HEBREOS 5:2 - Xochapa Mixteco

² Ta xaꞌa ya kúu sutu ikán ra ivi, ra vita ni ini taꞌan mií yo ivi yóꞌó, yakan vaꞌa kúndaꞌvi ini ra xíni ra naꞌa, na nda̱ñuꞌu, na köo kúndaa vaꞌa ini xaꞌa tuꞌun Ndioxi.

HEBREOS 5:2 Mawu Ofanana

San Lucas 22:32

Sundi yeꞌe ta xa káꞌan ni i xaꞌa un xiꞌin Ndioxi ya ná ndïko koo ini un ya ndáa ni ini un xíni un ra. Tá ndi̱ko koo un nuu ra, ta xaꞌa un ndee xiꞌin ndiꞌi na itáꞌan xiꞌin un ―káchi Jesús xiꞌin ra Simón Pedro.

2 Corintios 11:30

Tá tu xíniñuꞌu i kutai ni ini i, ta vaꞌa kutai ni va ini i xaꞌa ñaꞌa ya xíni i vita ni ini i nuu.

2 Corintios 12:5

Ta xaꞌa ya i̱kan Ndioxi saa xiꞌin i, ta vaꞌa ni chinuu vaꞌa i tuꞌun i nuu ndo, ndikuu, sundi yeꞌe, ta küvi chinuu vaꞌa ni i tuꞌun i, ya vaꞌa ni kaꞌan i xaꞌa kua vita ni ini va i.

Gálatas 4:13

Xa xíni mií ndo tá kivi ndi̱xaꞌan i nuu ndo tá núnu̱ú ta ndee ni ndee ndóꞌo i kúꞌvi i, yakan ndi̱xaa i ñuu ndo ta saa kua ndi̱tuꞌun i xiꞌin ndo tuꞌun vaꞌa xaꞌa Tata yo Jesucristo, nuu kaku ndo.

Efesios 4:18

Chi na köo xíni Ndioxi ta íyo xíka ni va na nuu ra, nda ya xínituni na ta tá íin ya íyo nuu naá va saa íyo ya, tuun ni nima na, ta soꞌo ni na.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

HEBREOS 12:13

Kuenta koo ndo, vívií kaka ndo kuꞌun ndo, täxi ndo nduvita ini ndo ta koyo ndo, kuenta ni koo ndo ya ná kaku ndo.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

HEBREOS 2:18

Tá kúu mií ra, yaꞌa ni ndee xi̱ndikaa ra nuu tindoꞌo, ndi̱xiyo ni ñaꞌa xi̱to ndoso ya ra, yakan vaꞌa kúndaa ini ra ya ndóꞌo yo tá kivi ñúꞌu yo nuu tindoꞌo, chi ndee ni ndee kúu mií ra ya chindee ra yoo, tá vaxi ya väꞌa xíto ndoso ya yoo.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.

HEBREOS 7:28

Ley Ndioxi, ya ta̱a ra Moisés, ta táxi ya ichí ndaꞌa nda sutu ivi kuachi taꞌan mií yo, ya kuu nda sutu nda chee ni. Tá sindiꞌi ta̱xi ra ley ikán ndaꞌa nda, saa chi̱naꞌa ra mií ra ya ki̱ndoo ra ndasa ra Seꞌe ra nduu ra sutu chee ni. Ta xaꞌa ya ndo̱ꞌo ni Seꞌe ra, yakan ndu̱u ra iin sutu ra vaꞌa ni, ta saa koo ra ndiꞌi saa tiempo ya vaxi.

HEBREOS 9:7

Sundi ini Cuarto ya ndee ni I̱í, ya uvi, ta iindaa sutu, ra chee nuu ndiꞌi sutu ku ra kuakiꞌvi, ta iindaa ichí kuakiꞌvi ra nuu kuiya. Ta kuakiꞌvi nií kiti xiꞌin ra ya táxi ra rá ndaꞌa Ndioxi xaꞌa kuachi mií ra tin xaꞌa kuachi na ñuu, kuachi ya íkan sana na.

Santiago 5:19

Ñani mani xiꞌin kuꞌva yo, tá ndá iin ndo nda̱ñuꞌu, köo xíka ka ndo ichí Iva yo ya ndaa, ta saa vaxi inka na síndiko koo na ndóꞌo̱ ya ndiko koo tuku ndo ichí ra.

1 Pedro 2:25

Chi yoo ta tá íin kiti levo, kiti nda̱ñuꞌu saa ndi̱xiyo yo. Ta vitin ndi̱ko koo yo nuu Tata yo Jesucristo ta ndee ni vaꞌa ndáa ra yoo, tá íkan iin ra ndee ni vaꞌa ndáa kiti levo sana ra, saa íkan ra xiꞌin yo.