HEBREOS 2:3 - Xochapa Mixteco

³ Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.

HEBREOS 2:3 Mawu Ofanana

San Mateo 23:33

¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya!

San Mateo 4:17

Saa xa̱á Jesús káꞌan ndoso ra tuꞌun Ndioxi xiꞌin naꞌa, káchi ra saa: ―Ndiko koo ini ndo xaꞌa ya väꞌa íkan ndo, chi xa yati ni íyo ichí ya xáꞌnda chiñu Ndioxi nuu kutaku ndo ―káchi Jesús xiꞌin na.

San Marcos 1:14

Sindiꞌi tá chi̱kaa ra Herodes ra Juan veꞌe kàà, saa ke̱e Jesús kuaꞌan ra estado Galilea kaꞌan ra tuꞌun vaꞌa xaꞌa Ndioxi ndá kuꞌva kua kaꞌnda chiñu ra.

San Lucas 1:2

Tá íyo ya si̱naꞌa nda xi̱taꞌan xiꞌin ra, nda xi̱ni xiꞌin nuu ndiꞌi ya i̱kan ra, saa íyo ya ta̱a nda, chi nda ikán ku nda ndi̱kuiso chiñu kaꞌan ndoso nda tuꞌun ra.

San Lucas 1:69

Xaꞌa ya ti̱ꞌvi ra iin ra Chee ni vaxi ra sikaku ra yoo ta tixin seꞌe sikua ra David, ra xa̱a chiñu nuu ra kua i̱kan ra saa xiꞌin yo.

San Lucas 24:19

Saa ndi̱kaꞌan ra xiꞌin nda káchi ra saa: ―¿Ta unkua ku̱u kua? ―káchi ra xiꞌin nda. Saa ndi̱kuiin nda, káꞌan nda: ―Xaꞌa ra Jesús, ra ñuu Nazaret va kua káꞌan nde. Ra ndi̱kaꞌan ndoso tuꞌun yuꞌu Ndioxi ndi̱xiyo ra, ta ndee ni ndee taa ku̱u mií ra, kuaꞌa ni ya vaꞌa i̱kan ra, vaꞌa ni si̱naꞌa ra. Ta vaꞌa ni káꞌan Ndioxi xaꞌa ra tin ndiꞌi naꞌa.

San Juan 15:27

Ta saa tu ndóꞌo̱ va, ndikuiin ndo xaꞌa i nuu naꞌa, chi ndóꞌo̱ ta nda núnu̱ú xa̱á ndo íyo ndo xiꞌin i ―káchi ra xiꞌin nda.

Los Hechos 1:22

nda kivi tá si̱kuchi ra Juan Jesús iin saa nda kivi tá nda̱a ra kuaꞌan ra nuu ndivi. Ta vitin xíniñuꞌu nde iin ra kiꞌvi ra xiꞌin nde nduu nde uxi uvi. Ta saa ndikitaꞌan ra kuu ra testigo xiꞌin nde kaꞌan nde xaꞌa Jesús ya ndi̱taku ra ―káchi ra Pedro xiꞌin na.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

Los Hechos 4:12

Iindaa mituꞌun Jesús ku ra kúu mií ndee ya sikaku ra yoo. Nda iin na ñuu ivi yóꞌó ta köo na kuchiñu sikaku yoo, nda iin ñaꞌñu nïꞌi yo na sikaku mií yo, iindaa Jesús ku ra kúu mií ndee ya ta̱xi Ndioxi ndaꞌa ra sikaku ra yoo ―káchi ra Pedro xiꞌin ndiꞌi na xikuaꞌa ikán tin na chiñu.

ROMANOS 11:14

Yakan ndee ni ndíkundee i káꞌan ndoso i tuꞌun ra xiꞌin ndo, chi kúni i ná ndukuiñu xiní na ñuu i kuni na ndóꞌo̱, ta saa ndiko koo na nuu Ndioxi ya sikaku ra sava na.

ROMANOS 2:3

Ta ndóꞌo̱, káꞌan ndo xaꞌa inka naꞌa xaꞌa ya väꞌa íkan na. Ta ¿án ndíkani ini ndo kaku ndo nuu Ndioxi, ta xäa nduvaꞌa ra xiꞌin ndo káꞌán ndo? Saa chi saa tu ndóꞌo̱ va, tá íkan na ikán, saa íkan tu mií va ndo.

1 Corintios 1:21

Xaꞌa ya ndíchi ni xi̱ní mií na ñuu ivi yóꞌó túvi na, yakan kua köo ndi̱xiin na kandixa na Ndioxi. Xaꞌa ya ikán kua vaꞌa ka si̱kaku Ndioxi naꞌa, na kándixa tuꞌun ya ndi̱tuꞌun nde xaꞌa Jesucristo xiꞌin na. Vani kuaꞌa ni naꞌa ndíkani ini xaꞌa tuꞌun ya ndi̱kaꞌan nde xiꞌin na, tuꞌun kíꞌvi va kua túvi na.

1 Tesalonicenses 5:3

Tá xa̱á naꞌa káꞌan na: “Vaꞌa ni táxin káa ndóo yo, köo ya ndíꞌi ini yo xaꞌa”, káchi na. Ta saa kua iin kuu soꞌva tindaa tindoꞌo nuu na. Tá ndóꞌo iin ñaꞌa yá ñúꞌu seꞌe, iin kúu soꞌva xáa seꞌe yá xáꞌnda ya, kuꞌva saa kundoꞌo naꞌa tá ná ndiko koo Tata yo Jesucristo ñuu ivi yóꞌó. Ta nda iin ka na nïꞌi nuu kuꞌun na ya kaku na nuu tindoꞌo ya ndee ni vaxi nuu na tiempo ikán.

1 Timoteo 1:15

Ta vaꞌa ná kundaa ini un xiꞌin ya káꞌan i xiꞌin un, chi ya ndaa ni kua, ta ndiꞌi na xíniñuꞌu kundaa ini xaꞌa ya yóꞌó: Chi Tata yo Jesucristo ku ra ki̱xi ñuu ivi yóꞌó ya sikaku ra yo ivi kuachi, ta kúni i káꞌan i xiꞌin un, xiꞌna yeꞌe ku ra ndee ni kuachi íyo nuu ndiꞌi na ivi.

Tito 2:11

Saa chi Ndioxi ta si̱naꞌa ra yoo ya ndee ni kúꞌvi ini ra xíni ra yoo, yakan ta̱xi ra ichí ndaꞌa yo ya ná kuchiñu kaku ndiꞌi ni kúu yo ñuu ivi yóꞌó.

HEBREOS 1:1

Tá kuiya xinaꞌa ta kuaꞌa ni ichí tin kuaꞌa ni kuꞌva ndi̱kaꞌan Ndioxi xiꞌin xii sikua yo, ta ndi̱kaꞌan ra xiꞌin na tixin nda ndi̱kaꞌan ndoso tuꞌun yuꞌu ra.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

HEBREOS 12:25

Yakan kua xíniñuꞌu ni yo kuni soꞌo yo ya káꞌan Ndioxi xiꞌin yo, süvi ka vi ya kundoꞌo yo tá ndo̱ꞌo xií sikua yo kivi köo ndi̱xiin na kuni soꞌo na ya ndi̱kaꞌan ra xiꞌin na iku Sinaí ñuu ivi yóꞌó. Tá tu köo ndi̱kuchiñu na ikán kaku na kivi ndi̱kaꞌan ra xiꞌin na ñuu ivi yóꞌó, ta ndisaa ka vi yoo, unkua ikan yo kaku yo tá tu köo xíin yo kuni soꞌo yo ya káꞌan ra xiꞌin yo kivi vitin. Saa chi kivi káꞌan ra xiꞌin yo ta nda nuu ndivi vaxi ya káꞌan ra xiꞌin yo.

HEBREOS 4:1

Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

HEBREOS 9:28

Saa chi saa i̱kan Jesucristo iin ichí va ndi̱xiꞌi ra ya ndi̱soko ra mií ra nuu ndi̱kata ra kuachi kuaꞌa ni naꞌa. Ta sindiꞌi, tá ná ndiko koo tuku ra ichí uvi, ta kïxi ka ra ya kuvi ra xaꞌa kuachi yo, sundi kixi ra sikaku ra yo ndátun ñaꞌa.

1 Juan 1:1

Na taꞌan yo, vitin káꞌan nde xiꞌin ndo xaꞌa iin taa ra xa íyo xinaꞌa tá täꞌan xáa xaꞌa ñuu ivi. Chi ndeꞌe ta xi̱ni xiꞌin nuu nde ra, saa xi̱ni soꞌo nde tuꞌun ya ndi̱kaꞌan ra, ta ti̱in ndaa nde ra xiꞌin ndaꞌa nde. Yakan ndítuꞌun nde xiꞌin ndo xaꞌa ra, chi ra ikán ku tuꞌun Ndioxi ra táxi kutaku yo.

Judas 1:17

Sundi ndóꞌo̱ ñani yo, ta ndikaꞌán ni ini ndo xaꞌa tuꞌun ya ndi̱kaꞌan nda xa̱a chiñu nuu Tata yo Jesucristo tá yachi.

El Apocalipsis 7:10

Ta ndee ni ndi̱kaꞌan ndiꞌi na ikán, káchi na saa: Ndisaa Iva yo Ndioxi ra índuꞌu nuu tai toꞌo, xiꞌin kiti Levo loꞌo índuꞌu xiꞌin ra ku ri kuchiñu sikaku yoo, köo ka inka naꞌa kuchiñu sikaku yoo ―káchi ndiꞌi na káꞌan na.