HEBREOS 5:3 - Xochapa Mixteco

³ Xaꞌa ya kúu ra, ra ivi taꞌan mií yo yóꞌó, ta ìyo ni ndikava ra nuu kuachi, yakan kua xíniñuꞌu tu mií va ra xáꞌni ra kiti xaꞌa kuachi ra, saa xáꞌni ra kiti xaꞌa kuachi na ñuu ra nuu Ndioxi.

HEBREOS 5:3 Mawu Ofanana

1 Corintios 15:3

Ta vaꞌa chi tuꞌun ya núnu̱ú xa si̱naꞌa i ndóꞌo̱ kua si̱naꞌa mií Tata yo Jesucristo yeꞌe, ta ndee ni ndáa yaꞌvi ya káꞌan i xiꞌin ndo, chi xaꞌa kuachi yoo kua ndi̱xiꞌi Tata yo Jesucristo, tá kuꞌva káꞌan mií tuꞌun Ndioxi ya ta̱a na xinaꞌa.

HEBREOS 10:12

Sundi Jesucristo ta iin ichí va i̱kan ra saa, iin ichí va ndi̱taxi ra mií ra xaꞌa kuachi yo, ta ya i̱kan ra saa ta köo xíniñuꞌu ra ikán tuku ra saa. Tá sindiꞌi i̱kan ra saa ta ndi̱kunduꞌu ra ñaꞌñu kuáꞌá Ndioxi xáꞌnda chiñu ra xiꞌin Ndioxi.

HEBREOS 7:27

Ta köo ndi̱kan ra tá íkan inka nda sutu, saa chi nda ikán, ta xiꞌna xaꞌa kuachi mií nda xáꞌni nda kiti sóko nda nuu Ndioxi, ta sindiꞌi, saa xáꞌni nda kiti xaꞌa kuachi na ñuu. Sundi Jesús ta köo ndi̱kan ra saa ya kaꞌni ra kiti nuu Ndioxi, chi iin ichí va ndi̱soko ra mií ra ndi̱xiꞌi ra xaꞌa kuachi yo nuu Ndioxi. Ta ya i̱kan ra saa ndi̱soko ra mií ra ndi̱xiꞌi ra xaꞌa yo, ta iindaa ichí va kua i̱kan ra saa, ta köo xíniñuꞌu ra ikan tuku ra saa.

HEBREOS 9:7

Sundi ini Cuarto ya ndee ni I̱í, ya uvi, ta iindaa sutu, ra chee nuu ndiꞌi sutu ku ra kuakiꞌvi, ta iindaa ichí kuakiꞌvi ra nuu kuiya. Ta kuakiꞌvi nií kiti xiꞌin ra ya táxi ra rá ndaꞌa Ndioxi xaꞌa kuachi mií ra tin xaꞌa kuachi na ñuu, kuachi ya íkan sana na.