HEBREOS 13:2 - Xochapa Mixteco

² Ta ndïndoso ini ndo ya ndikuiso vií ndo naꞌa, na xáa veꞌe ndo. Chi saa ndo̱ꞌo sava naꞌa xinaꞌa xiꞌin naꞌa, na ndi̱xaa veꞌe na, ta köo ndi̱kundaa ini na ya ndi̱kuiso na tatun Ndioxi veꞌe na.

HEBREOS 13:2 Mawu Ofanana

San Mateo 25:35

Saa chi kivi tá ndi̱kaꞌun ini i, ta ta̱xi ndo xi̱xi i, kivi tá ndi̱ndichi i tikuii, ta ta̱xi ndo tikuii xi̱ꞌi i, saa ni kivi ke̱e i ñuu i ta ndi̱xika i inka ñuu, ta ta̱xi ndo veꞌe ndo ndi̱kixi i.

San Mateo 25:40

Saa ndikuiin yeꞌe, rey, kaꞌan i xiꞌin na, kachi i saa: “Ya ndaa káꞌan i xiꞌin ndo, kivi i̱kan ndo ya vaꞌa xiꞌin na ndíkun yeꞌe, vani ndaꞌvi ni na, ta süvi xiꞌin na ikán ndi̱xaa ndo ya vaꞌa, sundi xiꞌin yeꞌe i̱kan ndo ya vaꞌa”, kachi i xiꞌin na ―káchi Jesús.

San Mateo 25:43

Ni kivi tá ndi̱xaa i ñuu ndo ta köo ndi̱taxi ndo veꞌe nuu kusun i, ni toto kundixi i köo ndi̱taxi ndo ndaꞌa i kundixi i. Ni tá ku̱ꞌvi i ta köo ndi̱xaꞌan ndo koto ndo yeꞌe, saa tu tá xi̱ndikaa i veꞌe kàà, ta köo ndi̱xaꞌan ndo koto ndo yeꞌe”, kachi i xiꞌin na.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

ROMANOS 12:13

Saa koo ndúvi ndo ya chindee ndo na ndaꞌvi veꞌe ñuꞌu, na ñuu Ndioxi. Ta ndikuiso vaꞌa ndo naꞌa, na xáa veꞌe ndo, án ñuu yati vaxi na, án ñuu xika vaxi na, ta ndikuiso ndo na. Saa taxi ndo kuxi na, ta taxi ndo nuu kusun na.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

1 Timoteo 3:2

Chi ndiꞌi ñani yo, nda kúni ikán taꞌan chiñu yóꞌó ta xíniñuꞌu ndâku ni ná koo ini nda, ya ná köo naꞌa kaꞌan xaꞌa nda, ta iindaa ná koo yá síꞌi nda, ta ná kuñuꞌu káxin teꞌe ini nda, ndíchi ná koo xi̱ní nda, ta i̱í ná koo ini nda, ta ná koo ndúvi nda ndikuiso nda naꞌa, na xáa veꞌe nda, saa ná koo ndúvi nda ya vaꞌa ni sinaꞌa nda tuꞌun Ndioxi.

1 Timoteo 5:10

Ta saa tu ná ndóso vaꞌa tuꞌun xaꞌa ya íkan ná ya vaꞌa, ta vaꞌa ni xi̱ndaa ná seꞌe ná, ta saa ndi̱kuiso vaꞌa ni ná na xáa veꞌe ná, ta ndi̱kata ná xaꞌa nda ñani yo xiꞌin ná kuꞌva yo, saa chi̱ndee taꞌan ná xiꞌin naꞌa tá xi̱ñúꞌu na nuu tindoꞌo, ta vaꞌa ni i̱kan ná xiꞌin ndiꞌi naꞌa.

Tito 1:8

Ya ndee ni xíniñuꞌu nda ikan nda kua yóꞌó, ná koo ndúvi nda ndikuiso vií nda naꞌa veꞌe nda, na xíniñuꞌu chindee taꞌan nda xiꞌin, saa ná kutoo nda ikan nda ya vaꞌa, káxin ni ná koo ini nda, vaꞌa ná koo ini nda, i̱í ná koo nda, ná ndixita nda mií nda nuu ya väꞌa.

1 Pedro 4:9

Ta kusini ni ndo ndikuiso vií ndo na ñani yo na xáa uvi ndaa kivi veꞌe ndo, ta käꞌan kuachi ndo xaꞌa ya íkan ndo saa xiꞌin na.

3 Juan 1:5

Ñani yo, vaꞌa ni íkan un xiꞌin na taꞌan yo na xáa veꞌe un, saa chi vani inka ñuu vaxi na, ni köo xíni un na ta ndíkuiso vií un na veꞌe un.