HEBREOS 2:1 - Xochapa Mixteco

¹ Xaꞌa ya yóꞌó kua xíniñuꞌu yo chikaa ni soꞌo yo xaꞌa tuꞌun Ndioxi ya xi̱ni soꞌo yo ya ná sïndoo yo ichí ra, ta ná kandixa ni ka yo ra.

HEBREOS 2:1 Mawu Ofanana

San Mateo 16:9

¿Án täꞌan kundaa ini ndo? ¿Án xa ndi̱ndoso ini ndo tá ndi̱taꞌvi i uꞌun xita vaꞌa xi̱xi uꞌun mil taa, ta kuaꞌa ni tika si̱kutu ndo xiꞌin ya ndi̱ndoo?

San Marcos 8:18

Íyo nduchi nuu ndo, ta köo xíto ndo, íyo soꞌo ndo ta köo xíni soꞌo ndo. ¿Án köo ñúꞌu ini ndo ya i̱kan i?

San Lucas 8:15

Ta siꞌva ri ndi̱koyo nuu ñuꞌú vaꞌa ku na kúu mií nima vaꞌa, ndâku ni ini na chívaꞌa na tuꞌun xíni soꞌo na nima na, ta köo ndíko koo ini na ya kuaꞌan na ichí ra, tá íin kuiꞌi vaꞌa ni kána, saa íin na ikán ―káchi Jesús xiꞌin nda ítaꞌan xiꞌin ra.

San Lucas 9:44

―Kuni soꞌo vaꞌa ndo ya kaꞌan i xiꞌin ndo, chikaa ni ndo ya nima ndo ta ndïndoso ini ndo ya, chi yeꞌe ra kúu Taa ra xa̱a ñuu ivi yóꞌó, ta nditaxi na yeꞌe ndaꞌa na ivi yóꞌó ya xaa nduvaꞌa ni na xiꞌin i ―káchi ra xiꞌin nda.

San Juan 8:59

Tá xi̱ni soꞌo nda tuꞌun ikán, ta ndi̱saa ni nda, saa ti̱in nda yu̱ú kani ñaꞌa nda, saa ti̱seꞌe ra ta ke̱ta ra ini veꞌe ñuꞌu ndi̱yaꞌa sava ra maꞌñu na, kuaꞌan ra.

HEBREOS 12:5

¿Án xa ndi̱ndoso ini ndo ya káꞌan Ndioxi xiꞌin ndo kúu ndo seꞌe ra? Tá káchi ra nuu tuꞌun ra, káchi ya saa: Seꞌe mií i, säa ndo tá káꞌan i xiꞌin ndo ndá kuꞌva xíniñuꞌu ndo kaka ndo. Ta ndïkava ini ndo tá ndáꞌi Ndioxi xiꞌin ndo.

2 Pedro 1:15

Ta xaꞌa ya ikán kua ndíꞌi ni ini i síndikaꞌán i ndóꞌo̱ ndiꞌi saa ichí, yachi ka tá íyo i xiꞌin ndo ya ná kuñuꞌu ni ini ndo xaꞌa ya káꞌan i xiꞌin ndo tá kivi köo ka i íyo xiꞌin ndo.

2 Pedro 3:1

Ñani yo xiꞌin kuꞌva yo, ya yóꞌó ku tutu ya uvi táa i xaa ndaꞌa ndo. Ta̱a i uvi saa ya xaa ya ndaꞌa ndo ya ndíkani i nuu ndo ya ná koo vaꞌa ni ya xínituni ndo saa ndikani ndaku ni ini ndo.