HEBREOS 13:3 - Xochapa Mixteco

³ Ta ndikaꞌán ini ndo xaꞌa na ñúꞌu veꞌe kàà, nda tá íin mií vi ndo, saa íin ndo ñúꞌu veꞌe kàà xiꞌin na, kukaꞌán ndo. Ta saa kuñuꞌu ini ndo xaꞌa na ndóꞌo ni ini íkan inka naꞌa, nda tá xiꞌin mií vi ndo kua íkan na saa, kukaꞌán ndo.

HEBREOS 13:3 Mawu Ofanana

San Mateo 25:36

Kivi tá köo toto i ndi̱xiyo, ta ta̱xi ndo toto xi̱ndixi i, tá ku̱ꞌvi i ta ndi̱xaa ndo xi̱to ndo yeꞌe, saa tá xi̱ndikaa i veꞌe kàà ta ndi̱xaa ndo xi̱to ndo yeꞌe”, kachi i xiꞌin na.

San Mateo 25:43

Ni kivi tá ndi̱xaa i ñuu ndo ta köo ndi̱taxi ndo veꞌe nuu kusun i, ni toto kundixi i köo ndi̱taxi ndo ndaꞌa i kundixi i. Ni tá ku̱ꞌvi i ta köo ndi̱xaꞌan ndo koto ndo yeꞌe, saa tu tá xi̱ndikaa i veꞌe kàà, ta köo ndi̱xaꞌan ndo koto ndo yeꞌe”, kachi i xiꞌin na.

Los Hechos 24:23

Saa xa̱ꞌnda mií ra gobernador ikán chiñu nuu iin ra ndíso chiñu xiꞌin nda lapa, ya ná kundaa nda ra Pablo, sundi ná taxi nda kaka ndíka ra, ta saa ná kiꞌvi na taꞌan ra koto ñaꞌa na ―káchi mií ra gobernador ikán.

Los Hechos 27:3

Tá ndi̱tuvi inka kivi ndi̱xaa nde ñuu Sidón. Ikán ku nuu i̱kan ra Julio ya vaꞌa xiꞌin ra Pablo, ta̱xi ra ndi̱xaꞌan ra xíto ra na xínitaꞌan xiꞌin ra, ta chi̱ndee ñaꞌa na ikán.

ROMANOS 12:15

Kusini ni ndo xiꞌin naꞌa, na kúsini, ta kuaku ndo xiꞌin naꞌa, na xáku.

1 Corintios 12:26

Xaꞌa ya ikán kua, tá kúꞌvi iin ñaꞌñu ikin kuñu yo, ta iin kúꞌvi ndiꞌi ikin kuñu yo. Ta saa tu tá iin ñaꞌñu ikin kuñu yo kée vaꞌa ni, ta ndiꞌi ya vaꞌa ni kúni.

Efesios 4:1

Yeꞌe, Pablo, ndíkaa i veꞌe kàà xaꞌa ya xáa chiñu i nuu Tata yo Jesucristo, ta xíkan ni i ya mani nuu ndo ya ná koo ndo tá kuꞌva kúni mií ra, xaꞌa ya ñaa kua ka̱na ra ndóꞌo̱.

Colosenses 4:18

Ta yeꞌe, Pablo, ku i káꞌan ndioxi xiꞌin ndo, xiꞌin ndaꞌa mií i táa i ya káꞌan i xiꞌin ndo. Ta ndikaꞌán ini ndo xaꞌa i ya ndíkaa i veꞌe kàà yóꞌó. Ta mií Tata yo Jesucristo ná chikaa ni ya vaꞌa ndóꞌo̱. Saa ná koo.

HEBREOS 10:34

Saa ku̱ndaꞌvi ni ini ndo xi̱ni ndo na tá ñúꞌu na veꞌe kàà. Ta nda kúsini ndo tá xíto ndo kíndaa na ñaꞌa ndo ndaꞌa ndo. Saa chi ndóꞌo̱, ra xíni ndo, vaꞌa ni ka ñaꞌa kúu mií ndo nuu ndivi, ya taxi Ndioxi ndaꞌa ndo, saa chi ya ikán ta nda iin ichí ndïꞌi xaꞌa ya.

HEBREOS 11:37

Ta sava na xa̱ꞌni ñaꞌa na xiꞌin yu̱ú. Sava na xa̱ꞌnda sava ñaꞌa na xiꞌin kàà ya xáꞌnda itun. Sava na xa̱ꞌni ñaꞌa na xiꞌin i̱chi. Ta sava na xi̱ndixi ñii levo xiꞌin ñii tixuꞌu, köo toto na ndi̱xiyo, ni veꞌe na köo ndi̱xiyo. Ndaꞌvi ni ndi̱xiyo na, ku̱chiꞌña ni ini na ta ndo̱ꞌo ni na ndaꞌa inka naꞌa, na köo xíni Ndioxi.

1 Pedro 3:8

Vitin káꞌan i xiꞌin ndo, vívií koo ndo xiꞌin taꞌan ndo, iin yuꞌu koo ndo. Vívií kutaꞌan ndo. Kuꞌvi ini ndo kuni taꞌan ndo, kundaꞌvi ini ndo kuni taꞌan ndo, xaa ni̱nu̱ ndo mií ndo.