HEBREOS 4:11 - Xochapa Mixteco

¹¹ Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 4:11 Mawu Ofanana

San Mateo 11:12

Saa ndi̱kaꞌan tuku ra, káchi ra saa: ―Nda kivi xa̱á ra Juan káꞌan ndoso ra tuꞌun Ndioxi, iin saa nda kivi vitin íyo ni naꞌa káni taꞌan ya kúni na sindiꞌi xaꞌa na ichí nuu xáꞌnda chiñu Ndioxi, ni saa ndóꞌo ya, ta ndisaa naꞌa, na ndaku ni ini ku na kúchiñu kuakiꞌvi koo nuu xáꞌnda chiñu Ndioxi.

San Mateo 7:13

Saa ndi̱kaꞌan ka Jesús xiꞌin na, káchi ra saa: ―Xaꞌa ndo ndee ya kiꞌvi ndo yeꞌe ya táñu ni. Saa chi íyo inka ichí ya ndíka ni, ta ndíka ni yeꞌe ya, ta ichí yóꞌó kuaꞌan ya nuu ndiꞌi xaꞌa naꞌa, ta kuaꞌa ni naꞌa kuaꞌan ichí yóꞌó.

San Lucas 13:24

―Xaꞌa ni ndo ndee ya kiꞌvi ndo yéꞌé ya táñú ni ya kuaꞌan nuu íyo Ndioxi, chi kuaꞌa ni naꞌa kúni kiꞌvi ta küchiñu na kiꞌvi na.

San Lucas 16:16

Saa ndi̱kaꞌan ka Jesús, káchi ra saa: ―Tá yachi ta ley Ndioxi xiꞌin ya ta̱a nda ndi̱kaꞌan ndoso tuꞌun yuꞌu Ndioxi kua ndi̱xiyo, iin saa nda kivi tá ki̱xi ra Juan, ra si̱kuchi naꞌa. Saa ku nuu xa̱á káꞌan ndoso nde ndá kuꞌva xáꞌnda chiñu Ndioxi. Ta kuaꞌa ni na xáa nduxa kuakiꞌvi na ichí ra.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

Los Hechos 26:19

Saa káꞌan ka ra xiꞌin ra rey Agripa, káchi ra saa: ―Ta yeꞌe, Tata Rey, köo ndi̱xaa soꞌo i xaꞌa ya ndi̱kaꞌan Jesús xiꞌin i tá ndi̱tuvi ra nuu i.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

Efesios 5:6

Täxi ndo sindaꞌvi nda iin naꞌa ndóꞌo̱ ya sixinu na ini ndo ikan ndo ndá ka ñaꞌa ya kini ni káa, ya väꞌa ya yakua ya xáa yakua ikin kuñu ndo. Saa chi Ndioxi ta xaa nduvaꞌa ni ra xiꞌin ndiꞌi naꞌa, na köo xíni soꞌo ya káꞌan ra.

Filipenses 2:12

Na taꞌan yo, na kúꞌvi ni ini i xíni i, yachi tá ndi̱xiyo i xiꞌin ndo ta ndiꞌi saa ichí xa̱a súvi ni ndo tuꞌun Ndioxi ya ndi̱kaꞌan i xiꞌin ndo. Ta saa tu vitin va, vani köo íyo i xiꞌin ndo ta ndee ni ka xíniñuꞌu ndo xaa nduxa ndo ya ikan ndo ya vaꞌa taꞌan ya íkan naꞌa, na síkaku Ndioxi. Ikan ndo saa xaꞌa ya xáa toꞌo ndo Ndioxi, saa tu xaꞌa ya íꞌvi ndo xíni ndo ra.

Colosenses 3:6

Ta ndiꞌi ya väꞌa íkan naꞌa, na soꞌo ni, ya ikán kua sísaa ni Ndioxi ta ndee ni sitixuꞌvi ra na xaꞌa ya íkan na saa.

Tito 1:16

Káꞌan na xíni na Ndioxi sundi ndiꞌi ñaꞌa väꞌa íkan na ta ndínaꞌa na mií na ya köo xíni na ra, ta ndíkuaa va na ra, saa kúndasi nuu na xíni na naꞌa, ta köo xíin na xaa súvi na ya kúni Ndioxi, ta nda iin ñaꞌa vaꞌa küchiñu na ikan na.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

HEBREOS 3:12

Ñani yo, kuenta ni koo ndo, chïvaꞌa ndo ya väꞌa nima ndo, chi ìyo ni xaa xíka ya ndóꞌo̱ nuu Ndioxi ra táku, ta täxi ya kundaa ni ini ndo ra.

HEBREOS 3:18

¿Ta unku na ndi̱kaꞌan Ndioxi xiꞌin, ya täxi ra kiꞌvi na koo na xiꞌin ra nuu ndikundee na xaꞌa ya köo ndi̱xiin na kuni soꞌo na ya ndi̱kaꞌan ra xiꞌin na? Suvi ni xii sikua yo ku na ndi̱kaꞌan ra saa xiꞌin.

HEBREOS 4:6

Ta kúmani ka sava naꞌa kiꞌvi koo nuu ndikundee na xiꞌin ra. Chi naꞌa, na xiꞌna xi̱ni soꞌo tuꞌun vaꞌa xaꞌa nuu koo na ndikundee na xiꞌin ra, ta köo ndi̱kuchiñu na kiꞌvi na koo na xiꞌin ra, xaꞌa ya köo ndi̱xaa súvi na ya ndi̱kaꞌan ra xiꞌin na.

HEBREOS 6:11

Yakan kua kúni nde ná chikaa ni iin iin ndo ndee kundikun ni ndo ichí Ndioxi nda kivi sindiꞌi. Saa chi kivi ikán kua niꞌi ndo ya ndátun ndo niꞌi ndo nuu ra.

2 Pedro 2:6

Saa xa̱a ndu̱vaꞌa tu Ndioxi xiꞌin na ñuu Sodoma tin na Gomorra va, iin xa̱ꞌmi yaa ra na, ndu̱u na tá káa yaá. Ta ya ndo̱ꞌo na ikán kua sínaꞌa yoo, saa kundoꞌo ndiꞌi naꞌa, na kánitaꞌan xiꞌin Ndioxi.