HEBREOS 4:12 - Xochapa Mixteco

¹² Saa chi tuꞌun Ndioxi, ta ya táku ku ya ta ndee ni kúnu kuakiꞌvi ya xáꞌnda ya. Ndee ni ka ndee tuꞌun ra nuu iin i̱chi̱ ya xi̱ín ni uvi saa yuꞌu. Chi tuꞌun ra, ta kuakiꞌvi ya xáꞌnda ya nima naꞌa, iin saa nda nuu vaꞌa na, xiꞌin tivavi na, xiꞌin mbeke ya ñúꞌu ini leke na, ta vaꞌa xíto ndoso ya ndiꞌi ya xínituni na xiꞌin ya ndíkani ini na, ya íyo nima na.

HEBREOS 4:12 Mawu Ofanana

San Lucas 8:11

Ta soꞌva káchi tuꞌun ndíchi yóꞌó: ―Siꞌva ri ndi̱xita yava ikán ku tuꞌun Ndioxi.

San Juan 12:48

Ta ndiꞌi na kúndasi nuu xíni yeꞌe, na köo xíin ndikiꞌin tuꞌun i, ta íyo ya táxi kuachi xaꞌa na. Tuꞌun ya xi̱ni soꞌo na ndi̱kaꞌan i, ya ikán kua táxi kuachi xaꞌa na.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

Los Hechos 2:37

Tá xi̱ni soꞌo nda ya ndi̱kaꞌan ra xiꞌin nda, saa ndi̱taꞌvi ni nima nda xa̱á kúsuchi ni ini nda. Ñaa ndi̱kaꞌan nda xiꞌin ra Pedro tin nda taꞌan ra, káchi nda saa: ―Ndóꞌo̱ nda taꞌan yo, ¿unkua ikan nde vitin? ―káchi nda.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

Los Hechos 5:33

Ñaa tá xi̱ni soꞌo na chiñu ya ndi̱kaꞌan ra ta ndi̱saa ni na, xa̱á kúni kaꞌni na nda.

Los Hechos 7:38

Ta suvi mií ra Moisés ku ra ndi̱xika xiꞌin xii sikua yo tá ndi̱xika na iku yuyu. Ta suvi xiꞌin ra ikán kua ndi̱kaꞌan tatun ya ke̱e nuu Ndioxi. Ndi̱kaꞌan ya xiꞌin ra xiki iku yuyu ya náni Sinaí. Ta̱xi ya tuꞌun Ndioxi ndaꞌa ra ta̱a ra. Ta saa íyo ya ta̱xi ra ndaꞌa xii sikua yo ya sinaꞌa na seꞌe na, ta ya ikán kua xíni yo nda kivi vitin. Tuꞌun Ndioxi ikán ta nda tá káa ya táku saa káa ya.

ROMANOS 1:16

Kúni i ná kundaa ini ndo, chi yeꞌe ta köo kúkaꞌan nuu i ya kándixa i tuꞌun vaꞌa xaꞌa Jesucristo, chi tuꞌun yóꞌó kúu mií ya ndee Ndioxi ya sikaku ya ndiꞌi naꞌa, na kándixa ya káꞌan ya. Xiꞌna ni ka na judío ku na xi̱ni soꞌo tuꞌun vaꞌa xaꞌa Jesucristo, saa xi̱ni soꞌo tu naꞌa, na köo kúu judío va ya.

1 Corintios 1:24

Sundi nuu naꞌa, na ka̱na Ndioxi kundikun ra, án na judío ku na, án süvi na judío ku na, ta tuꞌun yóꞌó kuu Cristo, ta ndixa ni va ndee kúu mií ya nuu na, ta saa ndíchi ni va ya chi nuu Ndioxi ke̱e ya vaxi ya, káchi na.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

2 Corintios 4:2

Ta xa si̱ndoo ndaꞌa va nde ndiꞌi ñaꞌa ya kaꞌa̱n ni nuu i̱kan sěꞌe nde tá yachi, ta ni köo naꞌa síndaꞌvi nde xiꞌin ya vata, ni tuꞌun Ndioxi ta köo ndínama nde ya xiꞌin ya vata. Nina xiꞌin ya ndaa kua sínaꞌa nde naꞌa, ta köo ñaꞌa ndi̱tiseꞌe nde nuu na. Mií Ndioxi ku ra ndíkuiin xaꞌa nde ya káꞌan nde nina ya ndaa. Ta xaꞌa ya yóꞌó kua vaꞌa kándixa naꞌa tuꞌun ya káꞌan nde, chi xíni na ya ndaa kua káꞌan nde.

Efesios 5:13

Ta köo íyo sěꞌe ya, chi tá ndíyeꞌe ñu̱ꞌu̱ ya kúu tuꞌun Ndioxi nuu naá ta iin ndítuvi ndiꞌi va ñaꞌa ya íkan sěꞌe naꞌa.

Efesios 5:26

I̱kan ra saa xiꞌin yo ya kuchiñu ra ndasa i̱í ra yoo. Ta xaꞌa ya xi̱ni soꞌo yo tuꞌun vaꞌa xaꞌa ra kua ndu̱u yo naꞌa, na i̱í nuu ra, saa chi̱chi yo xiꞌin tikuii xaꞌa ya kándixa yo ra.

Efesios 6:17

Saa tu tá kuꞌva íkan nda lapa ñúꞌu ñaꞌa xi̱ní nda ya ndási ya xi̱ní nda, kuꞌva saa xíniñuꞌu ndo kundaa ni ini ndo ya íyo ndee Jesucristo xiꞌin ndo ya sikaku ya ndóꞌo̱ nuu ya väꞌa. Saa tu tá kuꞌva íkan nda lapa xa íyo ndúvi nda xiꞌin i̱chi nda, kuꞌva saa xíniñuꞌu ndo koo ndúvi ndo xiꞌin tuꞌun Ndioxi ya táxi Tachi I̱í ra ndaꞌa ndo.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Tesalonicenses 5:23

Ta mií Ndioxi, ra táxi koo vaꞌa ni ini yo ná xaa i̱í ni ra ndiꞌi ni kúu ya vaꞌa ndo xiꞌin ya xínituni ndo xiꞌin ikin kuñu ndo. Saa ná chivaꞌa ra ndóꞌo̱, nda iin kuachi ná küu mií ndo tá kivi ná ndiko koo tuku Tata yo Jesucristo kixi ra ñuu ivi yóꞌó.

HEBREOS 13:7

Kuñuꞌu ini ndo xaꞌa naꞌa, na xi̱ndiso chiñu xiꞌin ndo, na ndi̱kaꞌan ndoso tuꞌun Ndioxi xiꞌin ndo. Koto ndo ndá kuꞌva vaꞌa ni i̱kan na tá kivi xi̱taku na ñuu ivi yóꞌó, ta ndá kuꞌva vaꞌa ni xi̱ndaa ini na xi̱ni na Ndioxi. Ta kuꞌva saa ikán ndóꞌo̱, tá i̱kan na ikán, saa ikan ndo.

HEBREOS 6:5

Na ikán ta kúndaa ini na ya vaꞌa ni ku tuꞌun Ndioxi, saa kúndaa ini na ya ndee ni ndee kúu mií ra kaꞌnda chiñu ra kivi vaxi.

Santiago 1:18

Ta saa chi̱tuni ra nda̱sa xa̱á ra nima yo xiꞌin tuꞌun ra ya ndaa, ya ná kuchiñu yo nduu yo naꞌa, na vaꞌa, ta xiꞌna ka yoo ku yo núnu̱ú nda̱sa xa̱á ra nuu tá kúu ndiꞌi ñaꞌa ya si̱kuaꞌa ra íyo ñuu ivi yóꞌó.

1 Pedro 1:23

Saa chi ndóꞌo̱, ta ndi̱kaku uvi tuku ndo, ta köo ndi̱kaku ndo tixin iva siꞌí ndo na ñuu ivi yóꞌó, chi tixin tuꞌun Ndioxi ya táku ndiꞌi saa kivi kua ka̱ku ndo.

El Apocalipsis 1:16

Saa íyo uxa kiti kimi ndaꞌa kuáꞌá ra, ta yuꞌu ra kéta iin i̱chi̱ ya xíin ni uvi saa yuꞌu. Tá kuꞌva ndee ni ndíndii kàà uxi uvi ndaa nduvi, kuꞌva saa ndee ni ndíyeꞌe nuu ra.

El Apocalipsis 19:15

Saa ke̱ta iin i̱chi yáꞌa ni xiín yuꞌu ra. Ta xiꞌin ya ikán si̱tikueꞌe ni ra naꞌa, na ndóo ndiꞌi ni kúu saa ñuu ivi. Ta ndee ni ndee kaꞌnda chiñu ra nuu ndiꞌi na ikán xiꞌin kàà ya káa tá káa iin itun káni ni. Tá íkan naꞌa tá kóꞌni na kiti uva, xáñu ndoso na ri saa kána nduta ri, ta xiꞌin rá ikán síkuaꞌa na nduta vinu. Kuꞌva saa ikan ra xiꞌin na väꞌa ikán, chi ndee ni ndee kúu mií Ndioxi.

El Apocalipsis 19:21

Ta ndiꞌi na xi̱ndikun sata ra profeta vata ikán xiꞌin kiti ìyo ni káa ikán, ndi̱xiꞌi ndiꞌi na xiꞌin i̱chi xi̱ín ni yuꞌu ndíso Taa ra yóso kuai yaa, saa ndi̱xaa ndiꞌi kiti ndáchi ya̱xi ka vi ri kuñu na ndakua ndi̱xaa ini ri ya̱xi ri ya.

El Apocalipsis 2:16

Xaꞌa ya ñaa kua vaꞌa ka ná ndiko koo ini ndo xaꞌa ya íkan ndo, ta sindikoo ndo ichí ñaa. Süvi ka vi ya kama ni ndiko koo i kani taꞌan i xiꞌin na ñaa xiꞌin i̱chi̱ ya xíin ni kéta yuꞌu i.

El Apocalipsis 2:23

Ta naꞌa, na kúu seꞌe yá, ta taxi i kueꞌe kuvi ndiꞌi na. Saa kundaa ini ndiꞌi naꞌa, na kándixa yeꞌe ya xíni ndiꞌi i ya íyo nima na xiꞌin ya ndíkani ini na. Ta saa chaꞌvi i iin iin na, tá kuꞌva íyo ya i̱kan na, saa koo yaꞌvi na.

El Apocalipsis 20:4

Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.