HEBREOS 3:5 - Xochapa Mixteco

⁵ Ta ra Moisés ku ra ndee ni vaꞌa xa̱a chiñu, ku̱u ra moso nuu na veꞌe Ndioxi, saa ndi̱kaꞌan ndoso ra Moisés nuu naꞌa xaꞌa ya ndi̱tuꞌun Ndioxi xiꞌin ra kaꞌan ra xiꞌin na kivi vaxi.

HEBREOS 3:5 Mawu Ofanana

San Mateo 24:45

Saa ndi̱kaꞌan tuku Jesús, káchi ra saa: ― Ná ndituꞌun i xiꞌin ndo unkua íkan iin ra xáa chiñu tatu, ra toꞌo ni. Xaꞌa ya vaꞌa ni xáa chiñu ra, ta ta̱xi xitoꞌo ra ichí ndaꞌa ra ndáa chiñu ra xiꞌin ndiꞌi na xáa chiñu nuu xitoꞌo ra, saa taxi ra kuxi na, tá ti̱ndaa hora kuxi na.

San Mateo 25:21

Saa ndi̱kaꞌan xitoꞌo ra káchi ra saa: “Vaꞌa ni i̱kan un, vaꞌa ni moso kuu mií un, vaꞌa ni kundaa ini i kuni i yóꞌo̱. Sikuiso chiñu i yóꞌo̱ nuu kuaꞌa ni ka ñaꞌa i, saa chi vaꞌa ni xa̱a súvi un chiñu loꞌo yóꞌó. Ta vitin naꞌa kiꞌvi un veꞌe i, ta kusini ni un xiꞌin i”, káchi patrón ra xiꞌin ra.

San Lucas 12:42

Saa ndi̱kaꞌan Jesús xiꞌin ra, káchi ra saa: ―Iin ra moso, ra ndíso chiñu xiꞌin ñaꞌa xitoꞌo ra, ra ndaa ni ini ta ni xitoꞌo ra köo xíka ini ra xíni ñaꞌa ra, táxi ndiꞌi ra ñaꞌa kúu mií ra ndaꞌa moso ra. Ndáa ndiꞌi moso ra ñaꞌa ra, saa táxi ra ñaꞌa xitoꞌo ra xíxi ndiꞌi na xáa chiñu xiꞌin xitoꞌo ra.

San Lucas 24:27

Saa xa̱á ra sínaꞌa ra nda, xiꞌna ya ta̱a ra Moisés kua xa̱á ra ndíkani ra nuu nda, saa sínaꞌa ndiꞌi ka ra nda unkua káchi ndiꞌi tuꞌun Ndioxi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, nuu káꞌan ndiꞌi ya xaꞌa mií ra.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

Los Hechos 28:23

Ñaa ki̱ndoo na kivi ndá kivi kua ndi̱kaya na kuni soꞌo na kaꞌan ra. Ta kuaꞌa ka vi na ndi̱xaa nuu ra kivi ya ki̱ndoo na. Ñaa xa̱á ra ndítuꞌun ra xiꞌin na nuu ndíkuiin ra xaꞌa ichí ya xáꞌnda chiñu Ndioxi. Nda xitaan xa̱á ra káꞌan ra iin saa nda xikuaa. Síxinu ra ini na ya kundaa ini na xaꞌa Jesús, chi suvi xaꞌa ra kua ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xinaꞌa.

Los Hechos 7:37

Suvi ra Moisés ikán ku ra ndi̱kaꞌan xiꞌin xii sikua yo: “Vaxi kivi ta tiꞌvi Ndioxi iin ta̱a, raza mií yo Israel yóꞌó koo ra tiꞌvi Ndioxi kixi ra kaꞌan ndoso ra tuꞌun yuꞌu Ndioxi xiꞌin naꞌa. Tá kuꞌva íyo yeꞌe káꞌan ndoso i tuꞌun yuꞌu ra xiꞌin ndo, saa koo ra kixi, ta kuni soꞌo ndo ya kaꞌan ra ikán xiꞌin ndo”, káchi ra Moisés xiꞌin na.

ROMANOS 3:21

Sundi vitin ta ná kundaa ini yo chi köo naꞌa ndíkuchiñu sixinu ley Ndioxi. Sundi xa si̱naꞌa va Ndioxi yo ndá kuꞌva ku ya ndúu yo naꞌa, na vaꞌa, na köo ka kuachi ku mií nuu ra. Tá káꞌan mií ley ya si̱ndoo ra Moisés, saa ndi̱kaꞌan tu nda profeta, nda ndi̱kaꞌan ndoso tuꞌun yuꞌu Ndioxi xinaꞌa va.

1 Corintios 4:2

Xa xíni yo, iin naꞌa, na ndíso chiñu xiꞌin ñaꞌa ya ta̱xi Ndioxi ndaꞌa na, ta xíniñuꞌu na kuu na naꞌa, na ndaa ini, na ndixa xáa súvi chiñu ndi̱kiꞌvi ndaꞌa na.

1 Timoteo 1:12

Táxi ni i tixaꞌvi ndaꞌa Tata yo Jesucristo, taa ra ta̱xi ni ndee ndaꞌa i, saa chi ndáa ni ini ra xíni ra yeꞌe yakan ndi̱kaxin ra yeꞌe ya xaa súvi i chiñu nuu ra.

HEBREOS 1:1

Tá kuiya xinaꞌa ta kuaꞌa ni ichí tin kuaꞌa ni kuꞌva ndi̱kaꞌan Ndioxi xiꞌin xii sikua yo, ta ndi̱kaꞌan ra xiꞌin na tixin nda ndi̱kaꞌan ndoso tuꞌun yuꞌu ra.

HEBREOS 3:2

Xa̱a súvi ni Jesús chiñu nuu Ndioxi. Tá íyo ndiꞌi ya ndi̱kaꞌan Ndioxi xiꞌin ra, saa íyo ndiꞌi ya i̱kan ra, xa̱a súvi ni ra ya, tá i̱kan ra Moisés xinaꞌa xa̱a súvi ni ra chiñu veꞌe Ndioxi ya ndi̱kaꞌan Ndioxi xiꞌin ra ikan ra.

HEBREOS 3:4

Saa chi ndiꞌi veꞌe, ta íyo naꞌa síkuaꞌa ya, sundi Ndioxi, ta süvi iindaa veꞌe kua ndi̱sikuaꞌa ra, si̱kuaꞌa tu ra iníi ñuu ivi yóꞌó va.

HEBREOS 8:5

Sundi chiñu ya íkan nda sutu yóꞌó ini veꞌe ñuꞌu, ta tá káa copia ya íyo nuu ndivi va káa ya ndínaꞌa na ndá kuꞌva káa mií ya ndixa ndaa ni íyo ini veꞌe ñuꞌu nuu ndivi. Ta xíni yo kúu ya copia, saa chi tá kivi ndi̱kaꞌan Ndioxi xiꞌin ra Moisés ya sikuaꞌa ra veꞌe ñuꞌu manta nuu kañuꞌu na Ndioxi, ta ndi̱kaꞌan ra xiꞌin ra, káchi ra saa: “Koto vaꞌa un ya kaꞌan i xiꞌin un, tá kuꞌva káa nií copia ya sinaꞌa i nuu un iku yóꞌó, saa koo ya sikuaꞌa un”, káchi Ndioxi xiꞌin ra.

HEBREOS 9:24

Saa chi veꞌe ñuꞌu nuu ndee ni I̱í ndi̱kiꞌvi Jesucristo, ta süvi na ñuu ivi yóꞌó ku na ndi̱sikuaꞌa ya. Chi ya si̱kuaꞌa na ivi yóꞌó, ta tá káa copia mií veꞌe ñuꞌu ya ndee ni vaꞌa íyo mií nuu ndivi saa káa ya si̱kuaꞌa na. Ta ikán ku nuu ndi̱kiꞌvi Jesucristo ini veꞌe ñuꞌu ya ndee ni vaꞌa ikán, káꞌan ndaꞌvi ra xaꞌa yo xiꞌin Ndioxi, ya ná xaa kaꞌnu ini ra xaꞌa yo.

El Apocalipsis 15:3

Saa xíta na yaa i̱í nuu Ndioxi, yaa ya náni: yaa kiti Levo, ya xi̱ta ra Moisés, ra xa̱a chiñu nuu Ndioxi xinaꞌa, káchi na saa: Tata Iva yo Ndioxi, ra ndee ni ndee kúu mií un. Saa vaꞌa ni chiñu íkan un, chee ni ya íkan un. Ndaa ni ichí un ta ndaku ni ya. Iin yóꞌó ku rey ra i̱í ni xáꞌnda chiñu nuu ndiꞌi na ñuu ivi.