HEBREOS 4:2 - Xochapa Mixteco

² Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.

HEBREOS 4:2 Mawu Ofanana

Los Hechos 13:46

Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa: ―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío.

Los Hechos 3:26

Tá si̱taku Ndioxi Seꞌe ra ta xiꞌna nuu yo judío kua ti̱ꞌvi ñaꞌa ra ki̱xi ra ya ta̱xi ra ya vaꞌa ndaꞌa yo kutaku yo, ta saa ná ndiko koo ini iin iin ndo xaꞌa ya väꞌa íkan ndo, ta ná ndikundikun ndo Ndioxi ―káchi ra Pedro xiꞌin na.

ROMANOS 2:25

Tá tu xáa súvi ni ndo ley Ndioxi ta saa kua vaꞌa ndáa yaꞌvi ni ya ndíkunuu tuni Ndioxi ndóꞌo̱. Tá tu köo xáa súvi ndo ya, ta ni köo ndáa yaꞌvi ya ndíkunuu tuni Ndioxi ndóꞌo̱. Tá íin naꞌa, na köo tuni Ndioxi kúu mií, saa íin ndo.

ROMANOS 3:3

Vani sava na ikán ta köo ndi̱xiin na kuni soꞌo na ya ndi̱kaꞌan ra xiꞌin na, ta ni köo ndi̱xaa súvi na ya kúni Ndioxi, ta ¿án xaꞌa ya ikán kua ndiko koo ini Ndioxi xäa súvi ra ya ndi̱kaꞌan ra xiꞌin na?

1 Corintios 13:3

Ni ná nditaꞌvi ndiꞌi i ñaꞌa ya kúu mií i taxi i kuxi na ndaꞌvi, ni ná nditaxi i mií i koko ikin kuñu i xaꞌa na, tá tu köo ya kúꞌvi ini táxi Ndioxi íyo nima i ya kuꞌvi ini i kuni i inka na, ta ni köo ndáa yaꞌvi mií vi i.

Gálatas 3:2

Ta vitin kúni i ndakan tuꞌun i ndóꞌo̱, ta vaꞌa ndikuiin ndo yuꞌu i xaꞌa ya kaꞌan i xiꞌin ndo: Tá ndi̱kiꞌin ndo Tachi I̱í Ndioxi ta ¿án xaꞌa ya xáa súvi ndo ley Ndioxi kua ndi̱kiꞌin ndo ya, túvi ndo? Süvi saa íyo ya, xaꞌa ya xi̱ni soꞌo ndo tuꞌun vaꞌa xaꞌa Jesucristo va kua ndi̱kiꞌin ndo Tachi I̱í ra.

Gálatas 3:8

Chi tuꞌun Ndioxi ya ta̱a na xinaꞌa, ta xa ndi̱kaꞌan ya xaꞌa, kivi ya vaxi, chi kivi ikán kua ndasa Ndioxi naꞌa, na köo kúu judío, nduu na naꞌa, na köo ka kuachi kúu mií nuu ra, káchi ya. Ta xaꞌa ya ikán kua ndi̱kaꞌan Ndioxi xiꞌin ra Abraham, káchi ra saa: “Xaꞌa yóꞌo̱ kua niꞌi, ndiꞌi ni kúu na ñuu ivi ya vaꞌa”, káchi Ndioxi xiꞌin ra Abraham tá ndi̱kaꞌan ra xiꞌin ra.

Gálatas 4:13

Xa xíni mií ndo tá kivi ndi̱xaꞌan i nuu ndo tá núnu̱ú ta ndee ni ndee ndóꞌo i kúꞌvi i, yakan ndi̱xaa i ñuu ndo ta saa kua ndi̱tuꞌun i xiꞌin ndo tuꞌun vaꞌa xaꞌa Tata yo Jesucristo, nuu kaku ndo.

1 Tesalonicenses 1:5

Chi tá kivi ndi̱kaꞌan ndoso nde tuꞌun vaꞌa xaꞌa ra xiꞌin ndo, ta köo ndi̱kaꞌan nde tuꞌun mií nde xiꞌin ndo. Sundi xiꞌin ndee Tachi I̱í Ndioxi kua ndi̱kaꞌan nde xiꞌin ndo, saa ndinuꞌu ni ini nde kándixa nde ya ndaa kua ndi̱kaꞌan nde xiꞌin ndo. Ta xi̱ni mií ndo ndá kuꞌva ndi̱xiyo nde tá kivi xi̱ndoo nde xiꞌin ndo xaꞌa ya kúꞌvi ni ini nde xíni nde ndóꞌo̱.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

HEBREOS 11:6

Tá tu köo ndáa ni ini yo xíni yo Ndioxi, ta küvi xaa síni yo ini ra, saa chi ndiꞌi yo kúyati nuu ra ta xíniñuꞌu yo kundaa ni ini yo kuni yo ra ya íyo ra, saa xíniñuꞌu tu yo kundaa ini yo ya sóko ni ra ya vaꞌa nuu ndiꞌi yo kúyati nuu ra, ndúku yo ra.

HEBREOS 3:12

Ñani yo, kuenta ni koo ndo, chïvaꞌa ndo ya väꞌa nima ndo, chi ìyo ni xaa xíka ya ndóꞌo̱ nuu Ndioxi ra táku, ta täxi ya kundaa ni ini ndo ra.

HEBREOS 4:6

Ta kúmani ka sava naꞌa kiꞌvi koo nuu ndikundee na xiꞌin ra. Chi naꞌa, na xiꞌna xi̱ni soꞌo tuꞌun vaꞌa xaꞌa nuu koo na ndikundee na xiꞌin ra, ta köo ndi̱kuchiñu na kiꞌvi na koo na xiꞌin ra, xaꞌa ya köo ndi̱xaa súvi na ya ndi̱kaꞌan ra xiꞌin na.

Santiago 1:21

Xaꞌa ya ñaa kua vaꞌa ka sindoo ndiꞌi ndo ya väꞌa íkan ndo, xiꞌin ya kini ni íyo ka nima ndo. Ta xíniñuꞌu ndo kaꞌnu ndo mií ndo, xaa ni̱nu̱ ndo mií ndo ya ndikiꞌin ndo tuꞌun Ndioxi ya ta̱xi ra ndaꞌa iin iin ndo íyo ya nima ndo. Chi tuꞌun ra kua kúu mií ndee ya sikaku ya ndóꞌo̱.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.