na xiꞌin Ndioxi ndiꞌi saa kivi, ta ndiꞌi na i̱kan ya väꞌa ta nditaku na kuꞌun na nuu ndoꞌo ni na ―káchi Jesús xiꞌin nda.

Los Hechos 10:47

Saa ndi̱kaꞌan ra Pedro, káchi ra saa: ―Tá kúu yoo ndi̱kiꞌin yo Tachi I̱í Ndioxi ta chi̱chi yo, ta saa tu na yóꞌó va, ndi̱kiꞌin na Tachi I̱í Ndioxi. Ta unku vi yoo ya kasi yo nuu na täxi yo kuchi na. Vaꞌa kuchi tu na yóꞌó va ―káchi ra.

Los Hechos 13:3

Tá ndi̱ꞌi ndi̱kaꞌan nda xiꞌin Ndioxi xaꞌa nda tin xi̱xi suꞌun nda, ta saa chi̱nuu ndaꞌa nda sata ra Bernabé xiꞌin ra Saulo. Saa ndi̱kaꞌan ndioxi nda xiꞌin nda.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

Los Hechos 16:33

Ta mí ñǔu ikán ndi̱kata ndiꞌi ra ñaꞌñu nda nuu ti̱kueꞌe. Saa si̱kuchi nda ra, saa tu na veꞌe va ra.

Los Hechos 17:18

Ta sava nda xíka ikán ku nda ndíchi ni chi si̱kuaꞌa nda xiꞌin na náni epicúreos, ta sava nda si̱kuaꞌa xiꞌin na náni estoicos xa̱á nda káꞌan nda xaꞌa ra, káchi nda saa: ―¿Unkua káꞌan ví ra? ra síndaꞌvi naꞌa va ku ra ―káchi nda. Ta inka na káꞌan: ―Ra xíka káꞌan ndoso xaꞌa inka ndioxi va ku ra ―káchi nda. Saa káchi nda chi xi̱ni soꞌo nda káꞌan ra tuꞌun vaꞌa xaꞌa Jesús ta káꞌan ra xiꞌin na ya ndi̱taku ra.

Los Hechos 2:38

Saa ndi̱kuiin ra Pedro káꞌan ra xiꞌin nda káchi ra saa: ―Ndiko koo ini ndo xaꞌa ndiꞌi kuachi ndo. Ta saa kuchi ndo tixin kivi Jesucristo ya ná xaa kaꞌnu ini Ndioxi xaꞌa kuachi ndo. Saa kua ndikiꞌin ndo Tachi Ií ra koo ya xiꞌin ndo.

Los Hechos 2:41

Ta kuaꞌa ka vi ku na chi̱chi mi kivi ikán. Iin kuꞌva uni mil ku na chi̱chi xaꞌa ya ka̱ndixa na tuꞌun ya ndi̱kaꞌan ra Pedro xiꞌin na. Nda kivi saa ndi̱kitaꞌan na chi̱chi ikán xiꞌin na kándixa Jesús.

Los Hechos 23:6

Saa ku̱ndaa ini ra xaꞌa sava nda ya kúu nda saduceo ta sava nda kúu fariseo. Ñaa nda̱niꞌi ra tachi ra ta ndee ni ndi̱kaꞌan ra, káchi ra saa: ―Nda taꞌan yo, yeꞌe ta yeꞌe fariseo ku i, saa tu tata va i ra fariseo ku ra. Xaꞌa ya ñaa kua táxi na kuachi xaꞌa i chi kándixa i ya ndítaku na ndíi ―káchi ra xiꞌin nda.

Los Hechos 24:15

Chi yeꞌe ta kándixa i ya sitaku Ndioxi na ndíi, nditaku na vaꞌa tin na väꞌa ikan ra. Ta saa tu mií va na, kándixa na taꞌan ya yóꞌó.

Los Hechos 24:21

Iin ya yóꞌó kua ndiyaꞌa loꞌo i chi nda̱niꞌi i tuꞌun i ndi̱kaꞌan i xiꞌin na chiñu ya kándixa i ndítaku na ndíi ta án xaꞌa ya yóꞌó kua táxi nda kuachi xaꞌa i ―káchi ra Pablo.

Los Hechos 24:25

Saa ndi̱xaꞌan ra Pablo ndi̱tuꞌun ra xiꞌin na, ndi̱kaꞌan ra ya xíniñuꞌu naꞌa ikan na ya ndaa, ta saa xíniñuꞌu na ndixita na mií na nuu ya väꞌa, chi vaxi kivi ta taxi Ndioxi kuachi xaꞌa ndiꞌi na íkan ya väꞌa, káchi ra. Saa ndi̱ndiꞌvi ni ra Felix ikán saa ndi̱kaꞌan ra xiꞌin ra Pablo káchi ra saa: Vaꞌa kuaꞌan, tá ná kunaꞌa i saa kana i yóꞌo̱ kixi un ndituꞌun ka un xiꞌin i ―káchi ra xiꞌin ra Pablo.

Los Hechos 26:8

Ta ndiꞌi ndóꞌo̱ ndi̱kitaꞌan ndóo yóꞌó ta ¿ndachu ndíkani ini ndo ndíchi ni saa sitaku Ndioxi na ndíi xa ndi̱xiꞌi, káꞌán ndo? ―káchi ra Pablo.

Los Hechos 4:2

Sáa ka vi nda xiꞌin ra Pedro tin ra Juan xaꞌa ya káꞌan nda xiꞌin naꞌa ya ndi̱taku Jesús. Ta xaꞌa ya ndo̱ꞌo ra saa kua si̱naꞌa ra mií ra nuu naꞌa ya nditaku na, chi saa ndo̱ꞌo Jesús, ndi̱taku ra, káchi nda xiꞌin na.

Los Hechos 6:6

Tá ndiꞌi ndi̱kaxin na nda ikán, ta ndi̱kundaka na nda ndi̱xaa nda xiꞌin na nuu nda apóstol. Saa chi̱nuu ndaꞌa nda sata uxa saa nda, ñaa ndi̱kaꞌan nda xiꞌin Ndioxi xaꞌa nda.

ROMANOS 2:16

Ndiꞌi ya yóꞌó kuu tá ná tindaa kivi taxi Ndioxi ichí ndaꞌa Jesucristo ya xaa nani ra kuachi ndiꞌi naꞌa. Nda kuachi ya íkan sěꞌe na xaa nani ra ya xiꞌin na. Ya ikan Ndioxi saa, iin ku ya xiꞌin tuꞌun ya káꞌan ndoso i xiꞌin ndiꞌi naꞌa.

1 Corintios 10:2

Tá ndo̱ꞌo na saa, ndi̱xika na tixin viko tin ndi̱yaꞌa na maꞌñu nduta ñûꞌu, nduta Kuáꞌa̱. Ta nda tá íin na chi̱chi saa ndi̱xiyo na, xaꞌa ya ikán kua vaꞌa ndi̱kitaꞌan na xiꞌin ra Moisés, ndi̱kundikun na ra.

1 Corintios 12:13

Saa chi tixin iin mií Tachi I̱í ra kua chi̱chi ndiꞌi yo yakan iin ndu̱u ndiꞌi yo xiꞌin ra. Án yo judío ku yo, án süvi yo judío ku yo, án yo sa̱ta na xáa chiñu xiꞌin ya nduxa ku yo, án yo íyo ndika ku yo, ta iin káchi ndi̱kuiso ra ndiꞌi yo. Ta tá íin nduta xíꞌi yo saa káa Tachi ra ya ndi̱niꞌi yo nuu ra, íyo ya xiꞌin yo.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

Colosenses 2:12

Chi tá kivi chi̱chi ndo xaꞌa ya kándixa ndo Jesucristo, ta kúni kachi ya, tá íin ndo ndi̱nduxin xiꞌin ra saa íin ndo, ta ndi̱taku ndo xiꞌin ra xaꞌa ya ndáa ni ini ndo xíni ndo Ndioxi ya si̱taku ra Tata yo Jesucristo tá ndi̱xiꞌi ra.

2 Timoteo 2:18

Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.

HEBREOS 11:35

Xaꞌa ya xi̱ndaa ni ini ná síꞌi xi̱ni ná Ndioxi yakan vaꞌa ndi̱taku na veꞌe ná, na xa ndi̱xiꞌi. Ta sava naꞌa ndee ni ndi̱xuꞌvi, vani saa ndo̱ꞌo na, ta xaꞌa ya xi̱ndaa ni ini na xi̱ni na Ndioxi, yakan vaꞌa ndi̱xaꞌa ndee ni ini na ndo̱ꞌo na saa, chi ku̱ni na ikán nditaku na koo na inka ivi nuu vaꞌa ni káa.

HEBREOS 9:10

Saa chi ndiꞌi ya táxi na ndaꞌa Ndioxi ta káꞌan ya xaꞌa ñaꞌa ya xíxi na xiꞌin nduta xíꞌi na, ta saa tu ndá kuꞌva ndikata na ikin kuñu na ya nduyaa na nuu Ndioxi. Ndiꞌi ya yóꞌó ta köo ndi̱kuchiñu ya ndisama ya nima na. Ta ya yóꞌó kua i̱kan na iin saa nda kivi tá ndisama Ndioxi ya yóꞌó, ta nda saa kua ndi̱niꞌi na inka ya vaꞌa ni ka nuu Ndioxi.

2 Pedro 3:7

Ta suvi xiꞌin mií tuꞌun Ndioxi kua ndíso níi xiꞌin ndiꞌi mií ndivi tin ñuu ivi nuu ndóo yo vitin, ta vaxi kivi ndiꞌi xaꞌa yaa ya xiꞌin ñu̱ꞌu̱. Tá ná tindaa kivi ya xaa nani Ndioxi kuachi na ñuu ivi yóꞌó, ta saa kua sindiꞌi xaꞌa yaa ra naꞌa, na köo xíin kandixa Ndioxi, na íkan ya väꞌa.