HEBREOS 4:9 - Xochapa Mixteco

⁹ Xaꞌa ya káꞌan Ndioxi saa kua kúndaa ini yo ya íyo ka nuu ndikundee yoo kúu ñuu Ndioxi xiꞌin ra.

HEBREOS 4:9 Mawu Ofanana

San Mateo 1:21

Kaku seꞌe yá ta chinuu un kivi ra kunani ra JESÚS, saa chi ra ikán ku ra sikaku na ñuu ra xaꞌa kuachi na.

Tito 2:14

Chi ndi̱taxi ra mií ra ndi̱xiꞌi ra xaꞌa yo, ya yóꞌó ku yaꞌvi cha̱ꞌvi ra xaꞌa yo nuu si̱kaku ra yoo ndaꞌa ndee ya väꞌa i̱kan yo, ta nda̱sa vaꞌa ra yoo ndu̱u yo na ñuu mií ra, ya kuchiñu yo ikan yo ya vaꞌa nuu ra.

HEBREOS 11:25

Ta chi̱kaa ini ra ya ndoꞌo ni ra xiꞌin na ñuu Ndioxi, yakan köo ndi̱kutoo ra kusini ra xiꞌin ñaꞌa saví ni íyo uvi ndaa kivi ñuu ivi yóꞌó, ta síndaꞌvi ya naꞌa kuakiꞌvi na kuachi.

HEBREOS 3:11

Xaꞌa ya ikán kua ndi̱kani ini i, ndi̱kaꞌan i tá kivi ndi̱saa i xiꞌin na, ta ka̱chi i saa: “Täxi i kiꞌvi na koo na nuu ndikundee na xiꞌin i””, káchi Ndioxi xaꞌa na.

HEBREOS 4:1

Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

HEBREOS 4:10

Saa chi yo kuakiꞌvi ndíkundee xiꞌin Ndioxi, ta ndíkundee yo xiꞌin ra xaꞌa ndiꞌi chiñu ya i̱kan yo, tá kuꞌva ndi̱kundee mií ra tá kivi si̱ndiꞌi ra si̱kuaꞌa ra ndiꞌi ñaꞌa ya íyo ñuu ivi yóꞌó.

HEBREOS 4:3

Sundi yoo kándixa ñaꞌa ku yo kiꞌvi koo yo xiꞌin ra nuu ndikundee yo, ta na köo ndi̱xiin kandixa ñaꞌa ta kïꞌvi na koo na xiꞌin ra nuu ndikundee na xiꞌin ra, yakan ndi̱kaꞌan ra xaꞌa na, káchi ra saa: Tá ndi̱saa i xiꞌin na ta ndi̱kaꞌan i, chi̱naꞌa i: “Nda iin kivi täxi i kiꞌvi na koo na xiꞌin i nuu vaꞌa ndikundee na”, káchi Ndioxi xaꞌa na, vani xa yachi vi ndi̱kundee ra xaꞌa chiñu i̱kan ra si̱kuaꞌa ra ñuu ivi.

HEBREOS 4:8

Tá tu yachi nditaxi ra Josué nuu koo xií sikua yo ndikundee na, ndikuu, ta käꞌan ka Ndioxi xaꞌa kivi vitin ya taxi ka ra nuu ndikundee yo.

1 Pedro 2:10

Chi xa xíni mií ndo tá yachi ta ndaꞌvi ni ndi̱xiyo ndo, tá íyo ndo ndi̱xika ndaꞌvi saa ndi̱xiyo ndo, ta vitin ndi̱kuiso vií Ndioxi ndóꞌo̱ ndu̱u ndo na ñuu mií ra. Chi yachi ta ni köo ndïkuvi kundaꞌvi ini ra kuni ra ndóꞌo̱, ta vitin ta ndiniꞌi taꞌvi ndo nuu ra kúndaꞌvi ni ini ra xíni ra ndóꞌo̱.

El Apocalipsis 14:13

Saa xi̱ni soꞌo i tuꞌun ya ke̱ta nuu ndivi, ndi̱kaꞌan ya xiꞌin i káchi ya saa: ―Taa tuꞌun káꞌan i xiꞌin un: “Kivi vitin xiꞌin ndiꞌi saa kivi ya vaxi, ndiꞌi naꞌa na ndíkun Tata yo Jesucristo, tá ná kuvi na xaꞌa ya kándixa na ra, ta taxi Ndioxi koo vaꞌa ni na xiꞌin ra, nuu kusini ni na” ―káchi tuꞌun ya xi̱ni soꞌo i. Saa ndi̱kaꞌan Tachi i̱í Ndioxi, káchi ya saa: ―Saa ndi̱xa íyo ya, tá ná xaa na nuu ndivi, ta ndixa kua ndikundee na, chi xa si̱xinu na chiñu i̱kan na ñuu ivi yóꞌó. Ni Ndioxi ta ndi̱kaꞌán ini ra xaꞌa ya vaꞌa i̱kan na, ta nuu ndivi ikán ndichaꞌvi ra na xaꞌa chiñu ya i̱kan na ñuu ivi yóꞌó ―Soꞌva káchi Tachi Ndioxi xi̱ni soꞌo i.

El Apocalipsis 21:4

Ta mií ra ku ra ndiyakun ndiꞌi tikuii nuu na xaꞌa ya xáku na. Nda iin ichí küvi ka na, ni köo ka na kuaku, ni köo ka na kusuchi ini, ni na kúꞌvi köo ka na koo, chi ya ndo̱ꞌo na yachi ta xa ndi̱ꞌi xaꞌa ndiꞌi ya.