HEBREOS 4:6 - Xochapa Mixteco

⁶ Ta kúmani ka sava naꞌa kiꞌvi koo nuu ndikundee na xiꞌin ra. Chi naꞌa, na xiꞌna xi̱ni soꞌo tuꞌun vaꞌa xaꞌa nuu koo na ndikundee na xiꞌin ra, ta köo ndi̱kuchiñu na kiꞌvi na koo na xiꞌin ra, xaꞌa ya köo ndi̱xaa súvi na ya ndi̱kaꞌan ra xiꞌin na.

HEBREOS 4:6 Mawu Ofanana

San Mateo 21:43

Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra.

Los Hechos 28:28

Saa ndi̱kaꞌan ka ra Pablo xiꞌin na, káchi ra saa: ―Ta vaꞌa ná kundaa ini ndo vitin chi xaꞌa ya tuun ni nima ndo yakan kuꞌun i ndituꞌun i xiꞌin na köo kúu judío xaꞌa ya kúni Ndioxi sikaku ra na, chi na ikán ta kuni soꞌo va na ―káchi ra Pablo xiꞌin na.

1 Corintios 7:29

Ta yeꞌe kúni i kaꞌan i ya yóꞌó xiꞌin ndo: Xa kama ni va kuaꞌan ndíꞌi tiempo ya ndóo yo, yakan tá kúu ndóꞌo̱ taa ta kündiꞌi ini ndo xaꞌa ná síꞌi ndo, kundiꞌi ni ka ini ndo xaa chiñu ndo xaꞌa Tata yo Jesucristo, chi xa kama ni ndiko koo ra.

Gálatas 3:8

Chi tuꞌun Ndioxi ya ta̱a na xinaꞌa, ta xa ndi̱kaꞌan ya xaꞌa, kivi ya vaxi, chi kivi ikán kua ndasa Ndioxi naꞌa, na köo kúu judío, nduu na naꞌa, na köo ka kuachi kúu mií nuu ra, káchi ya. Ta xaꞌa ya ikán kua ndi̱kaꞌan Ndioxi xiꞌin ra Abraham, káchi ra saa: “Xaꞌa yóꞌo̱ kua niꞌi, ndiꞌi ni kúu na ñuu ivi ya vaꞌa”, káchi Ndioxi xiꞌin ra Abraham tá ndi̱kaꞌan ra xiꞌin ra.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 4:2

Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.

HEBREOS 4:9

Xaꞌa ya káꞌan Ndioxi saa kua kúndaa ini yo ya íyo ka nuu ndikundee yoo kúu ñuu Ndioxi xiꞌin ra.