HEBREOS 13:4 - Xochapa Mixteco

⁴ Ndóꞌo̱ taa nda xa ti̱ndaꞌa, án ná síꞌi xa ti̱ndaꞌa ta xíniñuꞌu ndo kañuꞌu ndo yá síꞌi ndo án i̱í ndo. Ta käka ndo xiꞌin inka ñaꞌa án inka taa, saa chi Ndioxi ta ndee ni xaa nduvaꞌa ra xiꞌin ndiꞌi na íkan saa.

HEBREOS 13:4 Mawu Ofanana

1 Corintios 5:13

Mií Ndioxi ku ra xaa nani kuachi xiꞌin naꞌa, na köo xíni tuꞌun ra. Xaꞌa ya ñaa kua vaꞌa ka tava ndo ra ndíkaa xiꞌin ndo veꞌe ñuꞌu xaꞌa ya väꞌa kéꞌe ra.

1 Corintios 6:18

Xaꞌa ya ñaa kua käka sií ndo xiꞌin ikin kuñu ndo. Chi kuachi yóꞌó ka ku mií ya ndee ni xáa yakua ikin kuñu ndo nuu tá kúu ndiꞌi ka kuachi ya väꞌa íkan ndo, chi ndá ka ya väꞌa íkan ndo ta köo iin káchi íyo ya xiꞌin kuachi yóꞌó, chi ya yóꞌó ta síndiꞌi xaꞌa ya ikin kuñu ndo. Yakan vaꞌa ka kunu ndo nuu taꞌan kuachi yóꞌó.

1 Corintios 6:9

¿Án köo xíni ndo, naꞌa, na íkan ya väꞌa ta küchiñu na koo na xiꞌin Ndioxi nuu xáꞌnda chiñu ra? Sïndaꞌvi ndo mií ndo chi ni na xíka sií xiꞌin taꞌan küvi koo na xiꞌin Ndioxi, ni na káñuꞌu ndioxi ndíi, ni taa ra kuakiꞌvi xiꞌin inka ñaꞌa, ni ñaꞌa yá kuakiꞌvi xiꞌin inka taa, ni taa ra kíxi xiꞌin inka taa, ni taa ra ndúu síꞌi nuu inka taa,

1 Corintios 7:38

Yakan kua vaꞌa ni va íkan naꞌa, na tíndaꞌa. Ta na xïin tindaꞌa, ta vaꞌa ni ka va tu íkan na ikán.

1 Corintios 9:5

Ta kúu tu mií nde ichí ya ndikiꞌin nde iin yá kuꞌva yo koo yá síꞌi nde, ta kuꞌun yá xiꞌin nde ndá ka nuu kuaꞌan nde, tá kuꞌva íkan sava nda taꞌan yo tá kúu ra Pedro xiꞌin nda ñani mií Tata yo Jesucristo. Sundi ndeꞌe ta köo íkan nde saa.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

Gálatas 5:19

Chi xa kúndaa vaꞌa va ini yo ndá ñaꞌa kua kútoo ni ikin kuñu yo ikan ya: tá kúu ya kuakiꞌvi nda taa xiꞌin ná síꞌi ta süvi ná síꞌi nda ku ná ta saa íkan tu ná síꞌi va, saa tu na täꞌan ka tindaꞌa xiꞌin taꞌan na ta xa kuakiꞌvi na xiꞌin taꞌan na, ta saa tu ndiꞌi na ikán ndá ka ñaꞌa ya kini ni káa, saa tu na íkan ndiꞌi ya kúni mií ikin kuñu va na,

Gálatas 5:21

xiꞌin na kǔní ini xíni taꞌan, saa tu na xáꞌni ndìì, xiꞌin na xíꞌí tin na xíka ndá ka nuu íyo viko, xiꞌin na íkan ndiꞌi nuu ñaꞌa väꞌa taꞌan ya yóꞌó. Ta xa yachi ndi̱tuꞌun i xiꞌin ndo xaꞌa ya yóꞌó, ta vitin ndítuꞌun tuku i xiꞌin ndo xaꞌa ya, chi ndiꞌi na íkan saa ta küchiñu na koo na nuu xáꞌnda chiñu Ndioxi.

Efesios 5:5

Chi xa xíni mií ndo ndiꞌi naꞌa, na kuakiꞌvi xiꞌin taꞌan ta küchiñu na koo na xiꞌin Ndioxi nuu xáꞌnda chiñu Tata yo Cristo. Ni naꞌa, na íkan ndá ka ñaꞌa ya kini ni káa, ya yakua án na kútoo ni koo kuaꞌa ñaꞌa. Ndiꞌi na íkan saa ta tá íin na káñuꞌu ndioxi siki va saa íin na.

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.

1 Timoteo 3:12

Ta nda ñani yo, nda chíndee taꞌan xiꞌin nda ínuu nuu na veꞌe ñuꞌu, ta iin va xíniñuꞌu koo yá síꞌi nda, saa xíniñuꞌu nda taxi vií nda ichí nuu seꞌe nda xiꞌin na veꞌe nda.

1 Timoteo 3:2

Chi ndiꞌi ñani yo, nda kúni ikán taꞌan chiñu yóꞌó ta xíniñuꞌu ndâku ni ná koo ini nda, ya ná köo naꞌa kaꞌan xaꞌa nda, ta iindaa ná koo yá síꞌi nda, ta ná kuñuꞌu káxin teꞌe ini nda, ndíchi ná koo xi̱ní nda, ta i̱í ná koo ini nda, ta ná koo ndúvi nda ndikuiso nda naꞌa, na xáa veꞌe nda, saa ná koo ndúvi nda ya vaꞌa ni sinaꞌa nda tuꞌun Ndioxi.

1 Timoteo 3:4

Saa xíniñuꞌu nda kuniꞌi vií nda na veꞌe nda, ta vií ná sinaꞌa nda seꞌe nda ya ná xaa súvi na ya káꞌan nda, saa kua koo toꞌo na nuu ndiꞌi naꞌa.

1 Timoteo 4:3

Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.

1 Timoteo 5:14

Xaꞌa ya ñaa kua vaꞌa ka ná tindaꞌa va ná kuâán vali ndi̱xiꞌi ndaa, káchi yeꞌe. Ta ná kaku seꞌe ná, saa ná kiꞌin ná kuenta xiꞌin na, ná kundaa ná na veꞌe ná, chi tá íkan ná saa ta köo ñaꞌa niꞌi naꞌa, na köo xíni tuꞌun Ndioxi, na sáa ini xíni yoo, köo ya niꞌi na kanaꞌa kini na xaꞌa yo.

Tito 1:6

Ta nda ñani yo, nda ndikaxin un kundaa chiñu xiꞌin na veꞌe ñuꞌu, ta xíniñuꞌu ndǎku ni koo ini nda, ná kunuu vaꞌa tuꞌun xaꞌa nda, ta iindaa ná kuu yá síꞌi nda, ta ná kuu seꞌe nda na kándixa Tata yo Jesucristo, saa ná kuu na, na ínuu vaꞌa ni tuꞌun xaꞌa, ná köo na naꞌa, na soꞌo ni.

HEBREOS 12:16

Ta nda iin ndóꞌo̱, käka sií xiꞌin ñaꞌa án xiꞌin taa, ta ni kündasi nuu ndo kuni ndo Ndioxi tá kuꞌva i̱kan ra Esaú xinaꞌa. Chi xaꞌa ya kúu ra seꞌe núnu̱ú iva siꞌí ra kua ku̱u mií ra ichí ya ndikiꞌin ra ya vaꞌa ndaꞌa na, sundi ra ikán, ta ndi̱xiko ra ya xaꞌa iin koꞌo loꞌo ñaꞌa xíxi.

El Apocalipsis 22:15

Ta na väꞌa ndoo na kundoo na chí keꞌe, chi na ikán ku na i̱kan ya väꞌa, ya kini ni. Saa tu na tuꞌva, na tási, saa tu nda taa nda ndi̱xika xiꞌin ná síꞌi, ta saa tu ná síꞌi ná ndi̱kiꞌvi xiꞌin taa, ta saa tu na xa̱ꞌni ndìì, saa tu na xa̱a kaꞌnu inka ndioxi án inka naꞌna ndioxi ra köo kúu Ndioxi ndaa, saa tu na kútoo ni kaka xiꞌin ya síki, ta síndaꞌvi na naꞌa. Ndiꞌi na ikán küchiñu na koo na ñuu i̱í xiꞌin Ndioxi.