HEBREOS 6:1 - Xochapa Mixteco1 Ná kuaꞌnu ka yo xiꞌin tuꞌun Ndioxi nda ná xinu koo yo kuu yo tá íyo na xa xa̱ꞌnu. Ta ná ndïko koo tuku yo ikan yo taꞌan ñaꞌa ya xa si̱naꞌa na yoo tá xaꞌa. Chi tá xaꞌa ta si̱naꞌa na yo ya kundàà ni ini yo kuni yo Ndioxi, ta saa si̱naꞌa na yo ya sindoo yo ñaꞌa ya väꞌa, ya köo ndáa yaꞌvi i̱kan yo tá yachi. Onani mutuwo |
HEBREOS 6:1
50 Mawu Ofanana
Saa chi ki̱xi ra Juan, ra síkuchi naꞌa ta si̱naꞌa ra ndóꞌo̱ ichí ndaku xaꞌa ichí Ndioxi ndá kuꞌva kutaku ndo tá kuꞌva kúni Ndioxi, ta köo ndi̱xiin ndo kandixa ndo ra. Vaꞌa ka nda ndíkaya xuꞌun nuu gobierno xiꞌin ná ñaꞌa, ná xíko mií, vaꞌa ka na ikán ku na ndi̱ko koo ini tá xi̱ni soꞌo na ya ndi̱kaꞌan ra Juan. Ta ndóꞌo̱, vani xi̱ni soꞌo ndo ya ndi̱kaꞌan ra, ta köo ndi̱ndiko koo ini ndo kandixa ndo ya ndi̱kaꞌan ra ―káchi Jesús xiꞌin nda.
Ndikun xa̱á i káꞌan i xiꞌin na, xiꞌna na ndóo ñuu Damasco xa̱á i káꞌan i xiꞌin, tá ndi̱ꞌi ikán ta xa̱á i káꞌan i xiꞌin na ndóo ñuu Jerusalén, saa ndi̱xaꞌan i ndiꞌi ka inka ñuu ya ñúꞌu estado Judea. Saa ke̱e tu i ndi̱xaꞌan i nda inka ñuu nuu ndóo na köo kúu judío. Ndi̱xaꞌan i ndi̱kaꞌan ndoso i xiꞌin na ya ná ndiko koo ini na nuu Ndioxi, saa ikan na ya vaꞌa xaꞌa ya ndi̱ko koo ini na nuu ra.
Ta saa ni, ya ndaa kua ndítuꞌun nde tuꞌun ndíchi xiꞌin naꞌa, na xa xuxa ini xiꞌin tuꞌun Ndioxi. Ta ya ndíchi ndítuꞌun nde xiꞌin na, ta süvi taꞌan ya ndíchi íyo ñuu ivi yóꞌó ku ya, ni süvi taꞌan ya ndíchi kúu mií na chiñu ñuu ivi yóꞌó ku ya, chi ya ndíchi kúu mií na chiñu yóꞌó, ta ya ndíꞌi xaꞌa va ku ya.
Saa chi tá táxi Ndioxi kúsuchi ini yo ta ya vaꞌa mií va yo kua, ta süvi xaꞌa ya síndikava ra ini yo kua ndóꞌo yo saa, chi xaꞌa ya ndíko koo ini yo ndínama ini yo nuu Ndioxi va kua ndóꞌo yo saa, ta saa kuchiñu yo kaku yo. Ta íyo inka ya kúsuchi ini naꞌa, na ndíkun ichí ñoo ivi yóꞌó. Ta ya suchi ini ndóꞌo na ta ya chíndaꞌa na kuꞌun na ichí nuu kuvi va na kua.
Ta saa ná kundaa ini ndo chi nda vitin ta ndee ni ndee ya ndaa si̱naꞌa Tata yo Jesucristo nuu yo kándixa ñaꞌa, ta soꞌva íyo ya: Tata yo Jesucristo ta ndu̱u ra taꞌan mií yo ivi yóꞌó, ta ki̱xi ra ñuu ivi yóꞌó. Ta Tachi I̱í Ndioxi kua ndíkuiin xaꞌa ra. Ta xi̱ni na tatun Ndioxi ra. Saa ndi̱kaꞌan ndoso nda xi̱ndikun sata ra xaꞌa ra nuu ndiꞌi naꞌa, na köo kúu judío. Ndiꞌi ni kúu xaꞌa ñuu ivi yóꞌó íyo naꞌa, na kándixa ra. Saa ndi̱kiꞌin tuku Iva yo Ndioxi ra, nda̱a tuku ra kuaꞌan ra nuu ndivi.
Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.
Ta ley Ndioxi ya ta̱xi ra ndaꞌa ra Moisés kua káꞌan ndá kuꞌva xaa chiñu nda sutu nda ndi̱xiyo seꞌe sikua ra Leví. Sundi köo ndi̱kuchiñu nda sutu ikán ndasa vaꞌa nda naꞌa nuu Ndioxi. Xaꞌa ya ikán kua xi̱niñuꞌu ni ki̱xi inka sutu, ta süvi ka taꞌan nda sutu seꞌe sikua ra Leví án ra Aarón ku ra xíniñuꞌu ni ki̱xi, ra xíniñuꞌu ni kixi ku taꞌan sutu ra Melquisedec.
Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.
Zotsatsa