HEBREOS 2:8 - Xochapa Mixteco

⁸ Ndiꞌi ni kúu ñaꞌa ta̱xi un ndaꞌa ra ndáa chiñu ra xiꞌin ya. Ta nda iin ñaꞌa köo ndi̱sindoo mií Ndioxi, ta̱xi ndiꞌi ra ya ndaꞌa ra. Vani ndi̱kundiso chiñu ra xiꞌin ndiꞌi ni kúu ya, ta saa ni íyo ka sava ya täꞌan xinu.

HEBREOS 2:8 Mawu Ofanana

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

San Juan 3:35

Iva yo Ndioxi ta kúꞌvi ni ini ra xíni ra Seꞌe ra, yakan kua ta̱xi ndiꞌi ra ñaꞌa ndaꞌa Seꞌe ra.

1 Corintios 15:27

Tá káchi tuꞌun Ndioxi ya ta̱a na xinaꞌa, káchi ya saa: “Ndiꞌi ni kúu ñaꞌa, ta mií Jesucristo ku ra ndi̱kuiso chiñu xiꞌin ndiꞌi ya”. Xaꞌa ya káꞌan tuꞌun Ndioxi saa, ta köo kúni kachi ya nda mií Ndioxi ku ra ndi̱kuiso chiñu Jesucristo xiꞌin, chi mií va Ndioxi ku ra ta̱xi ndee ndaꞌa Jesucristo ndi̱kuiso chiñu ra xiꞌin ndiꞌi ni kúu ñaꞌa.

HEBREOS 1:13

Ndioxi ta nda iin ichí köo ndi̱kaꞌan ra saa xiꞌin nda iin na tatun ra, tá kuꞌva ndi̱kaꞌan ra xiꞌin Seꞌe ra: Naꞌa yóꞌó koo un xiꞌin i ñaꞌñu kuáꞌá i kaꞌnda chiñu un xiꞌin i, ndakua ná tindaa kivi sikoyo i naꞌa, na sáa ini xíni yóꞌo̱ tixin xaꞌa un, sindiꞌi xaꞌa ndiꞌi i na, káchi Ndioxi xiꞌin ra.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

HEBREOS 2:5

Ndioxi, ta köo ndi̱taxi ra ichí ndaꞌa na tatun ra ya kaꞌnda chiñu na nuu ñuu ivi ya xa̱á, ya káꞌan yo xaꞌa vitin.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.

El Apocalipsis 1:18

Yeꞌe ra táku, ra ndi̱xiꞌi ta ndi̱taku i, saa kutaku i ndiꞌi ni kúu kivi ya vaxi. Ta yeꞌe ku i xáꞌnda chiñu nuu ya xáꞌni ndìì án ya náni Hades nuu xáꞌnda chiñu ndee yóꞌó.

El Apocalipsis 1:5

Saa ná ikan tu Tata yo Jesucristo ya vaꞌa xiꞌin ndo, saa chi ndaa ni ini ra, ta ndinuꞌu ini ra ndíkuiin ra xaꞌa tuꞌun ndaa ni káꞌan ra. Ta ra ikán ku ra núnuu ndi̱taku tañu ndiꞌi na ndíi, yakan kúu mií ra ichí kaꞌnda chiñu ra nuu nda rey ñuu ivi yóꞌó. Ta kúꞌvi ni ini ra xíni ra yoo, ta köo ka kuachi ndíso yo nuu Ndioxi, saa chi ndi̱xiꞌi Jesucristo xaꞌa kuachi yo, ta xiꞌin nií ra nduta ndi̱xita ndi̱kata ra kuachi yo, nda̱sa vaꞌa ra yoo nuu Ndioxi.