HEBREOS 4:1 - Xochapa Mixteco

¹ Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

HEBREOS 4:1 Mawu Ofanana

San Mateo 24:48

Sundi tá tu iin moso ra iku ini ku ra, ñaa xa̱á ra ndikani ini ra, kachi ra saa: “Ni ndïko koo yachi xitoꞌo yo”, kachi ra.

Los Hechos 3:19

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

ROMANOS 11:20

Saa ndixa íyo ya, vaꞌa kundaa ini ndo. Chi ya ndi̱taꞌnda ndaꞌa itun olivo tàtà ikán, ta xaꞌa ya köo ndi̱xiin na kandixa na Cristo kua. Yakan vaꞌa ndi̱kundikun ndóꞌo̱ íin tá íyo itun olivo ikú. Yakan kütai ni ini ndo, vaꞌa ni ka ná ku íꞌvi ndo kuni ndo Ndioxi.

ROMANOS 3:23

Kuꞌva saa kua xi̱niñuꞌu Ndioxi i̱kan ra xiꞌin yo chi ndiꞌi ni kúu yo ndíso kuachi xaꞌa ya väꞌa íkan yo nuu ra. Ta xaꞌa ya ikán kua ku̱xika yo nuu ra, küvi kuyati yo koo yo xiꞌin ra nuu íyo ndiꞌi ya luvi ni yéꞌe̱.

1 Corintios 10:12

Xaꞌa ya ñaa kua, vií ná kundikun ndo ichí Tata yo Jesucristo, ndóꞌo̱ ndíkani ini ya tuun ni ndíkun ndo ra, ta kuenta ni koo ndo ya ná köyo ndo nuu kuachi.

2 Corintios 6:1

Ndóꞌo̱ xiꞌin ndeꞌe, ta iin káchi xáa chiñu yo nuu Ndioxi, yakan xíkan ni nde ya mani nuu ndo ya ná kundàà vií ni ndo ya vaꞌa ndi̱niꞌi ndo nuu Tata yo.

Gálatas 5:4

Tá tu kúni ndo kindoo vaꞌa ndo xiꞌin Ndioxi tixin ley ra, ta kúni kachi ya xa ku̱xika va ndo nuu Cristo, ta saa ku̱xika tu ndo nuu ya ndi̱niꞌi uun ndo nuu ra kúꞌvi ini ra xíni ra ndóꞌo̱ va.

2 Timoteo 2:13

Tá tu köo síxinu yo ya káꞌan yo, ta síxinu va mií ra ya káꞌan ra. Chi mií ra ta köo ndíko koo ini ra xaꞌa ya káꞌan ra.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 13:7

Kuñuꞌu ini ndo xaꞌa naꞌa, na xi̱ndiso chiñu xiꞌin ndo, na ndi̱kaꞌan ndoso tuꞌun Ndioxi xiꞌin ndo. Koto ndo ndá kuꞌva vaꞌa ni i̱kan na tá kivi xi̱taku na ñuu ivi yóꞌó, ta ndá kuꞌva vaꞌa ni xi̱ndaa ini na xi̱ni na Ndioxi. Ta kuꞌva saa ikán ndóꞌo̱, tá i̱kan na ikán, saa ikan ndo.

HEBREOS 3:11

Xaꞌa ya ikán kua ndi̱kani ini i, ndi̱kaꞌan i tá kivi ndi̱saa i xiꞌin na, ta ka̱chi i saa: “Täxi i kiꞌvi na koo na nuu ndikundee na xiꞌin i””, káchi Ndioxi xaꞌa na.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 4:9

Xaꞌa ya káꞌan Ndioxi saa kua kúndaa ini yo ya íyo ka nuu ndikundee yoo kúu ñuu Ndioxi xiꞌin ra.